ADផ្ទាំងផ្សព្វផ្សាយពាណិជ្ជកម្ម

អេ អាយ អេ ខេ​ម​បូ​ឌា តែងតាំង Jane Tay ជា​អគ្គ​នាយិកា

2 ខែ មុន

រាជធានីភ្នំពេញ ៖ ក្រុមហ៊ុន​ធានា​រ៉ាប់រង​អាយុជីវិត និង​សុខភាព បាន​តែងតាំង Jane Tay ជា​អគ្គ​នាយិកា​ថ្មី​របស់​ក្រុមហ៊ុន ចាប់ពី​ថ្ងៃ​ទី 4…

រាជធានីភ្នំពេញ ៖ ក្រុមហ៊ុន​ធានា​រ៉ាប់រង​អាយុជីវិត និង​សុខភាព បាន​តែងតាំង Jane Tay ជា​អគ្គ​នាយិកា​ថ្មី​របស់​ក្រុមហ៊ុន ចាប់ពី​ថ្ងៃ​ទី 4 ខែធ្នូ ឆ្នាំ 2023 ​។ Jane នឹង​បន្ត​តំណែង​ពី Andrew Loh ដែល​ត្រូវ​បាន​ទទួល​តំណែង​ថ្មី​ជា​អគ្គនាយក និង​សមាជិក​ក្រុមប្រឹក្សាភិបាល​របស់ AIA Vietnam​ ។

មុន​ពេល​ចូល​មក​កាន់​តំណែង​ជាមួយ អេ អាយ អេ ខេ​ម​បូ​ឌា លោកស្រី Jane ជា​នាយិកា​ផ្នែក​យុទ្ធសាស្ត្រ​សម្ព័ន្ធភាព​អាជីវកម្ម​ប៊េ​ង​កា​សួ​រេ​ន AIA Thailand​ ។ លោកស្រី​បាន​ដើរតួ​យ៉ាង​សំខាន់​ក្នុង​ការ​ពង្រឹង​យុទ្ធសាស្ត្រ​ដៃគូ​របស់ AIA ជាមួយ​ធនាគារ​បាងកក ​។ លោកស្រី​ក៏​បាន​ដឹកនាំ​គម្រោង​គំនិត​ផ្តួចផ្តើម​ដើម្បី​លើកកម្ពស់​លើ​វិន័យ​ផ្នែក​លក់ ផលិតភាព និង​កិច្ចសហការ​ជាមួយ​ធនាគារ​ ។

Jane មាន​បទ​ពិសោធ​ក្រាស់ក្រែល​លើ​ផ្នែក​ហិរញ្ញវត្ថុ និង​ធានា​រ៉ាប់រង ហើយ​បាន​កាន់​មុខ​តំណែង​ក្នុង​ជួរ​ថ្នាក់ដឹកនាំ​ជាន់ខ្ពស់​ជាមួយ AIA Group ដែល​លោកស្រី​បាន​ទទួល​តំណែង​ជានា​យក​ចែកចាយ​ភាព​ជា​ដៃគូ ក្រុមហ៊ុន​ព្រូ​ដិ​ន​សល​អាស៊ី និង​ធនាគារ Citibank និង​តាម​បណ្តា​ក្រុមហ៊ុន​ធំ​ៗ​ផ្សេង​ទៀត​ ។

លោក Tan Hak Leh អគ្គនាយក​ប្រចាំ​តំបន់ AIA មាន​ប្រសាសន៍​ថា “​សូម​ស្វាគមន៍ Jane មក​កាន់​គ្រួសារ អេ អាយ អេ ខេ​ម​បូ​ឌា​ ។ តាម​រយៈ​បទ​ពិសោធ​កន្លង​មក គាត់​បាន​បង្ហាញខ្លួន​ជា​អ្នកដឹកនាំ​ដែល​ផ្តោត​លើ​ភាព​ជោគជ័យ លើកទឹកចិត្ត​ខ្លួនឯង និង​ពោរពេញ​ដោយ​ភាព​ស្វាហាប់​ ។លក្ខណៈសម្បត្តិ​ទាំងនេះ ធ្វើ​ឲ្យ​លោកស្រី​ជា អ្នកដឹកនាំ​ដ៏​សក្តិ​សម​បំផុត​ក្នុង​ការ​ដឹកនាំ​អាជីវកម្ម​របស់​យើង​ក្នុង​ទីផ្សារ​កម្ពុជា​។ ខ្ញុំ​មាន​ទំនុកចិត្ត​ទាំងស្រុង​លើ​សមត្ថភាព និង​ជំនាញ​គ្រប់គ្រង​របស់ Jane ហើយ​ជឿជាក់​ថា​គាត់​នឹង​ដឹកនាំ អេ អាយ អេ ខេ​ម​បូ​ឌា ឆ្ពោះទៅ​រក​អនាគត​ប្រកបដោយ​ភាព​រីក​ចម្រើន​ ។

«​ខ្ញុំ​ក៏​សូម​អរគុណ​ដល់ Andrew សម្រាប់​ការ​រួមចំណែក​បង្កើត​បាន​សមិទ្ធផល​ដ៏​គួរ​ឲ្យ​កត់សម្គាល់​ដល់ អេ អាយ អេ ខេ​ម​បូ​ឌា​ ។ ក្រោម​ការ​ដឹកនាំ​របស់​លោក បាន​ធ្វើ​ឲ្យ អេ អាយ អេ ខេ​ម​បូ​ឌា សម្រេច​បាន​កំណើន​ទីផ្សារ​គួរ​ឲ្យ​កត់សម្គាល់​ ។ Andrew ជា​បុគ្គល​ដ៏​សំខាន់​ក្នុង​ការ​លើកកម្ពស់ អេ អាយ អេ ខេ​ម​បូ​ឌា និង​ចាប់ផ្តើម​ប្រព័ន្ធ​អេកូឡូស៊ី​សុខភាព​ដើម្បី​ដឹកនាំ អេ អាយ អេ ខេ​ម​បូ​ឌា ក្លាយជា​ក្រុមហ៊ុន​ផ្តល់​សេវា​ធានា​រ៉ាប់រង​អាយុជីវិត និង​សុខភាព​ឈានមុខ​គេ​ ។ សមិទ្ធផល​ដែល Andrew សម្រេច​បាន​រួម​មាន ការ​ផ្តល់​អត្ថប្រយោជន៍​ដល់​អតិថិជន​លក្ខណៈ​បុគ្គល និង​សាជីវកម្ម តាម​រយៈ​កម្មវិធី​ឌី​ជី​ថ​ល ដែល​ផ្តល់​នូវ​បទ​ពិសោធ​ល្អ​ឥត​ខ្ចោះ​ដល់​អតិថិជន និង​ជួយ​ប្រជាជន​កាន់តែ​ច្រើន​នៅ​ប្រទេស​កម្ពុជា​ឱ្យ​រស់នៅ​មាន​សុខភាព និង​ជីវិត​កាន់តែ​ប្រសើរ​» ។

Jane Tay អគ្គ​នាយិកា​របស់ អេ អាយ អេ ខេ​ម​បូ​ឌា បាន​មាន​ប្រសាសន៍​ថា ៖ «​ខ្ញុំ​ពិតជា​មាន​កិត្តិយស​ណាស់​សម្រាប់​មុខ​តំណែង​ថ្មី​នេះ ​។ សមិទ្ធផល​ដែល​បាន​បង្កើត​ឡើង​ក្រោម​ការ​ដឹកនាំ​របស់ Andrew ពិតជា​ជម្រុញ​ទឹកចិត្ត​ខ្ញុំ​បន្ថែម​ក្នុង​ការ​បន្ត​អភិវឌ្ឍ អេ អាយ អេ ខេ​ម​បូ​ឌា​។ ហើយ​ខ្ញុំ​ក៏​សូម​អរគុណ Andrew ដែល​បាន​កសាង​ធនធានមនុស្ស​ដ៏​រឹង​មាំ​ពោរពេញ​ដោយ​ទេព​កោសល្យ​។ ខ្ញុំ​មាន​ទំនុកចិត្ត​ថា យើង​នឹង​បន្ត​ពង្រីក​អាជីវកម្ម​របស់​យើង និង​ផ្តល់​ការ​ការពារ​សុខុមាលភាព និង​ហិរញ្ញវត្ថុ​រយៈពេល​យូរអង្វែង​ដល់​គ្រួសារ​កម្ពុជា​កាន់តែ​ច្រើន» ​។

Andrew Loh មាន​ប្រសាសន៍​ថា ៖ «​ខ្ញុំ​សូម​អរគុណ និង​មាន​មោទនភាព ដែល​បាន​ធ្វើការ​ជាមួយ​ក្រុមការងារ​ដែល​ប្រកបដោយ​ទេព​កោសល្យ​នៅ អេ អាយ អេ ខេ​ម​បូ​ឌា ក៏​ដូច​ជា​ក្រុម​ដៃគូ​អាជីវកម្ម​របស់​យើងខ្ញុំ​ក្នុង​រយៈពេល​ប៉ុន្មាន​ឆ្នាំ​កន្លង​មកនេះ ​។ ការ​ប្តេជ្ញា​ចិត្ត​របស់​ពួក​គាត់​ចំពោះ​អតិថិជន គឺជា​សក្ខីភាព​ចំពោះ​ទស្សនវិជ្ជា​ប្រតិបត្តិការ​របស់​យើង “​ប្រតិបត្តិ​លើ​គោលការណ៍ និង​ក្បួនខ្នាត​ត្រឹមត្រូវ ជាមួយ​ធនធាន​ពោរពេញ​ដោយ​ទេព​កោសល្យ នោះ​យើង​នឹង​សម្រេច​បាន​លទ្ធផល​ដ៏​សមប្រកប» ​។​

ជាមួយនឹង​ប្រវត្តិ​នៃ​ការ​គ្រប់គ្រង សមិទ្ធផល និង​ស្នាដៃ​ដ៏​អស្ចារ្យ​របស់ Jane ខ្ញុំ​ជឿជាក់​ថា​គាត់​ពិតជា​អាច​ដឹកនាំ អេ អាយ អេ ខេ​ម​បូ​ឌា ឲ្យ​កាន់តែ​ប្រសើរ​ឡើង​មួយ​កម្រិត​ទៀត ​​។

អំពី អេ អាយ អេ ខេ​ម​បូ​ឌា

ក្រុមហ៊ុន​ធានា​រ៉ាប់រង អេ អាយ អេ ខេ​ម​បូ​ឌា គឺជា​បុត្រ​សម្ព័ន្ធ​នៃ AIA Group មាន​ក្រុមហ៊ុន​ធានា​រ៉ាប់រង​អាយុជីវិត​នៅ​ទូ​ទាំង​តំបន់​អាស៊ី​ដែល​ស្ថិត​ក្នុង​បញ្ជី​ឈ្មោះ​សាធារណៈ​ឯករាជ្យ​ធំ​ជាងគេ​។ ក្រុមហ៊ុន​មាន​វត្ត​មាននៅ​លើ​ទីផ្សារ​ចំនួន 18 ប្រទេស​នៅ​អាស៊ី​ប៉ា​ស៊ី​ហ្វិ​ក-សាខា​គ្រប់គ្រង​ទាំងស្រុង​ ។

ចាប់តាំងពី​បើក​ដំណើរការ​នៅ​កម្ពុជា រាល់​សកម្មភាព​របស់ អេ អាយ អេ ខេ​ម​បូ​ឌា ធ្វើ​ឡើង​ស្រប​តាម​គោលបំណង ក្នុង​ការ​ជួយ​ឲ្យ​ប្រជាជន​កម្ពុជា​ឲ្យ​រស់នៅ​មាន​សុខភាព និង​ជីវិត​កាន់តែ​ប្រសើរ​។ ចាប់តាំងពី​ចាប់ផ្តើម​អាជីវកម្ម​ក្នុង​ឆ្នាំ 2017 យើង​បាន​ក្លាយជា​ក្រុមហ៊ុន​ធានា​រ៉ាប់រង​អាយុជីវិត និង​សុខភាព​ដំបូង​បង្អស់​នៅ​កម្ពុជា ផ្តល់​ការ​ការពារ​រហូត​ដល់ 26 ស្ថានភាព​ជំងឺ​ធ្ងន់ធ្ងរ​។ ក្នុង​នាម​ជា​ក្រុមហ៊ុន​ធានា​រ៉ាប់រង​ឈានមុខ​គេ​មួយ​នៅ​កម្ពុជា អេ អាយ អេ ខេ​ម​បូ​ឌា ផ្តល់​ជូន​នូវ​ដំណោះស្រាយ​ជីវិត​ឈានមុខ​គេ​នៅ​លើ​ទីផ្សារ​សម្រាប់​ប្រជាជន​កម្ពុជា​គ្រប់​មជ្ឈដ្ឋាន រាប់​ចាប់ពី​គម្រោង​ធានា​រ៉ាប់រង​សំខាន់​ៗ​ ដែល​បង្កើត​ឡើង​ស្រប​តាម​តម្រូវការ​ជាក់លាក់ ដែល​រួម​មាន​គម្រោង​ការពារ​លើ​ជំងឺ​ធ្ងន់ធ្ងរ គ្រោះថ្នាក់​ចៃដន្យ ថ្លៃ​សម្រួលការ​សម្រាក​ព្យាបាល​នៅ​មន្ទីរពេទ្យ និង​ជំនួយ​សង្គ្រោះ​បន្ទាន់​នៅ​ក្រៅប្រទេស ​។

អេ អាយ អេ ខេ​ម​បូ​ឌា ផ្តោត​សំខាន់​លើ​ការ​ណែនាំ និង​ជម្រុញ​ឲ្យ​ប្រជាជន​ក្នុង​សង្គម​ទទួលយក​ទម្លាប់​ល្អ​ៗ ក៏​ដូច​ជា​មធ្យោបាយ​ដើម្បី​ឲ្យ​ពួក​គាត់​ទទួល​បាន​នូវ​សុខភាព​ល្អ តាម​រយៈ​គំនិត​ផ្តួចផ្តើម រួម​មាន​កិច្ចសហការ ជាមួយ​ក្រសួង​កិច្ចការ​នារី ដើម្បី​ពង្រឹង​លើ​សមភាព​យេ​ន​ឌ័​រ​និង​សិទ្ធិ​ស្ត្រី ការ​លើកកម្ពស់​ការ​យល់​ដឹង​អំពី​ជំងឺមហារីក​សុដន់ តាម​រយៈ​យុទ្ធនាការ​ប្រចាំឆ្នាំ Fit for Hope របស់​យើង​ជាដើម​ ។

យើង​ក៏​ចូលរួម​ជួយ​លើក​ស្ទួយ​កុមារ​ដែល​ជួប​បញ្ហា​ជីវភាព​រាប់​ពាន់​នាក់​ផង​ដែរ ដោយ​តាម​រយៈ​ឧបត្ថម្ភ​ដល់​លី​គ​បាល់ទាត់ AIA-ISF ដែល​ជាលី​គ​បាល់ទាត់​ថ្នាក់​មូលដ្ឋាន​ធំ​ជាងគេ​នៅ​កម្ពុជា ​។ ជាង​នេះ​ទៀត​សោ​ធ យើង​ក៏​សហការ​ជាមួយ​ក្លិប​Tottenham Hotspur ក្នុង​ក្រប​ខណ្ឌ English Premier League ដែល​ជា​ដៃគូ​សកល និង​ជា​ក្លិប​បាល់ទាត់​កំពូល​នៅ​លើ​ពិភពលោក ដើម្បី​ធានា​ថា​កុមារ​ទាំងនោះ​ទទួល​បានការ​អប់រំ​ដែល​ពួក​គេ​សម​នឹង​ទទួល​បាន ​។

អេ អាយ អេ ខេ​ម​បូ​ឌា គឺជា​ក្រុមហ៊ុន​ធានា​រ៉ាប់រង​អាយុជីវិត និង​សុខភាព​កម្ពុជា​តែ​មួយ​គត់​ដែល​បាន​ទទួល​ពានរង្វាន់ “​ក្រុមហ៊ុន​ល្អ​បំផុត​សម្រាប់​ការងារ​នៅ​អាស៊ី (Best Companies to Work for in Asia)” ពី HR Asia ក្នុង​រយៈពេល 3 ​ឆ្នាំ​ជាប់​គ្នា 2020, 2021 និង 2022​ ។ អេ អាយ អេ ខេ​ម​បូ​ឌា មាន​ការិយាល័យ​កណ្តាល​នៅ​ទីក្រុង​ភ្នំពេញ និង​បច្ចុប្បន្ន​បាន​ពង្រីក​សាខា​នៅ​ខេត្តសៀមរាប កំពត កំពង់ចាម និង​បាត់ដំបង ​៕ អត្ថបទសហការ