រាជធានីភ្នំពេញ ៖ ភោជនីយដ្ឋាន JUMBO Seafood និងភោជនីយដ្ឋាន Cambodia Mastercraft Microbrewery បានបើកសម្ពោធជាផ្លូវការហើយ…
រាជធានីភ្នំពេញ ៖ ភោជនីយដ្ឋាន JUMBO Seafood និងភោជនីយដ្ឋាន Cambodia Mastercraft Microbrewery បានបើកសម្ពោធជាផ្លូវការហើយ នៅថ្ងៃទី ២២ ខែធ្នូ ឆ្នាំ ២០២២ នៅផ្សារទំនើប ជីប ម៉ុង ២៧១ មេហ្គា ម៉ល ក្រោមអធិបតីភាព លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច, លោកជំទាវ ត្យូ ឡាយ ឆេង (Teo Lay Cheng) ឯកអគ្គរដ្ឋទូតសិង្ហបុរី ប្រចាំព្រះរាជាណាចក្រកម្ពុជា រួមទាំងថ្នាក់ដឹកនាំក្រុមហ៊ុន ជីប ម៉ុង និងភ្ញៀវកិត្តិយសជាច្រើនទៀត ។
លោកជំទាវកិត្តិសង្គហបណ្ឌិត ម៉ែន សំអន បានថ្លែងមតិស្វាគមន៍ថា នាងខ្ញុំមានសេចក្ដីសោមនស្សរីករាយ ដោយបានចូលរួមជាអធិបតីក្នុងកម្មវិធីសម្ពោធភោជនីយដ្ឋានធំៗទាំង ២ នេះ ។ នាងខ្ញុំសូមកោតសរសើរដល់ក្រុមហ៊ុន ជីប ម៉ុង ទោះបីជាស្ថិតក្នុងបរិការណ៍ណាក្ដី ក៏ក្រុមហ៊ុននៅតែបន្តនូវការអភិវឌ្ឍន៍អាជីវកម្មវរបស់ខ្លួន ក្នុងការរួមចំណែកជំរុញឱ្យមានកំណើនសេដ្ឋកិច្ច និងសង្គមជាតិ ។
លោកស្រី Christina Ang Chwee Huan នាយកប្រតិបត្តិក្រុមហ៊ុន JUMBO Seafood បានថ្លែងថា នាងខ្ញុំមានទំនុកចិត្តយ៉ាងខ្លាំង ដែលបានវិនិយោគទុនជាមួយ ក្រុមហ៊ុន ជីប ម៉ុង រីថែល ទៅលើការនាំយកសិទ្ធិផ្តាច់មុខរបស់ JUMBO Seafood នាងខ្ញុំមកកាន់ប្រទេសកម្ពុជា ។
JUMBO Seafood គឺជាហាងអាហារគ្រឿងសមុទ្រមួយដ៏ល្បីល្បាញនៅប្រទេសសិង្ហបុរី ដែលផ្តល់ជូនអតិថិជននូវ អាហារសមុទ្រស្រស់ៗ មានច្រើនជម្រើស មានឱជារសតាមបែបសិង្ហបុរី ដែលបានមកដល់ប្រទេសកម្ពុជា និងបានចាប់ផ្ដើមបើកទ្វារស្វាគមន៍អតិថិជន នៅផ្សារទំនើប ជីប ម៉ុង ២៧១ មេហ្គា ម៉ល ស្ថិតនៅជាន់ទី ២ ។ JUMBO Seafood បានទទួលការគាំទ្រពីអតិថិជនយ៉ាងខ្លាំង ដោយផ្អែកលើរសជាតិ អនាម័យ និងទីកន្លែងធំទួលាយ ដែលមានផាសុកភាព ងាយស្រួលក្នុងការជួបជុំ និងការរៀបចំពិធីនានា ។
Cambodia Mastercraft Microbrewery បានចាប់ផ្ដើមបើកទ្វារស្វាគមន៍អតិថិជន ដោយមានផ្តល់ជូនអតិថិជននូវមុខម្ហូបឆ្ងាញ់ៗ និងស្រាបៀរស្រស់បែប Craft Beer ក្រោមបរិយាកាសដ៏ស៊ីវិល័យ សម្រាប់ការលំហែរអារម្មណ៍នៅពេលរាត្រី ។ ស្រាបៀរ Craft Beer មានឈ្មោះថា Cambodia Mastercraft Beer មាន ៤ រសជាតិផ្សេងគ្នាដូចជា ៖ រសជាតិ India Pale Ale (IPA) រសជាតិ München Helles រសជាតិ Wheat beer និងរសជាតិ Irish Golding Stout ដែលត្រូវបានផលិតជាលើកដំបូងដោយក្រុមហ៊ុនដ៏ល្បីក្នុងស្រុក ខ្មែរ ប៊ែវើរីជីសក្នុងការលក់ផ្តាច់មុខតែមួយគត់នៅកម្ពុជា ។
នាថ្ងៃកម្មវិធីនេះផងដែល អ្នកឧញ៉ាក លាង ឃុន សហស្ថាបនិក និងជាប្រធានក្រុមប្រឹក្សាភិបាល ក្រុមហ៊ុន ជីប ម៉ុង បានថ្លែងថា ខ្ញុំបាទជឿរជាក់យ៉ាងច្បាស់ថា វត្តមានភោជនីយដ្ឋានទាំង ២ នេះ គឺជាសក្ខីភាពបញ្ជាក់យ៉ាងច្បាស់ពីស្ថានភាពសេដ្ឋកិច្ចដ៏រីកចម្រើនរបស់កម្ពុជា ក្រោមការដឹកនាំរបស់រាជរដ្ឋាភិបាល ជាពិសេស បានរំលេចនូវចំណងមិត្តភាពរវាងកម្ពុជា និងសិង្ហបុរី លើកិច្ចសហប្រតិបត្តិការពាណិជ្ជកម្មជាអន្តរជាតិថែមទៀតផង ។
គួរបញ្ជាក់ផងដែរថា ភោជនីយដ្ឋានទាំង ២ នេះ គឺជាសមិទ្ធផលភាពជោគជ័យដ៏ធំមួយរបស់ ក្រុមហ៊ុន ជីប ម៉ុង រិថែល ក្នុងការអភិវឌ្ឍន៍សេដ្ឋកិច្ច និងពាណិជ្ជកម្មជាតិ ដោយយោងតាមការអនុវត្តគោលនយោបាយរបស់រាជរដ្ឋាភិបាលកម្ពុជា ក្នុងការពង្រឹងសហគ្រិនភាព និងការខិតខំទាក់ទាញការវិនិយោគទាំងក្នុង និងក្រៅប្រទេស ។
ផ្សារទំនើប ជីប ម៉ុង ២៧១ មេហ្គា ម៉ល គឺជាផ្សារទំនើបរបស់ ជីប ម៉ុង រីថែល ដែលជាពាណិជ្ជកម្មមួយរបស់ក្រុមហ៊ុន ជីប ម៉ុង ដែលបានវិនិយោគទឹកប្រាក់ប្រមាណជាង ៥០០ លានដុល្លារអាមេរិក ទៅក្នុងវិស័យលក់រាយ និងផ្សារទំនើបនៅកម្ពុជា ។ បច្ចុប្បន្ន ជីប ម៉ុង រីថែល មានផ្សារទំនើបធំៗ ៥ កំពុងបើកដំណើរការ រួមមាន ជីប ម៉ុង ណូរ៉ូ ម៉ល, ជីប ម៉ុង បាក់ទូក សេនធើរ, ជីប ម៉ុង ៥៩៨ ម៉ល, ជីប ម៉ុង សែនសុខ ម៉ល, និងផ្សារទំនើបខ្នាតយក្ស ជីប ម៉ុង ២៧១ មេហ្គា ម៉ល ដែលទើបបើកសាកល្បង កាលពីថ្ងៃទី១២ ខែកញ្ញា ថ្មីៗនេះ។ ជីប ម៉ុង រីថែល ក៏នឹងគ្រោងពង្រីកខ្លួនបើកដំណើរការផ្សារទំនើបធំៗជាបន្តបន្ទាប់ រួមមាន ជីប ម៉ុង ថៅវើ, ជីប ម៉ុង 50M ម៉ល, ជីប ម៉ុង 60M ម៉ល, ជីប ម៉ុង 6A ម៉ល, ជីប ម៉ុង ម៉ល ហ្គ្រេនភ្នំពេញ ជាដើម ដើម្បីឈានមុខគេក្នុងឧស្សាហកម្មលក់រាយនៅកម្ពុជា ។
ផ្សារទំនើប ជីប ម៉ុង ២៧១ មេហ្គាម៉ល ឬ «ពិភពនៃប៊្រេនល្បីៗ» ស្ថិតនៅក្នុងគម្រោង លែនម៉ាក ២៧១ របស់ ជីប ម៉ុង លែន តាមបណ្ដោយផ្លូវលេខ ២៧១ ក្បែរផ្លូវ ៣៧១ និងផ្លូវ ៦០ ម៉ែត្រ (https://goo.gl/maps/K1bohZAZaG3Gbn3D9) ។
សម្រាប់ព័ត៌មានបន្ថែមអំពីផ្សារទំនើប ជីប ម៉ុង ២៧១ មេហ្គា ម៉ល សូមចូលទៅកាន់ទំព័រហ្វេសប៊ុក ៖ https://facebook.com/chipmong271megamall/
សម្រាប់ព័ត៌មានបន្ថែមអំពីភោជនីយដ្ឋាន JUMBO Seafood សូមចូលទៅកាន់ទំព័រហ្វេសប៊ុក ៖ https://www.facebook.com/JumboSeafoodCambodia ឬទាក់ទងមកលេខ ៖ +855 93 295 333 ។
ទំនាក់ទំនងជួលទីតាំងរៀបចំកម្មវិធី និងផ្សព្វផ្សាយពាណិជ្ជកម្មនៅ ផ្សារទំនើប ជីប ម៉ុង ២៧១ មេហ្គា ម៉ល ៖
ចែករំលែកព័តមាននេះ