រាជធានីភ្នំពេញ ៖ សហព័ន្ធសេវាអប់រំនៅកម្ពុជា បានប្រកាសផ្តល់ប្រឹក្សាយោបល់ និងអត្ថប្រយោជន៍ផ្សេងៗចំនួន ៩ ចំណុចជូនដល់សមាជិករបស់ខ្លួន ដើម្បីគាំទ្រដំណើរការវិស័យអប់រំឯកជន ឱ្យទទួលបានប្រសិទ្ធភាពខ្ពស់ ។…
រាជធានីភ្នំពេញ ៖ សហព័ន្ធសេវាអប់រំនៅកម្ពុជា បានប្រកាសផ្តល់ប្រឹក្សាយោបល់ និងអត្ថប្រយោជន៍ផ្សេងៗចំនួន ៩ ចំណុចជូនដល់សមាជិករបស់ខ្លួន ដើម្បីគាំទ្រដំណើរការវិស័យអប់រំឯកជន ឱ្យទទួលបានប្រសិទ្ធភាពខ្ពស់ ។
ក្នុងសន្និបាតបូកសរុបលទ្ធផលការងារពាក់កណ្តាលឆ្នាំ២០២១ នៅព្រឹកថ្ងៃទី៩ ខែកញ្ញានេះ ឯកឧត្តម ហុង លីម អនុប្រធានទទួលបន្ទុកកិច្ចការទំនាក់ទំនងសមាជិក នៃសហព័ន្ធសេវាអប់រំនៅកម្ពុជា បានលើកឡើងពីអត្ថប្រយោជន៍ទាំង ៩ ចំណុច សម្រាប់គ្រឹះស្ថានអប់រំ បណ្តុះបណ្តាលវិជ្ជាជីវៈ និងក្រុមហ៊ុនបច្ចេកវិទ្យា សម្រាប់ការអប់រំ ដែលបានចូលជាសមាជិករួមមាន ៖
ឧកញ៉ា ប៉ិច បូឡែន ប្រធានសហព័ន្ធសេវាអប់រំនៅកម្ពុជា បានឱ្យដឹងថា សហព័ន្ធបង្កើនឡើងនៅឆ្នាំ២០២០ ក្នុងទិសដៅចូលរួមជាមួយរដ្ឋាភិបាល ក្នុងការអភិវឌ្ឍធនធានមនុស្ស បង្កើតប្រព័ន្ធអេកូឡូស៊ីគាំទ្រ សម្រាប់ការអប់រំ និងអាជីវកម្មក្នុងវិស័យអប់រំ និងបណ្តុះបណ្តាលវិជ្ជាជីវៈ ។ សហព័ន្ធផ្តល់នូវការយល់ដឹងអំពីការស្រាវជ្រាវ និងការអភិវឌ្ឍ និងការសហការគ្នារវាងរដ្ឋាភិបាល និងវិស័យឯកជន ពង្រឹងចំណេះដឹង និងវគ្គបំប៉នគរុកោសល្យដល់គ្រូបង្រៀននិងអ្នកអប់រំទូទៅ ផ្តល់សេវាប្រឹក្សាយោបល់ និងសម្របសម្រួល និងរៀបចំឯកសារសម្រាប់ការបើកដំណើរ សាលារៀនជូនដល់សមាជិក ។
គិតមកត្រឹមខែសីហា ឆ្នាំ២០២១នេះ សហព័ន្ធសេវាអប់រំនៅកម្ពុជា មានសមាជិកចំនួន ៩៤ ស្ថាប័ន ដែលមានសាលាចំណេះទូទៅជាតិ-អន្តរជាតិឯកជន វិទ្យាស្ថានបណ្តុះបណ្តាលជំនាញ និងក្រុមហ៊ុនបច្ចេកវិទ្យាសម្រាប់ការអប់រំ ក្នុងរាជធានីភ្នំពេញ និងបណ្តាខេត្តនានា ។ សហព័ន្ធនៅតែបន្តស្វាគមន៍ទទួលសមាជិកថ្មីបន្ថែមទៀត ដើម្បីសម្រេចបាននូវទស្សនវិស័យរួមគ្នា លើការអភិវឌ្ឍធនធានមនុស្សនៅកម្ពុជា ៕ ដោយសហការ
ចែករំលែកព័តមាននេះ