រាជធានីភ្នំពេញ ៖ តាមរយៈលោក កុយ សុវណ្ណ នាយកដ្ឋានផ្នែកលក់និងទីផ្សារ នៃក្រុមហ៊ុន អង្គរឌែរីប្រូដាកខូអិលធីឌី (រោងចក្រផលិតទឹកដោះគោអង្គរមីល) បានឱ្យដឹងកាលពីថ្ងៃទី…
រាជធានីភ្នំពេញ ៖ តាមរយៈលោក កុយ សុវណ្ណ នាយកដ្ឋានផ្នែកលក់និងទីផ្សារ នៃក្រុមហ៊ុន អង្គរឌែរីប្រូដាកខូអិលធីឌី (រោងចក្រផលិតទឹកដោះគោអង្គរមីល) បានឱ្យដឹងកាលពីថ្ងៃទី ០៧ ខែមករា ឆ្នាំ២០២៤ នេះថា ដើម្បីឆ្លើយតបទៅនិងបរិបទនៃការប្រគួតប្រជែងដ៏ខ្លាំងនាពេលបច្ចុប្បន្ននេះ ក្រុមហ៊ុននឹងខិតខំបង្កើតនូវយុទ្ធសាស្ត្រទីផ្សារថ្មីៗ ដែលមានប្រសិទ្ធភាពខ្ពស់ ដើម្បីប្រកួតប្រជែងលើទីផ្សារប្រកបដោយយុទ្ធសាស្ត្រ ឈ្នះ-ឈ្នះ-ឈ្នះ-ឈ្នះ ។
ថ្លែងក្នុងកម្មវិធី Angkormilk Annual Trade Party 2023 នៅសណ្ឋាគារ សុខាភ្នំពេញ អូតែល លោក កុយ សុវណ្ណ បន្តថា ៖ «ដោយមានភាពជឿជាក់ទៅលើសមត្ថភាព និងបទពិសោធន៍ក្នុងការចែកចាយលក់ផលិតផលយូរឆ្នាំព្រមទាំងការក្តាប់បាននូវព័ត៌មានទីផ្សារយ៉ាងជាក់លាក់នៅក្នុងតំបន់រៀងៗខ្លួនរបស់តំណាងចែកចាយទាំងអស់ ក្រុមហ៊ុនមានការរំពឹងទុកជាមុនថា ការសហការធុរកិច្ចក្នុងឆ្នាំ ២០២៤ នេះ នឹងបញ្ចប់ដោយទទួលបានលទ្ធផលល្អប្រសើរជាងឆ្នាំ ២០២៣ ហើយនឹងមានកំណើនមិនតិចជាង ១០-១៥% នោះឡើយ ដោយសារយើងមានយុទ្ធសាស្ត្រល្អ ផលិតផលល្អ អ្នកចែកចាយពូកែ ការសហការល្អ នោះនឹងទទួលបានលទ្ធផលគាប់ប្រសើរជាមិនខាន ។ យុទ្ធសាស្ត្រគន្លឹះឆ្នាំ ២០២៤ គឺ ៖
- ការកសាងម៉ាកយីហោ តាមគ្រប់ប្រព័ន្ធផ្សព្វផ្សាយជាពិសេសបណ្តាញសង្គម និង ឌីជីថល (Social and digital media)
- ការពង្រីកទីផ្សារតាមរយៈកម្មវិធីលក់ជាពិសេសដល់ដៃគូលក់ និងចែកចាយបន្ត,
- ការបង្កើនបរិមាណ នៃអតិថិជនប្រើប្រាស់ចុងក្រោយលើទូទាំងប្រទេស ។
ឆ្នាំ ២០២៣ ជាឆ្នាំដ៏ប្រពៃ ដែលការសហការធុរកិច្ចរវាងក្រុមហ៊ុន អង្គរឌែរីប្រូដាកខូអិលធីឌី និងតំណាងចែកចាយទូទាំងប្រទេសទទួលបានលទ្ធផលល្អប្រសើរ ។ លោក កុយ សុវណ្ណ សូមអបអសាទរចំពោះលទ្ធផលដ៏ល្អក្នុងឆ្នាំ ២០២៣ កន្លងទៅផងដែរ ។
គួរបញ្ជាក់ផងដែរថា ក្រុមហ៊ុនអង្គរឌែរីប្រូដាកខូអិលធីឌី (រោងចក្រផលិតទឹកដោះគោអង្គរមីល) ទទួលបានអាជ្ញាបណ្ណពីរាជរដ្ឋាភិបាលនាខែវិច្ឆិកា ឆ្នាំ ២០១៣ លើផ្ទៃដី ៣ ហិកតា ហើយបានដំណើរផលិតផលិតផលទឹកដោះគោ ដំបូងនៅខែកញ្ញា ឆ្នាំ ២០១៥ ជាមួយការដាក់បន្ថែមទន់វិនិយោគជាបន្តបន្ទាប់មកដល់ពេលនេះទន់វិនិយោគបានកើនឡើងដល់ប្រមាណជិត ៤១ លានដុល្លារសហរដ្ឋអាមេរិក ហើយផ្ទៃដីរោងចក្រផលិតបានកើនដល់ ៦ ហិកតា (ទ្វេដង) នាពេលបច្ចុប្បន្ននេះ ។ និងបានកំពុងផ្តល់ការងារជូនកម្មករនាយោជិតប្រមាណជាជិត ៦០០ នាក់ ក្នុងនោះនាយកដ្ឋានផ្នែកលក់ និងទីផ្សារមានចំនួន ១៥៨ នាក់ទូទាំងប្រទេស (ឆ្នាំ ២០២៤ មានកំណើនប្រមាណ ១០%) និងបានចូលរួមចំណែកបង់ពន្ធជូនថវិកាជាតិប្រមាណ ៨ ទៅ ១០ លានដុល្លារសហរដ្ឋអាមេរិកក្នុងមួយឆ្នាំៗ ។
ក្នុងនាម នាយកដ្ឋានផ្នែកលក់ និងទីផ្សារ យើងខ្ញុំនឹងខិតខំសិក្សាស្វែងយល់អំពីតម្រូវការ គោលបំណងរបស់អ្នកប្រើប្រាស់ចុងក្រោយ ដើម្បីអភិវឌ្ឍន៍នូវផលិតផលថ្មីៗជាច្រើនទៀត ដើម្បីផ្គត់ផ្គង់តម្រូវការទីផ្សារប្រកបដោយនិរន្តភាព និងដើម្បីពង្រីកទំហំទីផ្សាររបស់យើងអោយកាន់តែធំជាលំដាប់ជារៀងរាល់ឆ្នាំ ។ ជាក់ស្តែងក្នុងឆ្នាំ ២០២៣ ថ្មីៗកន្លងទៅនេះ យើងបានផលិតផល ១ ប្រភេទ បន្ថែមទៀតគឺ ៖ ទឹកដោះគោបេស៍ខៅ ប្រភេទប្រអប់ក្រដាសបរិស្ថាន ចំណុះ 1,284Kg ហើយរំពឹងទុកជាមុនថាផលិតផលនេះនឹងក្លាយជាផលិតផលលក់ដាច់ខ្លាំង និងមានការពេញនិយមគាំទ្រ ពីអតិថិជនទាំងអស់ ៕ អត្ថបទសហការ
ចែករំលែកព័តមាននេះ