រាជធានីភ្នំពេញ៖ សាខាទី២ របស់សាលារៀនណត្សឡាញន៍ នៅតំបន់ចំការដូង បានដាក់ឱ្យដំណើរជាផ្លូវការហើយ កាលពីថ្ងៃទី២០ ខែមេសា ឆ្នាំ២០២៤ និងប្រកាសបើកវគ្គសិក្សាថ្មី ចូលរៀននៅថ្ងៃទី២៩…
រាជធានីភ្នំពេញ៖ សាខាទី២ របស់សាលារៀនណត្សឡាញន៍ នៅតំបន់ចំការដូង បានដាក់ឱ្យដំណើរជាផ្លូវការហើយ កាលពីថ្ងៃទី២០ ខែមេសា ឆ្នាំ២០២៤ និងប្រកាសបើកវគ្គសិក្សាថ្មី ចូលរៀននៅថ្ងៃទី២៩ ខែមេសា ខាងមុខនេះ ជាមួយការផ្តល់ជូនអាហារូបករណ៍ រហូតដល់ ២០ ភាគរយ និងការធានារ៉ាប់រងគ្រោះថ្នាក់ និងការពារការសិក្សាបុត្រធីតារហូតដល់ ៥ឆ្នាំ ។
អ្នកស្រី សុខ ចរិយា នាយិកាសាលារៀនណត្សឡាញន៍ សាខាចំការដូង មានប្រសាសន៍ថា សាលារៀនណត្សឡាញន៍ ជាបុត្រសម្ព័ន្ធមួយ នៃបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងបានដំណើរការអស់រយៈពេលជាង ១៥ ឆ្នាំ ហើយ ដោយមានការគាំទ្រយ៉ាងច្រើនលើសលប់ ជាបន្តបន្ទាប់ពីសំណាក់មាតាបិតា សាលារៀនណត្សឡាញន៍ បានបើកដំណើរការសាខាថ្មី, ហើយសាខាចំការដូង ដែលជាសាខាទី២ នេះ នឹងផ្តល់ជូននូវសេវាកម្មអប់រំដូចជា ចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី៦ ស្របតាមស្តង់ដាររបស់ក្រសួងអប់រំ យុវជន និងកីឡា កម្មវិធីមត្តេយ្យភាសាអង់គ្លេស កម្មវិធីភាសាអង់គ្លេស សម្រាប់កុមារ កម្មវិធីភាសាចិន ព្រមទាំងកម្មវិធីបន្ថែម និងកម្មវិធីសិក្សាអមធំៗ ជាលក្ខណៈអន្តរជាតិផងដែរ ។
បើតាមអ្នកស្រី សុខ ចរិយា សាលារៀនណត្សឡាញន៍ សាខាចំការដូង ក៏បានត្រៀមសេវាគាំទ្រជាច្រើនដែលជួយជម្រុញដល់ការសិក្សារបស់សិស្សគ្រប់រូប រួមមាន បន្ទប់រៀនមានផាសុកភាព បណ្ណាល័យស្រាវជ្រាវ ប្រព័ន្ធសុវត្ថិភាព ទីធ្លា ឧបករណ៍កម្សាន្ត បន្ទប់ពិនិត្យសុខភាព និងសេវាគាំទ្រជាច្រើនទៀត ។
លោកឧកញ៉ា ប៉ិច បូឡែន អគ្គនាយកបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប មានប្រសាសន៍ថា សាលារៀនណត្សឡាញន៍ បានចាប់ផ្តើមបើកសាលាដំបូងរបស់ខ្លួន កាលពីឆ្នាំ២០០៨ ដោយក្រោយប៉ុន្មានខែប៉ុណ្ណោះ ពីការបើកដំណើរការសាលារៀនវ៉េស្ទឡាញន៍ នៅពេលនោះហើយបេសកកម្មរបស់សាលារៀនណត្សឡាញន៍ ជារួម គឺបម្រើបងប្អូនប្រជាពលរដ្ឋ ដែលមានជីវភាពនៅលំដាប់កណ្តាល ។ បើតាមលោកឧកញ៉ា ប៉ិច បូឡែន សម្រាប់គុណភាពនៃការបណ្តុះបណ្តាលនៅសាលារៀន ណត្សឡាញន៍ គឺប្រហាក់ប្រហែលគ្នាជាមួយនឹងសាលារៀនវ៉េសឡាញន៍ដែរ ហើយភាពខុសគ្នា គឺត្រង់ស្តង់ដារមួយចំនួនប៉ុណ្ណោះ ដោយរក្សានូវគុណភាពជាគោល ។
សូមជម្រាបថា សាលារៀនណត្សឡាញន៍ ចាប់ទទួលចុះឈ្មោះសិស្សចូលរៀនជារៀងរាល់ថ្ងៃ ជាមួយការផ្តល់ជូនអាហារូបករណ៍រហូតដល់ ២០ ភាគរយ និងការធានារ៉ាប់រងគ្រោះថ្នាក់ និងការពារការសិក្សាបុត្រធីតារហូតដល់ ៥ឆ្នាំ ។ វគ្គសិក្សាថ្មីចូលរៀនថ្ងៃទី២៩ ខែមេសា ឆ្នាំ២០២៤ ខាងមុខនេះ សម្រាប់ព័ត៌មានបន្ថែម សូមទំនាក់ទំនងលេខទូរស័ព្ទ 011 316 168 / 015 747 123។ សម្រាប់ទីតាំងសាលារៀន សូមចុច https://shorturl.at/pBHX3 ៕ អត្ថបទសហការ
ចែករំលែកព័តមាននេះ