រាជធានីភ្នំពេញ៖ ពិតជាដំណឹងដ៏សែនរីករាយ និងគួរឱ្យស្ញប់ស្ញែងមែនទែន! យីហោភោជនីយដ្ឋាន បាយ័ន បានឈានដល់ការចុះកុងត្រាប្រគល់សិទ្ធលក់ ដើម្បីបើកដំណើរការសាខាទី៥ បន្ទាប់ពីការចុះកុងត្រាប្រគល់សិទ្ធបើកដំណើរការសាខាទី៤ កាលពីថ្ងៃទី១១ ខែកញ្ញា…
រាជធានីភ្នំពេញ៖ ពិតជាដំណឹងដ៏សែនរីករាយ និងគួរឱ្យស្ញប់ស្ញែងមែនទែន! យីហោភោជនីយដ្ឋាន បាយ័ន បានឈានដល់ការចុះកុងត្រាប្រគល់សិទ្ធលក់ ដើម្បីបើកដំណើរការសាខាទី៥ បន្ទាប់ពីការចុះកុងត្រាប្រគល់សិទ្ធបើកដំណើរការសាខាទី៤ កាលពីថ្ងៃទី១១ ខែកញ្ញា ឆ្នាំ២០២១ កន្លងទៅថ្មីៗនេះរួចមកហើយនោះ។ នេះជាការបង្ហាញឱ្យឃើញថា ទោះជាស្ថិតក្នុងដំណាក់កាលកូវីដ ១៩ បន្តផ្ទុះក្តី ក៏យីហោភោជនីយដ្ឋាន បាយ័ន នៅតែបន្តលក់ Franchise របស់ខ្លួន ឱ្យទៅដៃគូវិនិយោគ ដែលជាការចំណាយទុនរហូតខ្ទង់សែនដុល្លារឯណោះ។
នៅក្នុងឱកាសចុះហត្ថលេខាប្រគល់សិទ្ធបើកដំណើរការសាខាទី៥ ដែលបានធ្វើឡើងថ្ងៃទី១៥ ខែកញ្ញា ឆ្នាំ២០២១ លោកស្រី ថេ ដាឡែន អគ្គនាយិកាភោជនីយដ្ឋាន បាយ័ន បានថ្លែងថា៖ « ដោយសារមើលឃើញពីភាពរីកចំរើនរបស់យីហោ ភោជនីយដ្ឋានបាយ័ន ក៏ដូចជាមានសំណូមពរច្រើន ទើបក្រុមហ៊ុនបានសម្រេចចិត្តបន្តលក់ Franchise ទៅឱ្យម្ចាស់អាជីវកម្មម្នាក់ទៀត ដើម្បីផ្ដល់ឱកាសឱ្យអ្នកមានដីទំនេរ ឬមានលុយ ហើយមិនដឹងថាបើកជំនួញអ្វី ប្រកបដោយទំនុកចិត្ត ក្លាយជាម្ចាស់អាជីវកម្ម»។
លោកស្រីបន្តថា ពីមុនប្រសិនបើអ្នកចង់បានយីហោភោជនីយដ្ឋានបាយ័ន ទៅធ្វើអាជីវកម្ម គឺលុះត្រាតែមានទុន ៤០ ម៉ឺនដុល្លារ ប៉ុន្តែបច្ចុប្បន្នក្រុមហ៊ុនបានផ្ដល់ជំរើសមកត្រឹម ១៥ ម៉ឺនដុល្លារ ២០ ម៉ឺនដុល្លារ ២៥ ម៉ឺនដុល្លារ និង ៤០ម៉ឺនដុល្លារ ទៅតាមទំហំដី ទំហំទីតាំង និង ទំហំវិនិយោគ ដែលកាន់តែបង្ករភាពងាយស្រួលក្នុងការវិនិយោគ។ រីឯសម្រាប់សាខាទី៥ ដែលលោកស្រីទើបតែចុះហត្ថលេខាប្រគល់សិទ្ធិជូននេះ គឺស្ថិតក្រោមការវិនិយោគរបស់លោក បែន រ័ត្នបូរី បន្ទាប់ពីលោកក៏មានឆន្ទៈខ្ពស់ ក្នុងការវិនិយោគលើវិស័យភោជនីយដ្ឋាន ហើយបានបោះទុនជាមួយលោកស្រី។
លោកស្រី អគ្គនាយិកា បានគូសបញ្ជាក់ផងដែរថា៖ «បរិបទកូវីដ១៩ទាមទារឱ្យមានការបត់បែនច្រើនណាស់ ហើយដោយសារតែយុទ្ធសាស្ត្របត់បែន ដោយផ្ដោតមួយផ្នែកបន្ថែមទៀតលើវិស័យអនឡាញ ទើបធ្វើឱ្យយីហោភោជនីយដ្ឋានបាយ័ន នៅតែមានកំណើនលក់ ហើយធ្វើឱ្យមានការចុះឈ្មោះសុំវិនិយោគ ដែលជំរុញអោយភោជនីយដ្ឋានបាយ័នអាចពង្រាយសាខា ខណៈដែលអាជីវកម្មដទៃប៉ះពាល់ខ្លាំង។ សាខាទី៥ របស់លោក បែន រ័ត្នបូរី ក៏ស្ថិតក្នុងរាជធានីភ្នំពេញដូចគម្រោងសាខាទី ៤ ដែរ ដោយទីតាំងជាក់ស្ដែង ផេករបស់ក្រុមហ៊ុននឹងធ្វើការបង្ហាញពេលលេចចេញរូបរាង»។
គួរបញ្ជាក់ផងដែរថា ភោជនីយដ្ឋានបាយ័ន ផ្ដោតជាពិសេសលើអាហារពេលព្រឹក ពេលថ្ងៃ និង ពេលល្ងាច ហើយមុខអាហារទាំងអស់ មិនគ្រាន់តែយកចិត្តទុកដាក់លើរសជាតិ អនាម័យ និង គុណភាពប៉ុណ្ណោះទេ ប៉ុន្តែក៏មានយុទ្ធសាស្ត្រលក់អោយខ្លាំងទាំងលើអនឡាញ និង ការបើកលក់នៅទីតាំងផ្ទាល់ផងដែរ។ ក្នុងនោះប្រព័ន្ធគ្រប់គ្រង និង យុទ្ធសាស្ត្រទីផ្សារលក់របស់ក្រុមហ៊ុនដែលបានចងជាប្រព័ន្ធច្បាស់លាស់ គឺជាជំហានតែមួយគត់ ដែលធ្វើអោយមានទំនុកចិត្តពីអ្នកចង់ចូលរួមវិនិយោគ។
បន្ទាប់ពីសម្រេចប្រគល់សិទ្ធិផ្លូវការជូនម្ចាស់សាខាទី៤ និងទី៥ បន្តបន្ទាប់គ្នា លោកស្រី ដាឡែន បន្តថា មានអតិថិជនជាច្រើនផ្សេងទៀត ក៏កំពុងទាក់ទងសុំទិញ Franchise សម្រាប់សាខាទី៦ និង បន្តបន្ទាប់ផងដែរ ដោយនៅរាជធានីភ្នំពេញ កំណត់ត្រឹមតែ ១០ សាខាប៉ុណ្ណោះ ក្រៅពីនោះគឺនឹងបន្តលក់សិទ្ធិទៅកាន់បណ្ដាខេត្តនានាម្ដង ដូច្នេះសម្រាប់អ្នកចង់បានឱកាសបើកភោជនីយដ្ឋានសាខាថ្មី នៅរាជធានីភ្នំពេញ ឬនៅខេត្តធំៗ គឺត្រូវរួសរាន់ ដោយសារកន្លែងមានកំណត់។
លោកស្រីបន្ថែមថា អ្នកចង់ធ្វើជំនួញបើកភោជនីយដ្ឋានយីហោបាយ័ន ជាពិសេសអ្នកចង់ទទួលបានឱកាសក្លាយជាម្ចាស់សាខាផ្សេងទៀត សូមទំនាក់ទំនងមកកាន់លេខ ទូរស័ព្ទលេខ 095 7777 48, 096 7777 430 អ្នកកក់ទីតាំងមុន ទទួលបានឱកាសមុន ហើយក្រុមហ៊ុននឹងជំរុញ និង ជួយបណ្ដុះបណ្ដាលជំនាញ ឱ្យចេះច្បាស់នៅក្នុងវិស័យមួយនេះ៕ ដោយសហការ
ចែករំលែកព័តមាននេះ