អគ្គនាយកបុរី VIP លោក វន វណ្ណៈ និងលោក ហម រ៉ន កសាងសមិទ្ធផលក្នុងទីតាំងអតីតដំណាក់ស្ដេច
រាជធានីភ្នំពេញ ៖ វត្តមានរបស់លោក វន វណ្ណៈ និងលោក ហម រ៉ន ដែលជាអគ្គនាយកទាំងពីររបស់ក្រុមហ៊ុនបុរី VIP…
រាជធានីភ្នំពេញ ៖ វត្តមានរបស់លោក វន វណ្ណៈ និងលោក ហម រ៉ន ដែលជាអគ្គនាយកទាំងពីររបស់ក្រុមហ៊ុនបុរី VIP…
រាជធានីភ្នំពេញ ៖ វត្តមានរបស់លោក វន វណ្ណៈ និងលោក ហម រ៉ន ដែលជាអគ្គនាយកទាំងពីររបស់ក្រុមហ៊ុនបុរី VIP បានធ្វើឱ្យទីតាំងមួយដែលជាអតីតដំណាក់ស្តេចទទួលការចាប់អារម្មណ៍ ។ អ្នកទាំងពីរមិនត្រឹមតែរួមចំណែកបរិច្ចាគថវិកាជាច្រើនជួយកសាងសមិទ្ធផលនៅក្នុងវត្តនោះប៉ុណ្ណោះទេ តែក៏ជាសប្បុរសជនគួរឱ្យសរសើរក្នុងថ្ងៃបញ្ចុះខណ្ឌសីម៉ា កាលពីថ្ងៃទី ២១ ខែកុម្ភៈ ឆ្នាំ ២០២១ កន្លងទៅនៅវត្តព្រះរាជាពន្លាជ័យ ហៅវត្តភ្នំពិស្ស ស្ថិតក្នុងភូមិពិស្ស ឃុំអមលាំង ស្រុកថ្ពង ខេត្តកំពង់ស្ពឺនោះផងដែរ ។ ប្រជាពលរដ្ឋ ប្រជាការពារ និងអ្នកទទួលអំណោយពីលោកទាំងពីរមិនតិចរយនាក់ទេ បង្ហាញអារម្មណ៍រំភើបចិត្តយ៉ាងខ្លាំងចំពោះទឹកចិត្តដ៏ជ្រះថ្លាមួយនេះ ។
យោងតាមរបៀបវារៈ វត្តស្តេចព្រះពន្លាជ័យភ្នំពិស្ស មានចម្ងាយ ៧០គ.ម ពីទីរួមខេត្តកំពង់ស្ពឺ ។ វត្តនេះជាអតីតដំណាក់ស្ដេច ដែលមានតែសាលាឆាន់ប៉ុណ្ណោះ ទើបសប្បុរសជននានារួមគ្នាកសាងជាវិហារ ដោយលោក វន វណ្ណៈ និងលោក ហម រ៉ន អគ្គនាយកក្រុមហ៊ុនបុរី VIP ក៏ជាសប្បុរសជនសំខាន់មួយនៅក្នុងគម្រោងសាងសង់ជាព្រះវិហារនេះ ។
លោក វន វណ្ណៈ ជាអគ្គនាយកក្រុមហ៊ុន បុរី VIP បានលើកឡើងថា ក្នុងនាមជាសប្បុរស ជនមួយរូប និងជាអគ្គនាយកបុរីវីអាយភី (VIP) លោកមានទឹកចិត្តសប្បាយរីករាយយ៉ាងខ្លាំងដែលបានរួមចំណែកក្នុងការកសាងសមិទ្ធផលមួយចំនួន ជាពិសេសព្រះវិហារនៅក្នុងទីអារ៉ាមនេះ ។ មិនមែនជាលើកទី ១ ទេដែលលោក និងលោក ហម រ៉ន ជាអគ្គនាយករបស់បុរី VIP បានធ្វើដោយពេលកន្លងមក ពួកលោកក៏បានចូលរួមចំណែកកសាងសមិទ្ធផលនៅក្នុងទីអារ៉ាមផ្សេងទៀត និងបរិច្ចាគជួយសង្គមរាប់មិនអស់ផងដែរ ។
លោកថា ផលចំណេញដែលបានពីការបណ្ដាក់ទុនសាងសង់បុរី របស់ក្រុមហ៊ុនបុរី VIP តែងតែជួយជាប្រយោជន៍ណាមួយ ដើម្បីសង្គមដែលនេះសុទ្ធតែជាលទ្ធផលដែលកម្ពុជាមានសុខសន្តិភាព ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន ។ ជាមួយនឹងការបានរួមចំណែកក្នុងការកសាងសមិទ្ធិផលនានា ដើម្បីលើកស្ទួយក្នុងវិស័យព្រះសាសនា ក្នុងនាមបុរី VIP ក៏នឹងបន្តជួយដល់វិស័យព្រះពុទ្ធសាសនាបែបនេះជាបន្តបន្ទាប់ទៀត និងជួយដល់ទុរគតជន ដើម្បីជាប្រយោជន៍ដល់សង្គមផងដែរ ។
នៅក្នុងពិធីបញ្ចុះខណ្ឌសីម៉ានោះ លោកបានបរិច្ចាគថវិកាជាច្រើន កសាងបន្ថែមលើសមិទ្ធផលក្នុងវត្ត ជូនសម្ភារៈថវិកាប្រជាពលរដ្ឋចំនួន ៣០០គ្រួសារ ជូនសម្ភារៈសិស្សានុ សិស្ស និងលោកគ្រូអ្នកគ្រូនៅសាលាបឋមសិក្សាភ្នំពិស្ស៍ចំនួន ១១៣នាក់ ជួយដល់ប្រជាការពាជាច្រើននាក់សរុបថវិកាដែលចូលបុណ្យបន្ថែម និងបរិច្ចាគជាសប្បុរសធម៌អស់ខ្ទង់ម៉ឺនដុល្លារ ។
នៅក្នុងពិធីនោះ ក៏មានវត្តមានឯកឧត្ដម សរ សុពុត្រា អភិបាលរងនៃគណៈអភិបាលខេត្តកំពង់ស្ពឺ និងថ្នាក់ដឹកនាំជាច្រើនផ្សេងទៀតផងដែរ ។ លោក វន វណ្ណៈ និងលោក ហម រ៉ម អគ្គនាយកបុរី VIP ក៏បានទទូចអោយពលរដ្ឋការពារពីកូវីដ ១៩ នៅក្នុងពេលនេះ ដោយអនុវត្តិតាមវិធានការរបស់រដ្ឋាភិបាល ៣ ការពារ ៣ កុំ ដើម្បីកុំអោយមានការរីករាលដាលនូវជម្ងឺកូវីដ ១៩ ផងដែរ ៕ ដោយសហការ
ចែករំលែកព័តមាននេះ