អគារតាំងបង្ហាញរថយន្ត MG សាខាទី ២ បានសម្ពោធជាផ្លូវការនៅផ្លូវ ៦០ម៉ែត្រ
រាជធានីភ្នំពេញ ៖ ក្រុមហ៊ុន TF Motors Cambodia បានសម្ពោធជាផ្លូវការអគារតាំងបង្ហាញរថយន្ត MG របស់ខ្លួនដែលជាសាខាទី ២…
រាជធានីភ្នំពេញ ៖ ក្រុមហ៊ុន TF Motors Cambodia បានសម្ពោធជាផ្លូវការអគារតាំងបង្ហាញរថយន្ត MG របស់ខ្លួនដែលជាសាខាទី ២ ក្នុងប្រទេសកម្ពុជាកាលពីថ្ងៃទី ២៣ ខែវិច្ឆិកា ឆ្នាំ ២០២២ មកនេះ ដើម្បីបំពេញតម្រូវការរបស់អតិថិជនឱ្យមានភាពងាយស្រួលក្នុងការមកទស្សនារថយន្តដោយផ្ទាល់ ឬការបើកបរសាកល្បងជាដើម ។ អគារតាំងបង្ហាញនេះមានទីតាំងនៅផ្លូវ ៦០ម៉ែត្រ ស្ថិតក្នុងសង្កាត់ចាក់អង្រែក្រោម ខ័ណ្ឌមានជ័យ រាជធានីភ្នំពេញ ។
ដូចដែលបានដឹងហើយថា រថយន្ត MG បច្ចុប្បន្ននេះកំពុងទទួលបាននូវការពេញនិយមកាន់តែខ្លាំងឡើងៗពីអ្នកប្រើប្រាស់នៅក្នុងប្រទេសកម្ពុជា ដោយសារតែគុណភាព សោភ័ណភាព ប្រណីតភាព ជាមួយបច្ចេកវិទ្យាទំនើបទាន់សម័យ ជាពិសេសថែមទាំងមានតម្លៃសមរម្យថែមទៀតផង ។
សូមបញ្ជាក់ផងដែរថា ក្រុមហ៊ុន TF Motors Cambodia បានបើកអគារតាំងបង្ហាញរថយន្ត MG នេះ មានចំនួន ២ សាខា រួចមកហើយនៅក្នុងខេត្តសៀមរាប និងទីក្រុងភ្នំពេញ ហើយគ្រោងនឹងបើកជាបន្តបន្ទាប់នៅក្នុងបណ្តាខេត្តក្រុងមួយចំនួនទៀតផងដែរ ។
នាឱកាសដ៏វិសេសវិសាលនេះផងដែរ លោក ហូមេន សេនតូនី តាន់ឌីហ្សូណូ (Mr. Homan Tandijono) អគ្គនាយក និងស្ថាបនិកក្រុមហ៊ុន TF Motors Cambodia ដែលជាក្រុមហ៊ុននាំចូលរថយន្ត MG មកកម្ពុជា បានមានប្រសាសន៍ថា «ថ្ងៃនេះខ្ញុំពិតជារំភើប និងរីករាយជាខ្លាំងចំពោះការបើកសម្ពោធជាផ្លូវការអគារតាំងបង្ហាញរថយន្តសាខាថ្មី ផ្លូវ ៦០ម៉ែត្រ ។ ថ្វីត្បិតតែមួយរយៈចុងក្រោយនេះប្រទេសកម្ពុជាក៏ដូចជាពិភពលោកទាំងមូលបានជួបវិបត្តិ កូវីដ ១៩ ក៏ដោយ ក៏ក្រុមការងាររបស់យើងនៅគ្រប់ផ្នែកទាំងអស់បានខិតខំប្រឹងប្រែងយ៉ាងខ្លាំងដើម្បីជម្នះបញ្ហាប្រឈមទាំងនេះ ។
លោកអគ្គនាយក បន្តទៀតថា នាពេលអនាគតយើងសង្ឃឹមថា នឹងមានសាខាថ្មីបន្ថែមទៀតនៅក្នុងប្រទេសកម្ពុជា ហើយនៅឆ្នាំក្រោយនេះយើងនឹងមានអ្វីថ្មីៗដើម្បីផ្តល់ជូនអតិថិជនរបស់យើង ដូចជាការនាំចូលផលិតផលថ្មី និងមជ្ឈមណ្ឌលសេវាកម្មថែទាំជួសជុលប្រកបដោយភាពច្នៃប្រឌិត និងស្មោះស្ម័គ្រជាមួយឆន្ទៈក្នុងការកែលម្អការពេញចិត្តទៅកាន់សហគមន៍របស់យើង» ។ ឆ្លៀតក្នុងឱកាសនោះដែរ លោកក៏បានថ្លែងអំណរគុណជាពិសេសដល់ដៃគូរហិរញ្ញវត្ថុជាច្រើនដែលផ្តល់លក្ខខ័ណ្ឌកម្ចីដ៏ល្អ និងងាយស្រួលដល់អតិថិជន MG ៕ អត្ថបទសហការ
ចែករំលែកព័តមាននេះ