Pernod Ricard Cambodge ចាប់ដៃគូជាមួយ វិទ្យាស្ថានស្តង់ដារកម្ពុជា (ISC) ដើម្បីបង្កើតស្តង់ដារ និងបទប្បញ្ញត្តិ ផ្នែកស្រាបំណិតអង្ករកម្ពុជា
រាជធានីភ្នំពេញ ៖ នៅថ្ងៃទី ២៩ ខែឧសភា ឆ្នាំ 2023 ក្រុមហ៊ុន Pernod Ricard…
រាជធានីភ្នំពេញ ៖ នៅថ្ងៃទី ២៩ ខែឧសភា ឆ្នាំ 2023 ក្រុមហ៊ុន Pernod Ricard Cambodge និងវិទ្យាស្ថានស្តង់ដារកម្ពុជា (ISC) ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) បានចុះហត្ថលេខាលើអនុស្សរណៈនៃការយោគយល់គ្នា (MOU) ស្តីពីការការអភិវឌ្ឍន៍ស្តង់ដារ និងបទបញ្ញត្តិ ផ្នែកស្រាបំណិតអង្ករកម្ពុជា ក៏ដូចជាកាធ្វើឱ្យរស់ឡើងវិញនូវស្រា-ស កេរដំណែលរបស់កម្ពុជា ជាមោទនភាពជាតិខ្មែរ ។
រាប់ពាន់ឆ្នាំមកហើយ “ស្រា-ស” ដែលជាស្រាអង្ករបុរាណត្រូវបានចាត់ទុកជាស្រានៃវប្បធម៌ខ្មែរ” និងជាធាតុផ្សំដ៏សំខាន់នៃទំនៀមទម្លាប់ប្រពៃណីខ្មែរ និងឱសថព្យាបាល ។ ស្រា-ស ជាប្រភពចិញ្ចឹមជីវិតដ៏សំខាន់មួយសម្រាប់ស្ត្រីនៅជនបទ អ្នកផលិតខ្នាតតូច និងជំរុញសេដ្ឋកិច្ចកសិកម្មនៅតាមជនបទ ។ យ៉ាងណាមិញ ការផលិតស្រាក្នុងស្រុកបែបសិប្បកម្ម តែងតែមិនត្រូវបានគេយកចិត្តទុកដាក់អើរពើរ អំពីស្តង់ដារផលិត និងសុវត្ថិភាពដែលជាលទ្ធផលបញ្ហា បណ្តាលឱ្យមានគ្រោះថ្នាក់ដល់សុខភាព និងមិនមានកំណត់ត្រាដាក់អោយប្រើប្រាស់នៅឡើយ ។
ដូចគ្នាទៅនិងផលិតផលអាហារ ផលិតផលគ្រឿងស្រវឹងគួរតែស្ថិតនៅក្រោមបទប្បញ្ញត្តិដើម្បីការពារសុខុមាលភាព និងសុវត្ថិភាពអ្នកទទួលទាន ។ ស្តង់ដារកំណត់អត្តសញ្ញាណជាច្រើនសម្រាប់ផលិតផលគ្រឿងស្រវឹងទាំងឡាយ/នានា គឺជាមធ្យោបាយមួយ ក្នុងការគ្រប់គ្រងគុណភាពផលិតផលសិប្បកម្មនេះ ដើម្បីមានការជាក់ច្បាស់ក្នុងការការពារសុខុមាលភាព និងមានសុវត្ថិភាពសម្រាប់ការប្រើប្រាស់ការទទួលទានទូទៅ ។
បច្ចុប្បន្នប្រទេសកម្ពុជា មិនទាន់មានកំណត់និយមន័យនូវ “អ្វីជាភេសជ្ជៈមានជាតិអាល់កុល” នៅឡើយទេ ។ Pernod Ricard Cambodge ជឿជាក់ថាយើងមានតួនាទីធានាការពារបរិស្ថានសុខុមាលភាពនិងសុវត្ថិភាព ដែលវានិងចូលមកផ្តោតទៅលើគ្រឿងស្រវឹង ហើយកិច្ចការងារលើផលិតផលស្រា-ស គឺជាជំហានដ៏សំខាន់ដំបូងបង្អស់ ពីព្រោះ ស្រា-ស ជាជម្រើសនៃការប្រើប្រាស់ដ៏ធំបំផុតនៅក្នុងប្រទេសកម្ពុជា ។ ដូច្នេះ យើងសង្ឃឹមថាការចាប់ដៃគូ និងសហការជាមួយ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ដើម្បី រៀបចំ/បង្កើតបទប្បញ្ញត្តិចងភ្ជាប់ប្រភេទភេសជ្ជៈផ្សេងទៀតផងដែរ ។
ការចុះហត្ថលេខាលើអនុស្សរណៈនៃការយោគយល់គ្នា (MOU) បានកត់សម្គាល់នូវព្រឹត្ដិការណ៍សំខាន់មួយ ពោលគឺការអភិវឌ្ឍន៍ស្តង់ដារ និងបទបញ្ញត្តិ ផ្នែកស្រាបំណិតអង្ករកម្ពុជា ដែលនឹងនាំមកនូវអត្ថប្រយោជន៍ជាច្រើនមានដូចជា ៖ ជួយលើកកម្ពស់តម្លៃនៃកេរមរតកស្រា-ស ខ្មែរ និងបន្តរួមចំណែកដល់ផលិតកម្ម កសិកម្មក្នុងស្រុក គាំទ្រជីវភាពរបស់ស្ត្រីនៅតាមជនបទដែលជាផលិតករខ្នាតតូចដ៏សំខាន់មួយ និងផ្តល់វិធីយន្តការមួយដើម្បីចុះបញ្ជីអ្នកផលិតស្រាសក្នុងស្រុក និងជួយជ្រុំជ្រែងពួកគាត់ឱ្យមានឱកាសដំណើរការចូលទៅក្នុងសេដ្ឋកិច្ចជាផ្លូវការ ។
លោក Daren Ong នាយកគ្រប់គ្រងក្រុមហ៊ុន Pernod Ricard Cambodge បានគូសបញ្ជាក់ថា “នេះគឺជាកិច្ចសហការភាពជាដៃគូដ៏យូរអង្វែង ដោយហេតុថាយើងមិនត្រឹមតែគាំទ្រដល់ការអភិវឌ្ឍន៍ស្តង់ដារ និងបទប្បញ្ញត្តិប៉ុណ្ណោះទេ ថែមទាំងការផ្សព្វផ្សាយដល់ភាគីពាក់ព័ន្ធនានាឱ្យកាន់តែទូលំទូលាយ ជាពិសេសអ្នកផលិតករក្នុងស្រុក រួមគ្នាដើម្បីលើកស្ទួយស្រាសខ្មែរ ជាមោទនភាពជាតិ កិច្ចសិក្សារស្រាវជ្រាវដំបូងរបស់ស្រា-ស សេនសូតា SENSOTA ដែលផលិតនៅខេត្តតាកែវ» ។
ឯកឧត្តម ចាន់ សុផា អគ្គនាយក ISC បានកោតសរសើរចំពោះក្រុមហ៊ុន Pernod Ricard Cambodge ផ្នែកវិស័យឯកជនដ៏សកម្មមួយក្នុងការគាំទ្រដល់ការអភិវឌ្ឍន៍ស្រា-ស កម្ពុជាដែលស្របតាមស្តង់ដារអន្តរជាតិ និងរីកចម្រើនរជាផ្លូវការទៅលើវិស័យស្រា-ស ដែលភាគច្រើនមិនមានកំណត់ត្រា ៕ អត្ថបទសហការ
ចែករំលែកព័តមាននេះ