ADផ្ទាំងផ្សព្វផ្សាយពាណិជ្ជកម្ម

ធនាគារ ស្ថាបនា លើកទឹកចិត្តប្រជាជនកម្ពុជាឱ្យសន្សំប្រាក់ប្រកបដោយភាពឆ្លាតវៃជាមួយ «គណនីសន្សំឆ្លាតវៃ»

1 អាទិត្យ មុន

រាជធានីភ្នំពេញ, ថ្ងៃទី ០៥ ខែសីហា ឆ្នាំ ២០២២ ៖ ធនាគារ ស្ថាបនា គឺជាធនាគារពាណិជ្ជឈានមុខគេមួយនៅព្រះរាជាណាចក្រកម្ពុជា…

រាជធានីភ្នំពេញ, ថ្ងៃទី ០៥ ខែសីហា ឆ្នាំ ២០២២ ៖ ធនាគារ ស្ថាបនា គឺជាធនាគារពាណិជ្ជឈានមុខគេមួយនៅព្រះរាជាណាចក្រកម្ពុជា បានណែនាំនូវ «គណនីសន្សំឆ្លាតវៃ» ជាមួយនឹងអត្រាការប្រាក់ខ្ពស់ និងភាពបត់បែនខ្លាំង ដើម្បីលើកទឹកចិត្តដល់ប្រជាជនកម្ពុជាឱ្យមានការសន្សំប្រាក់ប្រកបដោយភាពឆ្លាតវៃ និងជួយបង្កើតទម្លាប់សន្សំប្រាក់ដ៏ល្អមួយសម្រាប់ពួកគាត់ ។

គណនីសន្សំឆ្លាតវៃ គឺជាគណនីសន្សំដែលត្រូវបានបង្កើតឡើងជាពិសេសសម្រាប់អតិថិជន ដើម្បីទទួលបានអត្រាការប្រាក់ខ្ពស់រហូតដល់ ៣,៥% ក្នុងមួយឆ្នាំជាមួយនឹងភាពបត់បែនក្នុងការដកសាច់ប្រាក់បានចំនួន ២ ដងក្នុងមួយខែ ដើម្បីយកមកចាត់ចែងក្នុងការប្រើប្រាស់សម្រាប់គ្រាអាសន្ន ឬ ចាំបាច់ណាមួយ ដោយមិនមានការខាតបង់ការប្រាក់នោះទេ ។

លោក រ៉ាយអេន កុង ម៉ុន​ គីត នាយកប្រតិបតិ្ត​សេវាហិរញ្ញវត្ថុបុគ្គល នៃធនាគារ ស្ថាបនា បានមានប្រសាសន៍ថា ៖ «គណនីសន្សំឆ្លាតវៃ គឺជំរុញឱ្យយើងបន្តការយកចិត្តទុកដាក់ និងចក្ខុវិស័យរបស់យើង ក្នុងការផ្តល់ជូនអតិថិជននូវដំណោះស្រាយហិរញ្ញវត្ថុដ៏មានតម្លៃ និងងាយស្រួល ដើម្បីបំពេញតម្រូវការរបស់ពួកគាត់ ។ លើសពីនេះទៅទៀត គណនីសន្សំឆ្លាតវៃ ក៏ផ្តល់នូវអត្ថប្រយោជន៍យ៉ាងច្រើន ដូចជាការផ្តល់ការប្រាក់បន្ថែមពីលើប្រាក់សន្សំ ហើយក្នុងពេលជាមួយគ្នានេះផងដែរ អតិថិជនក៏អាចដកប្រាក់យកមកប្រើប្រាស់ក្នុងករណីចំបាច់ណាមួយ​ ឬ គ្រាអាសន្នដោយមិនមានការបាត់បង់ការប្រាក់នោះទេ» ។

លោកបានបន្ថែមទៀតថា ៖ «ជាមួយគណនីសន្សំឆ្លាតវៃ អតិថិជនអាចរក្សាការប្រាក់ ដែលមានភាពខុសប្លែកពីគណនីប្រាក់បញ្ញើមានកាលកំណត់ ដែលការប្រាក់នឹងមានការប្រែប្រួល ឬ បាត់បង់រាល់ពេលដែលអតិថិជនដកប្រាក់មុនពេលកំណត់» ។

អតិថិជនអាចបើកគណនីសន្សំឆ្លាតវៃ ជាមួយនឹងប្រាក់តម្កល់ដំបូងត្រឹមតែ ១០០ ដុល្លារអាមេរិក នៅតាមការិយាល័យសាខាដែលនៅជិតបំផុត ឬ តាមរយៈកម្មវិធីស្ថាបនា ម៉ូបាល របស់យើងដែលទើបតែឈ្នះបានពានរង្វាន់ឆ្នើមប្រចាំឆ្នាំ ។ បន្ថែមពីលើនេះ សមតុល្យអប្បបរមាគឺ ១០០ ដុល្លារ ជាមួយនឹងការដាក់ប្រាក់បញ្ញើឥតដែនកំណត់ប្រចាំថ្ងៃ និងប្រចាំខែ ។ អតិថិជនគណនីសន្សំឆ្លាតវៃទាំងអស់អាចដកប្រាក់បានរហូតដល់ ២ ដងក្នុងមួយខែ ជាមួយនឹងចំនួនទឹកប្រាក់ឥតដែនកំណត់ ។ ចំណែកអតិថិជនស្រ្តីក្នុងវិស័យអាជីវកម្មអាចដកប្រាក់រហូតដល់ ៣ ដងក្នុងមួយខែ ជាមួយនឹងចំនួនទឹកប្រាក់ឥតដែនកំណត់ផងដែរ ។

សម្រាប់ព័ត៌មានលម្អិតអំពីគណនីសន្សំឆ្លាតវៃ សូមចូលទៅកាន់គេហទំព័រ ៖ https://www.sathapana.com.kh/smart-savings-account/

ដើម្បីស្វែងរកសាខារបស់យើង សូមចុចត្រង់នេះ ៖ https://www.sathapana.com.kh/contactus/branch-address/

អំពី ធនាគារ ស្ថាបនា

ធនាគារ ស្ថាបនា គឺជាធនាគារពាណិជ្ជឈានមុខគេមួយនៅកម្ពុជា ដែលមានទ្រព្យសកម្មសរុបជាង ២,៤ ពាន់លានដុល្លារអាមេរិក និងមានបុគ្គលិកជាង ៤.០០០ នាក់ ។ យើងមានបណ្តាញសាខាយ៉ាងទូលំទូលាយនៅទូទាំងប្រទេសដែលមានសាខាជាង ១៧០ សាខា ស្ថាបនា ព្រីមារណ៍ចំនួន ៣ និងម៉ាស៊ីនអេធីអឹមជាង ២៥០ ។ យើងផ្តល់ជូនសេវាធនាគារយ៉ាងពេញលេញដូចជា ៖ សេវាឥណទាន សេវាដាក់ប្រាក់បញ្ញើ សេវាiBanking ធនាគារចល័ត ប័ណ្ណឥណពន្ធ និងប័ណ្ណឥណទាន សេវាផ្ទេរប្រាក់ក្នុងស្រុក និងក្រៅប្រទេស សេវាផ្ទេរប្រាក់ឆ្លងប្រទេសងជាមួយ SWIFT និងសេវា Visa B2B Connect Western Union ហិរញ្ញប្បទានពាណិជ្ជកម្ម និងសេវាហិរញ្ញវត្ថុផ្សេងទៀត ។

ក្រៅពីនេះ យើងក៏មានផ្តល់ជូនសេវាប្រមូលពន្ធ និងសេវាទូទាត់ថ្លៃសេវាសាធារណៈជាមួយក្រសួងសាធារណការ និងដឹកជញ្ជូន និងក្រសួងការងារ និងបណ្តុះបណ្តាលវិជ្ជាជីវៈ ។ ទន្ទឹមនឹងនេះ យើងក៏មានការសហការជាមួយក្រុមហ៊ុនផ្តល់សេវាទូទាត់ចល័តផ្សេងទៀតដូចជា ៖ វីង ផាយផេ ទ្រូម៉ាន់នី លី ហួរ វេលុយ អ៊ីម៉ាន់នី និងបាគង ដើម្បីផ្តល់ជូនភាពងាយស្រួលបន្ថែមទៀតដល់អតិថិជនរបស់យើង ។

ថ្មីៗនេះ ធនាគារ ស្ថាបនា ទើបតែទទួលបានពានរង្វាន់ Best Mobile Banking App ឆ្នាំ ២០២២ និង Mobile Banking & Payment Initiative of the Year ពីទស្សនាវដ្ដី Global Brands Magazine របស់ប្រទេសអង់គ្លេស និង Asian Banking & Finance Retail Banking Awards សម្រាប់កម្មវិធីស្ថាបនា ម៉ូបាល រចនាបទថ្មី ដែលផ្ដល់នូវសេវាកម្មរហ័ស ងាយស្រួល និងសុវត្ថិភាពជាងមុនជូនដល់អតិថិជន។ ពានរង្វាន់ទាំងពីរនេះគឺជាសក្ខីភាពបង្ហាញពីកិច្ចខិតខំប្រឹងប្រែង និងការប្ដេជ្ញាចិត្តរបស់យើងដើម្បីបម្រើអតិថិជនឱ្យបានកាន់តែល្អប្រសើរ ៕ អត្ថបទសហការ