រាជធានីភ្នំពេញ ៖ នៅថ្ងៃទី ០៤ ខែសីហា ឆ្នាំ ២០២៣ វិទ្យាស្ថានអភិវឌ្ឍវិស័យអប់រំ និងសាលាអន្តរជាតិហ្សាយអ៉ិន រៀបចំពិធីថ្លែងអំណរគុណលើកិច្ចសហប្រតិបត្តិការរយៈពេល…
រាជធានីភ្នំពេញ ៖ នៅថ្ងៃទី ០៤ ខែសីហា ឆ្នាំ ២០២៣ វិទ្យាស្ថានអភិវឌ្ឍវិស័យអប់រំ និងសាលាអន្តរជាតិហ្សាយអ៉ិន រៀបចំពិធីថ្លែងអំណរគុណលើកិច្ចសហប្រតិបត្តិការរយៈពេល ៥ ឆ្នាំកន្លងមក លើសេវាកម្មប្រឹក្សាយោបលអប់រំក្នុងការដាក់កម្មវិធីភាសាខ្មែរថ្នាក់បឋមសិក្សា នៅក្នុងសាលាអន្តរជាតិហ្សាយអ៉ិន ( Zion International School) ព្រមជាមួយនឹងការពិសារអាហារសាមគ្គី ដ៏សោមនស្សរីករាយផងដែរ ។
កិច្ចសហការនេះ គឺធ្វើឡើងក្រោមកិច្ចសហប្រតិបត្តិការរវាងវិទ្យាស្ថានអភិវឌ្ឍវិស័យអប់រំ ដែលផ្តល់ជូននៅធនធានគ្រូឆ្នើម និងការដាក់កម្មវិធីសិក្សាពេញលេញក្នុងបំណិនជីវិតសតវត្សរ៍ទី ២១ និងស្របតាមកម្មវិធីរបស់ក្រសួងអប់រំយុវជន និងកីឡា ដែលធានាក្នុងការបំពេញចំណេះវិជ្ជាជូនដល់សិស្សានុសិស្សថ្នាក់បឋមសិក្សា ព្រមទាំងទទួលបានការគាំទ្រខ្ពស់ពីសំណាកអាណាព្យាបាលផងដែរ ។
លោក គុជ សាវ៉ាត នាយកវិទ្យាស្ថានអភិវឌ្ឍវិស័យអប់រំ (EDI) បានមានប្រសាសន៍ថា ៖ «សេវាប្រឹក្សាយោបលនេះ ជាសេវាកម្មមួយនៃសេវាកម្មធំៗជាច្រើនរបស់វិទ្យាស្ថាន ដោយរួមមានសេវាកម្មបណ្តុះបណ្តាល សេវាកម្មស្រាវជ្រាវ សេវាកម្មប្រឹក្សាយោបលផ្នែកកម្មវិធីអប់រំគ្រប់កម្រិតជូនសាលារៀន អង្គការអប់រំ និងសេវាប្រឹក្សាយោបលលើការដាក់កម្មវិធី Leader in Me ដែលវិទ្យាស្ថានទទួលសិទ្ធិផ្តាច់មុខពីសហរដ្ឋអាមេរិក ។ រាល់សេវាកម្មខាងលើ ត្រូវបានផ្តល់ជូនទៅក្រុមហ៊ុន សាលារៀននានា ដោយមានកម្មវិធីសិក្សាច្បាស់លាស់ និងមានការបង្វឹកដោយសាស្ត្រាចារ្យអប់រំល្បីៗ មានបទពិសោធន៍លើជំនាញឯកទេសនីមួយៗ ជាមួយកម្មវិធីសប្បូរបែប និងស្របតាមបរិបទបច្ចុប្បន្ន ។ កម្មវិធីទម្លាប់ល្អទាំង៧ សម្រាប់បុគ្គលឆ្នើម ក៏ជាកម្មវិធីផ្តាច់មុខមួយដ៏ល្អ ដែលជួយជំរុញជំនាញទន់ ភាពជាអ្នកដឹកនាំដល់បុគ្គលិក ដោយវគ្គសិក្សានេះផ្តល់ការអប់រំផ្នែកផ្នត់គំនិត និងបណ្តុះបណ្តាលឱ្យបុគ្គលិកចេះប្រើប្រាស់ឥរិយាបថល្អ ចេះធ្វើការជាក្រុម ចេះគិតបែបឈ្នះ-ឈ្នះ និងដើម្បីឆ្លើយតបនឹងតម្រូវការបរិបទទីផ្សារការងារ ក៏ដូចជាក្លាយអ្នកដឹកនាំឆ្នើមនៅពេលអនាគត» ៕ អត្ថបទសហការ
ចែករំលែកព័តមាននេះ