លែងពិបាកទៀតហើយ ! គ្រប់ដេប៉ូរបស់ IQPS អាចទូទាត់ប្រាក់តាមរយៈ វីង
រាជធានីភ្នំពេញ ៖ ធនាគារ វីង ដែលជាអ្នកផ្តល់សេវាកម្មហិរញ្ញវត្ថុតាមទូរស័ព្ទចល័តឈានមុខគេនៅកម្ពុជា និង IQPS ដែលជាក្រុមហ៊ុនបោះដុំ និងចែកចាយស្រាបៀរ ភេសជ្ជៈ…
រាជធានីភ្នំពេញ ៖ ធនាគារ វីង ដែលជាអ្នកផ្តល់សេវាកម្មហិរញ្ញវត្ថុតាមទូរស័ព្ទចល័តឈានមុខគេនៅកម្ពុជា និង IQPS ដែលជាក្រុមហ៊ុនបោះដុំ និងចែកចាយស្រាបៀរ ភេសជ្ជៈ ទឹកសុទ្ធ បារី Marlboro និង L&M ដែលឈានមុខគេនៅកម្ពុជា បានសហការគ្នាដើម្បីអនុញ្ញាតដល់ដៃគូអាជីវកម្មរបស់ IQPS អាចទូទាត់ប្រាក់តាមរយៈ វីង ។ ភាពជាដៃគូនេះ នឹងជួយសម្រួលដល់ដៃគូអាជីវកម្មរបស់ក្រុមហ៊ុន IQPS ជាង ៦០០០០ កន្លែងនៅ ២៥ ខេត្តក្រុង នៃព្រះរាជាណាចក្រកម្ពុជាអាចទូទាត់ប្រាក់ជាមួយក្រុមហ៊ុន IQPS តាមរយៈប្រព័ន្ធឌីជីថលអេកូឡូស៊ីដ៏ទំនើបរបស់ វីង ប្រកបដោយភាពងាយស្រួល ឆាប់រហ័សនិងមានសុវត្ថិភាពខ្ពស់ ។
នេះជាជំហាន ថ្មីមួយទៀតដែល វីង នឹងផ្តល់អត្ថប្រយោជន៍កាន់តែច្រើនដល់ដៃគូអាជីវកម្ម ជាពិសេសក្រុមហ៊ុន IQPS នឹងចំណេញពេលវេលា ចំណាយធនធានកាន់តែតិច និងកាត់បន្ថយហានិភ័យក្នុងការប្រមូលថ្លៃទូទាត់ប្រាក់ពីដេប៉ូនីមួយៗ ។ គ្រប់ដេប៉ូទាំងអស់អាចធ្វើការទូទាត់ប្រាក់ជាមួយក្រុមហ៊ុន IQPS បានយ៉ាងងាយស្រួលតាមរយៈកម្មវិធីស្មាតហ្វូនវីង (Wing Money App) ក្នុងមុខងារទូទាត់វិក្កយបត្រ (Bill Payment) ឬ ស្កេន QR កូដ បានយ៉ាងរហ័ស និងសុក្រិតបំផុត ។ អតិថិជនទាំងអស់អាចតាមដានប្រវត្តប្រតិបត្តិការនីមួយៗតាមរយៈ Wing App បានយ៉ាងច្បាស់និងងាយស្រួលបំផុត ។ ជាងនេះទៅទៀត ម្ចាស់ដេប៉ូនីមួយៗក៏អាចដាក់ប្រាក់ក្នុងគណនីវីង របស់ពួកគេ និងទូទាត់វិក្កយបត្រជាមួយក្រុមហ៊ុន IQPS ដែលមានលេខកូដទូទាត់ ៩២៦២ សម្រាប់ប្រាក់ដុល្លារ តាមរយៈភ្នាក់ងារវីងជាង ៩៣០០ កន្លែងនៅទូទាំងប្រទេសកម្ពុជាផងដែរ ៕ ដោយសហការ
ចែករំលែកព័តមាននេះ