រាជធានីភ្នំពេញ ៖ សម្រាប់បងប្អូនដែលធ្វើដំណើរតាមផ្លូវជាតិលេខ 6A កុំភ្លេចចូលភ្លក់រសជាតិ កាហ្វេ និងអាហារ រសជាតិឈ្ងុញឆ្ងាញ់នៅហាង «អប់ម្លិះកាហ្វេ» ដែលទើបតែបើកកាលពី…
រាជធានីភ្នំពេញ ៖ សម្រាប់បងប្អូនដែលធ្វើដំណើរតាមផ្លូវជាតិលេខ 6A កុំភ្លេចចូលភ្លក់រសជាតិ កាហ្វេ និងអាហារ រសជាតិឈ្ងុញឆ្ងាញ់នៅហាង «អប់ម្លិះកាហ្វេ» ដែលទើបតែបើកកាលពី ពេលថ្មីៗមកនេះ ហើយដែលត្រូវបានបង្កើតឡើងដោយស្នាដៃកូនខ្មែរក្នុងស្រុក ទាំងឈ្មោះ ទាំងឡូហ្គោ និងកាឌីហ្សាញហាងទាំងមូលតែម្តង ។ អប់ម្លិះកាហ្វេ មានទីតាំងស្ថិតនៅតាម បណ្តោយផ្លូវជាតិលេខ 6A ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ និង មានចម្ងាយត្រឹមតែ ១០ នាទីប៉ុណ្ណោះពីរង្វង់មូលជ្រោយចង្វារ ។
អប់ម្លិះកាហ្វេ ត្រូវរចនាឡើងប្លែកពីគេគួរឱ្យទាក់ទាញខ្លាំងបំផុត ទាំងសោភណភាព និងផាសុកភាព សម្រាប់អតិថិជន ដោយមានទាំងកាហ្វេ និងអាហារទាំងបីពេលប្រកបដោយ រសជាតិដ៏ឈ្ងុយឆ្ងាញ់ និងតម្លៃសមរម្យទៅតាមទីផ្សារ ។
ជួបជាមួយអ្នកគ្រប់គ្រងដែលជាកូនស្រីម្ចាស់ហាង អប់ម្លិះកាហ្វេ កញ្ញា ឆន ខនចន្នីតា បានប្រាប់ឱ្យដឹងថា អប់ម្លិះកាហ្វេ ជាហាងកាហ្វេ បង្កើតឡើយដោយស្នាដៃកូនខ្មែរក្នុងស្រុក ដែលជាការខិតខំរបស់ប៉ាខ្ញុំផ្ទាល់ ទាំងការដាក់ឈ្មោះ ឡូហ្គោ និងកាឌីហ្សាញហាងទាំងមូល ។ កញ្ញាបញ្ជាក់ថា មូលហេតុនៃការដាក់ឈ្មោះហាង «អប់ម្លិះកាហ្វេ» គឺបើតាមឯកសារខ្លះក្នុង ទស្សវត្សរ៍ទី ៦០ គឺចាស់ៗជំនាន់នោះ មានទឹកចិត្តស្រលាញ់គ្នាណាស់ ហើយនៅមុខផ្ទះរបស់ គាត់តែងតែមានក្អមដាក់ទឹកអប់ដោយផ្កាម្លិះ ទុកសម្រាប់ប្រជាពលរដ្ឋទូទៅធ្វើដំណើរឆ្លងកាត់ អាចពិសាបានដោយមិនគិតកម្រៃអ្វីទេ ។ ប៉ាខ្ញុំក៏ធ្លាប់ប្រាប់នាងខ្ញុំថា លោកតា លោកយាយ របស់ខ្ញុំផ្ទាល់ គឺលោកតា ឆន យាយ សុខ ក្រោយពីមកពីរបបប៉ុលពត ក៏គាត់បានដាក់នៅមុខ ផ្ទះរបស់គាត់ដែរ គឺទឹកក្អម និងត្រឡោកដូងសម្រាប់បងប្អូនពិសាពេលស្រេកទឹក ។ ហេតុដូច្នេះហើយទើបប៉ានាងខ្ញុំដាក់ឈ្មោះថា «អប់ម្លិះកាហ្វេ» ។
អ្នកគ្រប់គ្រងហាងកាហ្វេរូបនេះឱ្យដឹងទៀតថា ពាក់ព័ន្ធទៅនិងរសជាតិ និងគុណភាព គឺសម្រាប់គ្រាប់កាហ្វេ និងទឹកដោះគោ គឺធ្វើការជ្រើសរើសយ៉ាងសម្រិតសម្រាំងបំផុត ដោយ ផ្តោតលើគុណភាព ទាំងការទុកដាក់ និងការផលិត គ្រប់មុខ គិតពីអនាម័យ និងសុខភាពជា ចំបាច់ ។ ខ្ញុំក៏ធ្លាប់សហការណ៍ជាមួយហាងកាហ្វេមួយដែលមានស្តង់ដារលំដាប់ខ្ពស់ មាន ជំនាញផ្នែកកាហ្វេច្បាស់លាស់ ហើយទាំងនាងខ្ញុំ និងបុគ្គលិក បានទៅរៀនបន្ថែមជាមួយ អ្នកជំនាញឆុងកាហ្វេស្តង់ដាអន្តរជាតិថែមទៀតផង ។ ដោយសារបទពិសោធន៍ទាំងអស់ នេះទើបសម្រេចចិត្តបង្កើតហាង អប់ម្លិះកាហ្វេ នេះឡើងដើម្បីបម្រើសេចក្តីត្រូវការរបស់ អតិថិជន ។
សូមបញ្ជាក់ផងដែថា «អប់ម្លិះកាហ្វេ» មានលក្ខណៈពិសេស គឺផ្តោតសំខាន់លើ គុណភាព សុខភាពភ្ញៀវ និងផ្សារភ្ជាប់វប្បធម៌ជាតិ ហើយតម្លៃតម្រូវតាមទីផ្សារក្នុងស្រុក ។ ជាពិសេសទីតាំងហាងមានចំណតរថយន្តធំទូលាយ មានបរិយាកាសល្អ មានរុក្ខជាតិបៃតង ហាងមានកន្លែងទទួលអតិថិជនដល់ទៅបីជាន់សម្រាប់ជ្រើសរើស ដោយក្នុងនោះក៏មានបន្ទប់ សម្រាប់ប្រជុំ និងមិនតែប៉ុណ្ណោះមានទាំងកន្លែងថែទាំរថយន្តគ្រប់សេវាកម្មទៀតថែមទៀតផង ។
កញ្ញា ឆន ខនចន្នីតា បន្ថែមថា អប់ម្លិះកាហ្វេ ផ្តោតសំខាន់លើភ្ញៀវគ្រប់វ័យ ទាំងតម្លៃ និងរសជាតិ ។ ហើយក្នុងដំណាក់កាលបើកដំបូងនេះដែរហាងថែមទាំងមានការប្រូម៉ូសិនជា ច្រើនសម្រាប់ឱ្យបងប្អូនអាចសាកល្បងរសជាតិនៅ អប់ម្លិះកាហ្វេ ។ កញ្ញាបានអះអាងថា នឹងខិតខំរក្សាគុណភាព លម្អិតផ្ចិតផ្ចង់ទាំងភេសជ្ជៈ និងអាហារ ដែលសង្ឃឹមថា នឹងទទួលបានការគាំទ្រច្រើនពីអតិថិជន ៕ អត្ថបទសហការ
ចែករំលែកព័តមាននេះ