រាជធានីភ្នំពេញ៖ កាលពី​យប់​ថ្ងៃ​ទី18 ខែមីនា ឆ្នាំ 2023 នេះ នៅ​កម្មវិធី​ប្រគល់​ពានរង្វាន់​តន្ត្រី Pleng Music Awards 2023 ដែល​នាំ​មក​ជូន​ដោយ​ក្រុមហ៊ុន Smart Axiata រៀបចំ​ដោយ Pleng ត្រូវ​បាន​ប្រារព្ធ​ឡើង​នៅ​ក្នុង​បុរី ប៉េង​ហួត ហ្គ្រេ​ន​ស្តា​ផ្លា​ទី​នី​ម (​បឹង​ស្នោ​) ភី​អេ​ច ហ្គ្រេ​ន​ហល ហ្គ្រេ​នប​ល​រ៉ូ​ម ​។ ក្នុង​យប់​នោះ​ដែរ សំណាក់​តារា និង បុគ្គល​ល្បី​ៗ​ចូលរួម​ជា​ច្រើន​នាក់ ជាមួយនឹង​ការ​រៀបចំ​ខ្លួន​ ដ៏​លេចធ្លោរ​អស់​ស្ទះ ​!

នេះ​គឺជា​ឆ្នាំ​ទី 2 ហើយ​នៃ​ការ​ប្រារព្ធ​កម្មវិធី​ប្រគល់​ពានរង្វាន់​តន្ត្រី Pleng Music Awards នេះ ហើយ​ពានរង្វាន់​ពិសេស​ៗ​នៅ​ឆ្នាំ 2023 នេះ​មាន​ចំនួន​សរុប​ដល់​ទៅ 14 រង្វាន់ ឯណោះ​! ពានរង្វាន់ Pleng គឺជា​កម្មវិធី​ប្រគល់​ពានរង្វាន់​ខាង​ផ្នែក​ចម្រៀង​ដំបូង​នៅ ប្រទេស​កម្ពុជា​ ដែល​ធ្វើ​ឡើង​ដើម្បី​គាំទ្រ​និង លើកទឹកចិត្ត​ស្នាដៃ​និង សមិទ្ធិ​ផល​របស់​អ្នកចម្រៀង អ្នកនិពន្ធ និង អ្នក​ផលិត​តន្ត្រី​គ្រប់​ប្រភេទ​ ប្រចាំ​ប្រទេស​កម្ពុជា​ ដែល​មាននៅ​ក្នុង​កម្មវិធី​ទូរស័ព្ទ​ដៃ Pleng ​។

ចង់​ដឹង​ថា​បេក្ខភាព​ណា​ឈ្នះ​ពាន​ក្នុងឆ្នាំនេះ កុំ​ភ្លេច​អានឱ្យ​ដល់​ចប់​ណា៎​!

1.​ ​សិល្បករ​-​សិល្ប​ការិនី​ថ្មី​ប្រចាំឆ្នាំ បាន​ទៅ​លើ TEY$

2.​ ​បទ​ចម្រៀង​រួម​គ្នា​ប្រចាំឆ្នាំ បាន​ទៅ​លើ KingChi និង Mc Sey បទ <<​កាលុង​ឃុ​ង​>>

3.​ ​បទ​ចម្រៀង​ចូល​ឆ្នាំ​ខ្មែរ​ក្បាច់​រាំ​បែប​សម័យ​ទំនើប​ប្រចាំឆ្នាំ បាន​ទៅ​លើ ពូ​ឃ្លាំង និង សំណាង សូ​រិ​យា បទ <<​គ្រលាស់​>>

4.​ ​បទ​ចម្រៀង​ចូល​ឆ្នាំ​ខ្មែរ​ដ៏​មាន​ប្រជាប្រិយភាព​ប្រចាំឆ្នាំ បាន​ទៅ​លើ ខាត់ សុ​ឃឹម បទ <<​អូន​លែង​ប្ដី​ហើយ​>>

5.​ ​សិល្បករ​ប្រចាំឆ្នាំ បាន​ទៅ​លើ G-Devith

6.​ ​វី​ដេ​អូ​ចម្រៀង​ប្រចាំឆ្នាំ បាន​ទៅ​លើ G-Devith បទ​ ​<<​Goblin​>>

7.​ ​សិល្ប​ការិនី​ប្រចាំឆ្នាំ បាន​ទៅ​លើ ទេព បូ​ព្រឹក្ស

8.​ ​បទ​ចម្រៀង​ប្រចាំឆ្នាំ បាន​ទៅ​លើ G-Devith បទ <<I’m Bored​>>

9.​ ​បទ​ចម្រៀង​ស្តាប់​ច្រើន​ជាងគេ បាន​ទៅ​លើ G-Devith បទ <<How About Now?>>

10.​ ​សិល្បករ​ស្តាប់​ច្រើន​ជាងគេ បាន​ទៅ​លើ ខេ​ម

11.​ ​សិល្ប​ការិនី​ស្តាប់​ច្រើន​ជាងគេ បាន​ទៅ​លើ តន់ ចាន់​សី​ម៉ា

12.​ ​ពានរង្វាន់​សមិទ្ធផល​ដ៏​អស្ចារ្យ​នៃ​ជីវិត បាន​ទៅ​លើ មាស សុខ​សោភា

13.​ ​សិល្បករ​-​សិល្ប​ការិនី​ថ្មី​ដែល​ទទួល​បានការ​គាំទ្រ​ច្រើន​ជាងគេ​តាម​រយៈ​ការ​ផ្ញើ​សារ ដែល​នាំ​មក​ជូន​ដោយ Vattanac Premium Beer & Dragon Premium Dark Beer បាន​ទៅ​លើ G-Devith

14.​ ​អាល់​ប៊ុ​ម​ចម្រៀង​ប្រចាំឆ្នាំ បាន​ទៅ​លើ G-Devith <<Passion>>

គួរ​បញ្ជាក់​ផង​ដែរ​ថា​សម្រាប់​លទ្ធផល​នៃ​ពានរង្វាន់​នីមួយ​ៗ គឺ​ត្រូវ​បាន​កំណត់​ដោយ​ការ​បោះ​ឆ្នោត​ពី​សាធារណជន​ក្នុង Pleng App និង​សារ SMS, ការ​បោះ​ឆ្នោត​របស់​អ្នកជំនាញ​តន្ត្រី និង​ចំនួន​ដង​នៃ​ការ​ស្ដាប់​ក្នុង Pleng App ចាប់ពី​ថ្ងៃ 01 ធ្នូ 2021 ដល់ 30 វិច្ឆិកា 2022 ​។

ឃើញ​ថា​កម្មវិធី​ប្រគល់​ពានរង្វាន់​តន្ត្រី PMA ឆ្នាំ​នេះ​គឺ​ត្រូវ​បាន​ប្រព្រឹត្ត​ទៅ​យ៉ាង​រលូន និង កក្រើក​បាន​ដោយសារ​តែ​ការ​ចូលរួម​ចំណែក​យ៉ាង​ធំធេង​ ពី​សំណាក់​ម្ចាស់​ឧបត្ថម្ភ​ធំ​ៗ ដូច​ជា ក្រុមហ៊ុនស្រា​បៀរ Vattanac Premium Beer និង Dragon Premium Dark Beer ក្រុមហ៊ុន​ភេសជ្ជៈ Pepsi និង បុរី ប៉េង​ហួត សម្រាប់​ការ​ផ្ដល់​ទីតាំង​ ៕ អត្ថបទសហការ