រាជធានីភ្នំពេញ ៖ កាលពី​ពេល​ថ្មី​ៗ​នេះ​ក្រុមហ៊ុន TODAY internet បាន​បើក​សម្ពោធ​ជា​ផ្លូវការ​នូវ​អគារ​ថ្មី ការិយាល័យ​កណ្តាល​របស់​ខ្លួន​ដើម្បី​ឆ្លើយ​តប​ទៅ​នឹង​កំណើន​នៃ​តម្រូវការ​របស់​អតិថិជន​ដែល​មាន​ចំនួន​កើនឡើង​ពី​មួយ​ថ្ងៃ​ទៅ​មួយ​ថ្ងៃ​ ។

អគារ​ថ្មី​ការិយាល័យ​កណ្តាល​នេះ​មាន​ទីតាំង​ស្ថិត​នៅ​អគារ The Edge ក្នុង​តំបន់​បឹង​កក់ ដែល​មាន​សក្តានុពល ភាព​ប្រណិត និង​ស៊ី​វី​ល័យ​ជាង​មុន ដែល​ព័ទ្ធ​ជុំវិញ​ទៅ​ដោយ​បរិយាកាស ល្អ​ប្រកបដោយ​ផាសុកភាព និង​ជា​តំបន់​ផ្តល់​ភាព​ងាយស្រួល​ដល់​អតិថិជន​ក្នុង​ការ​មក​ទទួល សេវា​របស់​ក្រុមហ៊ុន​ ។ សម្រាប់​ទិស​ដៅ​របស់​ក្រុមហ៊ុន ​គឺ​ធ្វើ​យ៉ាងណា​ផ្តល់​សេវា​អ៉ីន​ធឺ​ណិ​ត​ជូន ដល់​អតិថិជន​ប្រកបដោយ​គុណភាព​ល្អ សេវា​បម្រើ​អតិ​ថ​ជន​កម្រិត​ខ្ពស់ និង​តម្លៃ​សមរម្យ​មិន ថា​អតិថិជន​តាម​គេហដ្ឋាន ឬ​ក្រុមហ៊ុន​នោះ​ទេ​ ។

លោក ហ៊​ន ម៉ា​រ៉ុ​ង ដែល​ជា​ប្រធាន​ក្រុមប្រឹក្សាភិបាល​ជាន់ខ្ពស់​នៃ​ក្រុមហ៊ុន TODAY internet បាន​លើក​ឡើង​ថា «យើង​មាន​សេចក្តី​រំភើប​រីករាយ​ក្នុង​ការ​បើក​សម្ពោធ​ជា​ផ្លូវការ​នូវ​អគារ​ថ្មី ការិយាល័យ​កណ្តាល​របស់​យើង​នៅ​ក្នុង​តំបន់​បឹង​កក់​ដ៏​មាន​សក្តានុពល​នេះ ​។ ការ​ផ្លាស់​ប្តូរ​នេះ តំណាង​ឱ្យ​ជំហាន​ដ៏​សំខាន់​មួយ​នៅ​ក្នុង​យុទ្ធសាស្ត្រ​ពង្រីក​អាជីវកម្ម​របស់​យើង​នៅ​ពេល​ដែល​យើង​បន្ត​រីក​ចម្រើន ហើយ​ក៏​ផ្តល់​នូវ​ទំនុកចិត្ត​ដល់​អតិថិជន​ទាំងអស់​ ។ កន្លែង​ថ្មី​នេះ​នឹង​ជំរុញ​ឱ្យ មានការ​ច្នៃប្រឌិត បង្កើន​កិច្ច​សហប្រតិបត្តិការ និង​ផ្តល់​នូវ​បរិយាកាស​ការងារ​ប្រកបដោយ​ភាព ស្វាហាប់​សម្រាប់​ក្រុម​របស់​យើង​» ។

សម្រាប់ព័ត៌មាន​បន្ថែម​ សូម​ទាក់ទង​តាម​រយៈ​ទូរស័ព្ទ​លេខ​ ៖ Sales hotline 087 21 55 77 / Office 061 21 55 77 ឬ​តាម​រយៈ Facebook Messenger “TODAY Internet” ឬ​គេហរ​ទំព័រ today.com.kh ​៕ អត្ថបទសហការ