រាជធានីភ្នំពេញ៖ ថ្ងៃ​ទី១៣ ខែកញ្ញា ឆ្នាំ2023 ក្រុមហ៊ុន អេ អាយ អេ (​ខេ​ម​បូ​ឌា​) ឡាយ​ហ្វ៍ អ៉ិ​ន​សួ​រេ​ន ម​.​ក (“​អេ អាយ អេ ខេ​ម​បូ​ឌា​”) ថ្ងៃនេះ​បាន​បន្ត​ភាព​ជា​ដៃគូ​ ជាមួយ​អង្គការ​ផ្កាយ​សមុទ្រ​កម្ពុជា ក្នុង​ការ​ពង្រឹង​ទំនាក់ទំនង​រយៈពេល​យូរអង្វែង​ ក្នុង​ការ​លើក​ស្ទួយ​យុវជន​កម្ពុជា ​ដែល​ជួប​ការ​ខ្វះខាត​រាប់​ពាន់​នាក់​តាម​រយៈ​កីឡាបាល់ទាត់ និង​ការ​អប់រំ​ ។

ភាព​ជា​ដៃគូ​នេះ​ បង្ហាញ​ពី​ការ​បន្ត​កិច្ច​ឧបត្ថម្ភ​គាំទ្រ ដែល​នឹង​បន្ត​នៅ​ឆ្នាំ 2024 ដល់​ឆ្នាំ 2026 ដែល​ត្រូវ​បាន​ប្រកាស​ជា​ផ្លូវការ និង​បាន​ចុះហត្ថលេខា​ដោយ​អគ្គនាយក​នៃ​ក្រុមហ៊ុន អេ អាយ អេ ខេ​ម​បូ​ឌា និង​អ្នកស្រី ជួប វិច្ឆិកា ប្រធាន​អង្គការ​ផ្កាយ​សមុទ្រ​កម្ពុ​ជានា​ពេល​ថ្មី​ៗ​នេះ​ ។ ក្នុង​កម្មវិធី​នេះ យើង​ឃើញ​មាន​វត្តមាន​របស់​កុមារ និង​យុវជន​របស់​អង្គការ​ផ្កាយ​សមុទ្រ​កម្ពុជា ចំនួន 200 នាក់ រួម​នឹង អាណាព្យាបាល គណៈ​គ្រប់គ្រង និង​បុគ្គលិក​មក​ពី​ស្ថាប័ន​ទាំង​ពីរ​ជា​តំណាង​សក្ខីភាព​សបញ្ជាក់​ពី​កិច្ចសហការ​នេះ​ ។

អង្គការ​ផ្កាយ​សមុទ្រ​កម្ពុជា គឺជា​អង្គការក្រៅរដ្ឋាភិបាល​ដែល​ទទួល​បាន​ពានរង្វាន់​លើ​ការ​ណែនាំ​គំនិត​ផ្តួចផ្តើម និង​សកម្មភាព​ជា​ច្រើន​តាម​រយៈ​វិស័យ​អប់រំ កីឡាបាល់ទាត់ និង​ការ​អភិវឌ្ឍន៍​សហគមន៍ រួម​ទាំង​គម្រោង​ថ្នាក់​ព​ន្លឿ​ន​របស់​ពួក​គេ ដើម្បី​ដឹកនាំ​កុមារ​ជួប​ការ​ខ្វះខាត​ទៅ​រក​អនាគត​ដ៏​ត្រចះត្រចង់​។ អេ អាយ អេ ខេ​ម​បូ​ឌា គឺជា​ក្រុមហ៊ុន​ធានា​រ៉ាប់រង​អាយុជីវិត និង​សុខភាព​ឈានមុខ​គេ​របស់​ព្រះរាជាណាចក្រ​កម្ពុជា ដោយ​ផ្តល់​ជូន​នូវ​ដំណោះស្រាយ​ធានា​រ៉ាប់រង​ឈានមុខ​គេ​លើ​ទីផ្សារ ដែល​ស្រប​តាម​គោលបំណង​របស់​ខ្លួន​ ក្នុង​ការ​ជួយ​ប្រជាជន​កម្ពុជា​ឱ្យ​រស់នៅ​ប្រកបដោយ​សុខភាព និង​ជីវិត​កាន់តែ​ប្រសើរ​ ។

អេ អាយ អេ ខេ​ម​បូ​ឌា នឹង​បន្ត​ធ្វើ​ជា​ដៃគូ និង​អ្នក​រៀបចំ កម្មវិធី​បាល់ទាត់​វិល​ជុំ AIA-ISF Youth League ប្រចាំឆ្នាំ និង​កម្មវិធី​ប្រកួត​ផ្តាច់ព្រ័ត្រ​បាល់ទាត់​វិល​ជុំ​កុមារ និង​យុវជន AIA-ISF Grand Championship​។ ពួក​គេ​ក៏​មាន​បំណង​ពង្រីក ថ្នាល​បាល់ទាត់​នេះ ដែល​ជា​ការ​ប្រកួត​បាល់ទាត់​ថ្នាក់​មូលដ្ឋាន​ដ៏​ធំ​បំផុត​របស់​កម្ពុជា​ផង​ដែរ​ ។

ទន្ទឹម​នឹង​កិច្ច​បន្ត​ភាព​ជា​ដៃគូ​នេះ អេ អាយ អេ ខេ​ម​បូ​ឌា ក៏​បាន​ផ្ដល់​ជូន​នូវ​ដំណោះស្រាយ​ធានា​រ៉ាប់រង​អាយុជីវិត និង​សុខភាព ដោយ​ឥត​គិតថ្លៃ​ដល់​បុគ្គលិក​របស់​អង្គការ​ផ្កាយ​សមុទ្រ​កម្ពុជា​ផង​ដែរ​។ ការ​ផ្ដល់​ជូន​នេះ​ដើម្បី​ធានា​ថា​បុគ្គលិក​របស់​អង្គការ ទទួល​បានការ​ការពារ​ផ្នែក​ហិរញ្ញវត្ថុ និង​សន្តិភាព​ផ្លូវចិត្ត ដូច្នេះ​ពួក​គាត់​អាច​បន្ត​ផ្តោត​ការ​យកចិត្តទុកដាក់​លើ​ការ​ថែទាំ​សុខភាព និង​សុខុមាលភាព​សិស្ស​បាន​យ៉ាង​ដិត​ដល់​ ។

តាំងពី អេ អាយ អេ ខេ​ម​បូ​ឌា បាន​ចាប់ផ្តើម​ក្លាយជា​ដៃគូ​ ជាមួយ​អង្គការ​ផ្កាយ​សមុទ្រ​កម្ពុជា ​ក្នុង​ឆ្នាំ 2017 មក ថ្នាល​បាល់ទាត់​មូលដ្ឋាន​នេះ​បាន​ទទួល និង​បណ្តុះ​កុមារ​-​យុវជន ​ជួប​ការ​ខ្វះខាត​ជាង 8,000 នាក់ តាម​រយៈ​ការ​ជួយឱ្យ​ពួក​គាត់​មាន​សុខភាព​ល្អ អភិវឌ្ឍ​ជំនាញ​កីឡាបាល់ទាត់ និង​រៀន​អភិវឌ្ឍ​ខ្លួន​ឲ្យ​កាន់តែ​ប្រសើរ​ដើម្បី​បណ្តុះ​នូវ​គុណ​តម្លៃ​ដ៏​សំខាន់ ដូច​ជា​ការ​ធ្វើ​ការងារ​ជា​ក្រុម និង​ស្មារតី​ជា​អ្នកកីឡា​ ។

កិច្ចសហការ​នេះ​ផ្ដល់​ឱកាស ​ក្នុង​ការ​ចូលរួម​អភិវឌ្ឍ​សេដ្ឋកិច្ច​សង្គម​ផង​ដែរ​ ។ ក្នុង​ពេល​បច្ចុប្បន្ន ចំណោម​កីឡាករ ​ដែល​បាន​ធំធាត់​ចេញពី AIA-ISF Youth League បាន​ក្លាយជា​កីឡាករ​អាជីព​លេង​ឱ្យក្លឹ​ប​ធំ​ៗ​ក្នុង​លី​គ​កំពូល​កម្ពុជា Cambodian Premier League និង​ជាប់​ឈ្មោះ​លេង​ឱ្យក្រុម​ជម្រើសជាតិ​កម្ពុជា​ ។

កម្មវិធី​បាល់ទាត់​វិល​ជុំ​ យុវជន និង​កុមារ AIA-ISF Youth League ក្រោម​កិច្ចសហការ​រវាង អេ អាយ អេ ខេ​ម​បូ​ឌា និង​អង្គការ​ផ្កាយ​សមុទ្រ​កម្ពុជា (ISF) ត្រូវ​បាន​ទទួលស្គាល់​នៅ​ក្នុង​កម្មវិធី Laureus Sport for Good Global Summit នៅ​ទីក្រុង​ឡុ​ង​ដ៍ ឆ្នាំ 2023 ជា​គំនិត​ផ្តួចផ្តើម​បាល់ទាត់ ​យុវជន​របស់ អង្គការ​ផ្កាយ​សមុទ្រ​កម្ពុជា ដែល​ផ្តល់​នូវ​ចំណេះ​ជំនាញ​បាល់ទាត់​សំខាន់​ៗ ​ដល់​ក្រុម​យុវតី ​។

សមិទ្ធផល​សំខាន់​ៗ ​ក្រោម​ភាព​ជា​ដៃគូ​រយៈពេល 7 ​ឆ្នាំ​នេះ យើង​ឃើញ​មាន​ដូច​ជា AIA Group បាន​បញ្ជូន​យុវតី​ជួប​ការ​ខ្វះខាត 24 នាក់​ទៅ​ចូលរួម AIA-Spurs Elite Football Camp នៅ កោះ​សា​មុ​យ ប្រទេស​ថៃ កាលពី​ខែមិថុនា ដើម្បី​ចូលរួម​វគ្គ​បណ្តុះបណ្តាល ​ក្រោម​ការ​បង្វឹក​របស់​អ្នកគ្រូ​ផ្នែក​អភិវឌ្ឍ​បាល់ទាត់​អន្តរជាតិ ពី​ក្លឹ​ប​បាល់ទាត់ Tottenham Hotspur​ ។ អេ អាយ អេ ខេ​ម​បូ​ឌា ក៏​បាន​បញ្ជូន កុមារ​កម្ពុជា​បួន​នាក់ មក​ពី​អង្គការ​ផ្កាយ​សមុទ្រ​កម្ពុជា​ទៅ​ទីក្រុង​ឡុ​ង​ដ៍​ដើម្បី​ដឹក​ដៃ​កីឡាករ​របស់​ក្លឹ​ប​បាល់ទាត់ Spurs ចូល​ទីលាន​ប្រកួត​ក្នុង​ក្រប​ខណ្ឌ Premier League​ ។

អ្នកស្រី ជួប វិច្ឆិកា មាន​ប្រសាសន៍​ថា​៖ «អង្គការ​ផ្កាយ​សមុទ្រ​កម្ពុជា (ISF) និង អេ អាយ អេ ខេ​ម​បូ​ឌា ជា​ស្ថាប័ន​គាំទ្រ​យ៉ាង​ពេញទំហឹង​លើ​វិស័យ​កីឡាបាល់ទាត់ និង​មាន​ម​ហិ​ច្ឆ​តា​ក្នុង​ការ​បណ្តុះ​មូលដ្ឋាន​នៃ​ការ​ធ្វើ​លំ​ហាត់ប្រាណ សុខភាព​ល្អ និង​អាហារូបត្ថម្ភ ដែល​ជា​គន្លឹះ​ឆ្ពោះទៅ​កាន់​សុខុមាលភាព​ពេញលេញ ​។ យើង​ក៏​ចាត់​ទុក​ការ​អប់រំ​ថា​ជា​គ្រឹះ​ដ៏​សំខាន់ ​សម្រាប់​ជីវិត​កាន់តែ​ប្រសើរ ហើយ​ភាព​ជា​ដៃគូ​នេះ​អនុញ្ញាត​ឱ្យយើង ​សម្រេច​បាន​នូវ​គោលដៅ​ទាំង​ពីរ​នេះ ក៏​ដូច​ជា​បង្កើត​ការ​យល់​ដឹង​បន្ថែម​ទៀត​អំពី​យុវជន ​ដែល​ជួប​ការ​ខ្វះខាត​របស់​យើង»​ ។​

«យើង​ត្រៀមខ្លួន​រួច​ជា​ស្រេច​ ក្នុង​ការ​ចូលរួម​ពង្រឹង​ទំនាក់ទំនង ​ប្រកបដោយ​ផលិតភាព​របស់​យើង​ជាមួយ អេ អាយ អេ ខេ​ម​បូ​ឌា ឱ្យ​កាន់តែ​ប្រសើរ​ ។ សម្រាប់​អង្គការ​ផ្កាយ​សមុទ្រ​កម្ពុជា (ISF) ការ​ចាប់ដៃ​គ្នា​នេះ បង្ហាញ​ពី​ការ​គាំទ្រ​លើកកម្ពស់​ទាំង​សិស្សានុសិស្ស ក៏​ដូច​ជា​បុគ្គលិក​របស់​អង្គការ តួយ៉ាង អេ អាយ អេ បាន​ផ្តល់​គម្រោង​ធានា​រ៉ាប់រង​ដល់​ពួក​គាត់ ដើម្បី​ជួយ​សម្រួល​ដល់​បញ្ហា​ហិរញ្ញវត្ថុ​» ។​

លោក Andrew Loh មាន​ប្រសាសន៍​ថា​៖ «​យើង​មាន​មោទនភាព ​ក្នុង​ការ​បន្ត​ការ​ឧបត្ថម្ភ​ដល់​លី​គ និង​បន្ត​ភាព​ជា​ដៃគូ​របស់​យើង ​ជាមួយ​អង្គការ​ផ្កាយ​សមុទ្រ​កម្ពុជា ដែល​ជា​អង្គការក្រៅរដ្ឋាភិបាល​មួយ​គួរឱ្យកោតសរសើរ​បំផុត ​ក្នុង​ប្រទេស និង​ជា​អង្គការ​មួយ​ដែល​គាំទ្រ​លើក​ស្ទួយ​ការ​រស់នៅ និង​ជីវិត​របស់​កុមារ​ ជួប​ការ​ខ្វះខាត​រាប់​ពាន់​នាក់» ​។​

ចាប់តាំងពី​បើក​ដំណើរការ​នៅ​កម្ពុជា រាល់​សកម្មភាព​របស់ អេ អាយ អេ ខេ​ម​បូ​ឌា ធ្វើ​ឡើង​ស្រប​តាម​គោលបំណង ក្នុង​ការ​ជួយឱ្យ​ប្រជាជន​កម្ពុជា​ឱ្យ​រស់នៅ​មាន​សុខភាព និង​ជីវិត​កាន់តែ​ប្រសើរ​ ។ ចាប់តាំងពី​ចាប់ផ្តើម​អាជីវកម្ម​ក្នុង​ឆ្នាំ 2017 យើង​បាន​ក្លាយជា​ក្រុមហ៊ុន​ ធានា​រ៉ាប់រង ​អាយុជីវិត និង​សុខភាព​ដំបូង​បង្អស់​នៅ​កម្ពុជា ផ្តល់​ការ​ការពារ​រហូត​ដល់ 26 ស្ថានភាព​ជំងឺ​ធ្ងន់ធ្ងរ​ ។ ក្នុង​នាម​ជា​ក្រុមហ៊ុន​ធានា​រ៉ាប់រង​ ឈានមុខ​គេ​មួយ​នៅ​កម្ពុជា អេ អាយ អេ ខេ​ម​បូ​ឌា ផ្តល់​ជូន​នូវ​ដំណោះស្រាយ​ជីវិត​ឈានមុខ​គេ​ នៅ​លើ​ទីផ្សារ​សម្រាប់​ប្រជាជន​កម្ពុជា​គ្រប់​មជ្ឈដ្ឋាន រាប់​ចាប់ពី​គម្រោង​ធានា​រ៉ាប់រង​សំខាន់​ៗ ​ដែល​បង្កើត​ឡើង​ស្រប​តាម​តម្រូវការ​ជាក់លាក់ ដែល​រួម​មាន​គម្រោង​ការពារ​លើ​ជំងឺ​ធ្ងន់ធ្ងរ គ្រោះថ្នាក់​ចៃដន្យ ថ្លៃ​សម្រួលការ​សម្រាក​ព្យាបាល​នៅ​មន្ទីរពេទ្យ និង​ជំនួយ​សង្គ្រោះ​បន្ទាន់​នៅ​ក្រៅប្រទេស ​។

«អេ អាយ អេ ខេ​ម​បូ​ឌា ចាប់​ដៃគូ​ជាមួយ​ស្ថាប័ន​នានា​ ដែល​មាន​បេសកកម្ម​ដូច​ទៅ​នឹង​គោលបំណង​តែ​មួយ ​ក្នុង​ការ​ជួយ​ប្រជាជន​កម្ពុជាឱ្យ​​រស់នៅ​មាន​សុខភាព និង​ជីវិត​កាន់តែ​ប្រសើរ ហើយ​ការ​ខិតខំ​ប្រឹងប្រែង ​របស់​អង្គការ​ផ្កាយ​សមុទ្រ​កម្ពុជា ស្រប​តាម​គោលដៅ​ដែល​យើង​ចង់បាន​ ។ យើង​មាន​ទំនុកចិត្ត​ថា កិច្ច​សហប្រតិបត្តិការ​របស់​យើង ​នឹង​ហុច​ផ្លែផ្កា​កាន់តែ​ច្រើន​នា​ពេល​អនាគត និង​លើកកម្ពស់​ការ​រស់នៅ និង​ជីវិត​របស់​យុវជន​កម្ពុជា ​ដែល​ជួប​ភាព​ខ្វះខាត​កាន់តែ​ច្រើន» ​។​

សម្រាប់​ព័ត៌មាន​បន្ថែម​អំពី កិច្ចសហការ​របស់ អេ អាយ អេ ខេ​ម​បូ​ឌា និង​អង្គការ​ផ្កាយ​សមុទ្រ​កម្ពុជា សូម​ផ្ញើ​អ៉ី​មែ​លម​ក kh.marketing@aia.com ​។ សម្រាប់​ព័ត៌មាន​លម្អិត​លើ​ដំណោះស្រាយ​ការពារ​អាយុជីវិត ជំងឺ​ធ្ងន់ធ្ងរ គ្រោះថ្នាក់​ចៃដន្យ និង​ការ​ការពា​សុខភាព របស់ អេ អាយ អេ ខេ​ម​បូ​ឌា សូម​ទាក់ទង AIA Client Care តាម​រយៈ​លេខ 086 999 242 ចូល​ទៅ​កាន់ aia.com.kh ឬ​ចូល​ទៅ​កាន់​គេហទំព័រ www.facebook.com/AIACambodia​ ។

អំពី អេ អាយ អេ ខេ​ម​បូ​ឌា

ក្រុមហ៊ុន​ធានា​រ៉ាប់រង អេ អាយ អេ ខេ​ម​បូ​ឌា គឺជា​បុត្រ​សម្ព័ន្ធ​នៃ AIA Group មាន​ក្រុមហ៊ុន​ធានា​រ៉ាប់រង​អាយុជីវិត​ នៅ​ទូ​ទាំង​តំបន់​អាស៊ី​ដែល​ស្ថិត​ក្នុង​បញ្ជី​ឈ្មោះ​សាធារណៈ​ឯករាជ្យ​ធំ​ជាងគេ​ ។ ក្រុមហ៊ុន​ មាន​វត្ត​មាននៅ​លើ​ទីផ្សារ​ចំនួន 18 ប្រទេស​នៅ​អាស៊ី​ប៉ា​ស៊ី​ហ្វិ​ក – សាខា​គ្រប់គ្រង​ទាំងស្រុង ​។

អេ អាយ អេ ខេ​ម​បូ​ឌា ផ្តោត​សំខាន់​លើ​ការ​ណែនាំ និង​ជម្រុញឱ្យ​ប្រជាជន ​ក្នុង​សង្គម​ទទួលយក​ទម្លាប់​ល្អ​ៗ ក៏​ដូច​ជា​មធ្យោបាយ​ដើម្បីឱ្យ​ពួក​គាត់ ​ទទួល​បាន​នូវ​សុខភាព​ល្អ តាម​រយៈ​គំនិត​ផ្តួចផ្តើម រួម​មាន​កិច្ចសហការ ជាមួយ​ក្រសួង​កិច្ចការ​នារី ដើម្បី​ពង្រឹង​លើ​សមភាព​យេ​ន​ឌ័​រ​និង​សិទ្ធិ​ស្ត្រី ការ​លើកកម្ពស់​ការ​យល់​ដឹង​អំពី​ជំងឺមហារីក​សុដន់ តាម​រយៈ​យុទ្ធនាការ​ប្រចាំឆ្នាំ Fit for Hope របស់​យើង​ជាដើម ​។

យើង​ក៏​ចូលរួម​ជួយ​លើក​ស្ទួយ​កុមារ​ ដែល​ជួប​បញ្ហា​ជីវភាព​រាប់​ពាន់​នាក់​ផង​ដែរ ដោយ​តាម​រយៈ​ឧបត្ថម្ភ​ដល់​លី​គ​បាល់ទាត់ AIA-ISF ដែល​ជាលី​គ​បាល់ទាត់​ថ្នាក់​មូលដ្ឋាន​ធំ​ជាងគេ​នៅ​កម្ពុជា ​។ ជាង​នេះ​ទៀត​សោ​ត យើង​ក៏​សហការ​ជាមួយ​ក្លឹ​ប​ Tottenham Hotspur ក្នុង​ក្រប​ខណ្ឌ English Premier League ដែល​ជា​ដៃគូ​សកល និង​ជា​ក្លឹ​ប​បាល់ទាត់​ កំពូល​នៅ​លើ​ពិភពលោក ដើម្បី​ធានា​ថា​កុមារ​ទាំងនោះ ​ទទួល​បានការ​អប់រំ ​ដែល​ពួក​គេ​សម​នឹង​ទទួល​បាន ​។

អេ អាយ អេ ខេ​ម​បូ​ឌា គឺជា​ក្រុមហ៊ុន​ធានា​រ៉ាប់រង​អាយុជីវិត​កម្ពុជា​តែ​មួយ​គត់​ដែល​បាន​ទទួល​ពានរង្វាន់ “​ក្រុមហ៊ុន​ល្អ​បំផុត​សម្រាប់​ការងារ​នៅ​អាស៊ី (Best Companies to Work for in Asia)” ពី HR Asia ក្នុង​រយៈពេល 3​ឆ្នាំ​ជាប់​គ្នា 2020, 2021 និង 2022 ​។ អេ អាយ អេ ខេ​ម​បូ​ឌា មាន​ការិយាល័យ​កណ្តាល​នៅ​ទីក្រុង​ភ្នំពេញ និង​បច្ចុប្បន្ន​បាន​ពង្រីក​សាខា​នៅ​ខេត្តសៀមរាប កំពត កំពង់ចាម និង​បាត់ដំបង​ ៕ អត្ថបទសហការ