រាជធានីភ្នំពេញ ៖ យោងតាមសេចក្តីប្រកាសព័ត៌មានបានឱ្យដឹងថា ក្រសួងពាណិជ្ជកម្ម គ្រោងនឹងបន្តរៀបចំពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៦ ក្នុងកម្រិតអន្តរជាតិ ដែលនឹងប្រព្រឹត្តទៅចាប់ពីថ្ងៃទី ១៥ ដល់ថ្ងៃទី ១៨ ខែធ្នូ ខាងមុខ នៅមជ្ឈមណ្ឌលតាំងពិព័រណ៍ និងសន្និបាតកោះពេជ្រ ។
ក្នុងឱកាសនៃការរៀបចំពិព័រណ៍នេះ ក្រសួងពាណិជ្ជកម្ម ក៏នឹងរៀបចំព្រឹត្តិការណ៍សំខាន់ៗមួយចំនួនផងដែរ ដូចជាកម្មវិធី សិក្ខាសាលាស្តីពី ការជំរុញសកម្មភាពពាណិជ្ជកម្ម វេទិការធុរកិច្ច និងវិនិយោគ ជំនួបពាណិជ្ជកម្ម និងកម្មវិធីចុះអនុស្សរណៈនៃការយោគយល់លើកិច្ចការពាណិជ្ជកម្មដែលត្រូវបានរៀបចំឡើង ដើម្បីជួយគាំទ្រ និងអភិវឌ្ឍន៍វិស័យឯកជន ។
ការរៀបចំពិព័រណ៍នេះ ធ្វើឡើងក្នុងគោលបំណងជំរុញសកម្មភាពពាណិជ្ជកម្មកម្ពុជា និងវិនិយោគនៅកម្ពុជា ជាពិសេសជំរុញការនាំចេញផលិតផល និងសេវាឱ្យដល់គោលដៅទីផ្សារដែលជាផ្នែកមួយជួយជំរុញសេដ្ឋកិច្ចជាតិ ។ ជាមួយគ្នានេះព្រឹត្តិការណ៍ពាណិជ្ជកម្មនឹងផ្តល់ការតភ្ជាប់ទំនាក់ទំនងពាណិជ្ជកម្ម ក្នុងស្រុករវាងរាជធានី-ខេត្ត ទូទាំងប្រទេស និងរវាងកម្ពុជាជាមួយអន្តរជាតិ ។
ដើម្បីកុំឱ្យឱកាសនេះកន្លងហួស សូមអញ្ជើញសាធារណជនទាំងអស់ អញ្ជើញចូលរួមទស្សនាពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជា លើកទី ១៦ នេះឱ្យបានគ្រប់ៗគ្នា ៕ អត្ថបទសហការ
ព័ត៌មានលម្អិត សូមចុច Link ហ្វេសប៊ុកនេះ ៖ https://www.facebook.com/CIEGxpo/
ចែករំលែកព័តមាននេះ