រាជធានីភ្នំពេញ ៖ លោកអ្នកដែលប្រើប្រាស់សេវាធនាគារ នៅពេលដែលទៅដកប្រាក់នៅតាមម៉ាស៊ីន អេធីអឹម (ATM) ចេះតែគិតថា បើសិនជាដកប្រាក់ដោយមិនចាំបាច់ប្រើកាតស៊កចូលម៉ាស៊ីន មិនដឹងជាឡូយយ៉ាងណាទេ…! ចេះតែគិតបែបនេះរាល់ពេលទៅដកប្រាក់ពីម៉ាស៊ីន…
រាជធានីភ្នំពេញ ៖ លោកអ្នកដែលប្រើប្រាស់សេវាធនាគារ នៅពេលដែលទៅដកប្រាក់នៅតាមម៉ាស៊ីន អេធីអឹម (ATM) ចេះតែគិតថា បើសិនជាដកប្រាក់ដោយមិនចាំបាច់ប្រើកាតស៊កចូលម៉ាស៊ីន មិនដឹងជាឡូយយ៉ាងណាទេ…! ចេះតែគិតបែបនេះរាល់ពេលទៅដកប្រាក់ពីម៉ាស៊ីន អេធីអឹម ម្តងៗ ។ តែតាមពិតទៅអ្វីដែលយើងចង់បាន ធនាគារ អេស៊ីលីដា បានបន្ថែមនូវសេវាដកប្រាក់ដោយមិនប្រើកាត (Cardless) នេះយូរមកហើយ នៅលើ អេស៊ីលីដាម៉ូបាល (ACLEDA Mobile) គ្រាន់តែយើងមិនបានចាប់អារម្មណ៍ ដែលគេហៅថា «QUICK CASH» ដើម្បីអោយកាន់តែងាយស្រួលដល់អតិថិជន ។
សេវាដកប្រាក់រហ័ស «QUICK CASH» ពីម៉ាស៊ីន អេធីអឹម របស់ធនាគារ អេស៊ីលីដា ទូទាំងប្រទេស គឺមិនចាំបាច់ប្រើកាត (Cardless) នោះទេ ហើយលោកអ្នកថែមទាំងអាចដកប្រាក់បានយ៉ាងឆាប់រហ័ស និងងាយស្រួលបំផុតទៀតផង ហើយដកបានរហូតដល់ ៥.០០០ដុល្លារ ឬ ២០លានរៀលក្នុងមួយថ្ងៃដោយមិនអស់ថ្លៃសេវាអ្វីឡើយ ។ បើដកប្រាក់ដោយប្រើ Gold Code បានចំនួន ១.០០០ដុល្លារ ឬ ៤លានរៀលក្នុងមួយថ្ងៃ ។
គ្មានអ្វីស្មុកស្មាញនោះទេ តោះ ! យើងខ្ញុំសូមណែនាំពីរបៀបដកប្រាក់រហ័ស (QUICK CASH) ពីម៉ាស៊ីន អេធីអឹម តាមរយៈអេស៊ីលីដាម៉ូបាល ដូចខាងក្រោម ៖
ទី ១. ដំបូងបើកដំណើការកម្មវិធី អេសុីលីដាម៉ូបាល ៖
– នៅលើ Screen ACLEDA Mobile ខាងក្រោម ផ្នែកខាងស្ដាំ សូមជ្រើសរើសប៊ូតុង “ដកប្រាក់តាម ATM (QUICK CASH)”
– រួចស្កែនម្រាមដៃ ឬ ផ្ទៃមុខ ឬ បញ្ចូលលេខសម្ងាត់
– បន្ទាប់មកជ្រើសរើស គណនី វ៉លឡេត ឬ គណនីធនាគារ
– រួចបញ្ចូលចំនួនទឹកប្រាក់ដែលត្រូវដក
– រួចចុចប៊ូតុង “បង្កើត”
– ពេលនោះលោកអ្នកនឹងទទួលបានលេខសម្ងាត់ចំនួន ៦ខ្ទង់ (Gold Code) សម្រាប់ទុកបញ្ចូលក្នុងម៉ាស៊ីន អេធីអឹម ដើម្បីដកប្រាក់នេះ ។
ទី ២. បន្ទាប់មកនៅលើម៉ាសុីន អេធីអឹម ៖
– សូមចុចលើ Screen ឬ ប៊ូតុងណាមួយរបស់ម៉ាស៊ីន អេធីអឹម
– រួចជ្រើសរើស ភាសា
– បន្ទាប់មកជ្រើសរើស “ដកប្រាក់តាមលេខកូដ (Cash Withdrawal via Gold Code)”
– ត្រូវបញ្ចូលលេខសម្ងាត់ចំនួន ៦ខ្ទង់ដែលលោកអ្នកបានទទួលនៅក្នុងកម្មវិធី អេស៊ីលីដាម៉ូបាល ខាងលើ
– រួចចុចប៊ូតុង “យល់ព្រម”
– បន្ទាប់មកបញ្ចូលចំនួនទឹកប្រាក់ដែលត្រូវដក (ចំនួនទឹកប្រាក់ដែលត្រូវដកត្រូវដូចគ្នានឹងចំនួនទឹកប្រាក់ដែលបានបង្កើតក្នុង អេស៊ីលីដាម៉ូបាល)
– រួចចុចប៊ូតុង “យល់ព្រម”
– ប្រតិបត្តិការបានសម្រេច (សូមយកប្រាក់របស់លោកអ្នកពី ម៉ាស៊ីន អេធីអឹម) ។
តាមរយៈនៃការបង្ហាញពីរបៀបដកប្រាក់ខាងលើនេះ បញ្ជាក់ឱ្យឃើញថា ពិតជាមានភាពងាយស្រួលខ្លាំងណាស់ដែលអតិថិជនគ្រប់រូបអាចដក់ប្រាក់បានដោយមិនចាំបាច់ប្រើកាត ហើយថែមទាំងអាចដកបានគ្រប់ម៉ាស៊ីន អេធីអឹម របស់ធនាគារ អេស៊ីលីដា ទាំងអស់ និងគ្រប់ពេលវេលា ៕
ចែករំលែកព័តមាននេះ