ADផ្ទាំងផ្សព្វផ្សាយពាណិជ្ជកម្ម

លោកជំទាវបណ្ឌិត ជា សិរី ÷ អញ្ជើញចុះសួរសុខទុក្ខ និងនាំអំណោយជូនដល់គ្រួសារ ចាស់ជរានិងខ្វះខាត ៥ គ្រួសារ នៅឃុំកំពង់ថ្ម

1 ឆ្នាំ មុន

០១ ខែ តុលា ឆ្នាំ ២០២៣ ម៉ោង ១០:០២

រាជធានីភ្នំពេញ÷ បន្ទាប់ពីបានអញ្ជើញចូលរួមក្នុងពិធីបុណ្យកាន់បិណ្ឌទី១នៅតាមបណ្ដាវត្តមួយចំនួនក្នុងស្រុកសន្ទុកខេត្តកំពង់ធំនោះលោកជំទាវបណ្ឌិត ជា សិរី សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានទី១ក្រុមការងារចុះមូលដ្ឋានស្រុកសន្ទុក នារសៀលថ្ងៃទី៣០ខែកញ្ញាឆ្នាំ២០២៣ បានអញ្ជើញចុះសាកសួសុខទុក្ខ និងបាននាំអំណោយរបស់ឯកឧត្តម ជា ចាន់តូតំណាងរាស្ត្រមណ្ឌលកំពង់ធំ និងលោកជំទាវ ខៀវ ស៊ីណា ជា ចាន់តូជូនដល់គ្រួសារខ្វះខាតចំនួន៥គ្រួសារ រស់នៅក្នុងឃុំកំពង់ថ្ម ក្នុងនោះរួមមានគ្រួសារចាស់ជរា គ្រួសារមេម៉ាយកូនពីរ ដែលម្តាយបាត់បង់ស្មារតីក្រោយប្តីស្លា.ប់ដោយគ្រោះថ្នាក់ចរាចរណ៍ និងគ្រួសារដែលមានសមាជិកមានជំងឺរាំរៃ ។

នៅក្នុងឱកាសនោះក្រោយពីពិនិត្យ ឃើញពីស្ថានភាពជាក់ស្ដែងនៃជម្ងឺលោកជំទាវបណ្ឌិត ជា សិរី បានសម្រេចចិត្តឲ្យក្រុមការងាររៀបចំបញ្ជួនមកព្យាបាលនៅមន្ទីរពេទ្យក្នុងរាជធានីភ្នំពេញចំពោះរាល់ការចំណាយលើការព្យាបាល, ស្នាក់នៅ និង សោហ៊ុនធ្វើដំណើរគឺទទួលការឧបត្ថម្ភទាំងស្រុងពីឯកឧត្តម ជា ចាន់តូតំណាងរាស្ត្រមណ្ឌលកំពង់ធំ និងលោកជំទាវ ខៀវ ស៊ីណា ។

នៅក្នុងឱកាសនោះលោកជំទាវបណ្ឌិត ជា សិរី ក៏បាននាំនូវប្រសាសន៍សាកសួសុខទុក្ខ ពីសំណាក់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាជូនដល់ប្រជាជននៅទីនោះផដែរ។ជាមួយនេះដែរលោកជំទាវបណ្ឌិតបានបញ្ជាក់ជូនថា ÷ រាជរដ្ឋាភិបាលអាណ្ណត្តិទី៧ដែលដឹកនាំដោយសម្ដេចធិបតី ហ៊ុន ម៉ាណែត គឺនៅតែបន្តយកចិត្តទុកដាក់និងការលើកកម្ពស់ចំពោះសុខាមាលភាពរបស់ប្រជាជន ពិសេសនៅតំបន់ជនបទ ។

សូមបញ្ជាក់ជូនថា ប្រជាជនដែលមានជម្ងឺត្រូវបញ្ជួនមកព្យាបាលនៅរាជធានីភ្នំពេញមានចំនួន៣នាក់ស្ថិតក្នុងចំណោមគ្រួសារទាំង ៥ គ្រួសារ ដែលបានទទួលអំណោយក្នុងនោះ ម្នាក់ត្រូវវះកាត់ពកក,ទី២ព្យាបាលដៃបាក់និងទី៣មានជម្ងឺសើស្បែក ។

អំណោយរបស់ឯកឧត្តមបណ្ឌិត ជា ចាន់តូ និងលោកលោកជំទាវ ខៀវ ស៊ីណាដែលលោកជំទាវបណ្ឌិត ជា សិរី បាននាំយកទៅជូនប្រជាជនខ្វះខាតទាំង៥គ្រួសារនាពេលនោះរួមមាន÷ថវិកានិងគ្រឿងឧបភោគ បរិភោគ ៕ អត្ថបទសហការ