មិនធម្មតា ! ព្រាប សុវត្ថិ ចេញមួយបទនេះសុទ្ធតែយកលេសកុហកប្រពន្ធតែម្តង (វីដេអូ)
រាជធានីភ្នំពេញ ៖ ថ្មី និងប្លែកទៀតហើយ ! MV បទ «គ្រប់យ៉ាងក៏ព្រោះតែមេ» ដែលច្រៀងដោយកំពូលតារាចម្រៀងល្បីឈ្មោះលោក ព្រាប…
រាជធានីភ្នំពេញ ៖ ថ្មី និងប្លែកទៀតហើយ ! MV បទ «គ្រប់យ៉ាងក៏ព្រោះតែមេ» ដែលច្រៀងដោយកំពូលតារាចម្រៀងល្បីឈ្មោះលោក ព្រាប សុវត្ថិ និងកញ្ញា តន់ ច័ន្ទសីម៉ា ដែលទើបនិងចេញនៅថ្ងៃនេះរបស់ផលិតកម្ម Galaxy Navatra បានធ្វើឱ្យមានការចាប់អារម្មណ៍ពីគាំទ្រយ៉ាងខ្មាំង ព្រោះតែចង្វាក់នៃបទចម្រៀងនេះស្តាប់ទៅពីរោះប្លែក និងស្រួលរាំទៀតផង ហើយស៊ីគ្នាទៅនឹងពិធីបុណ្យចូលឆ្នាំថ្មីប្រពៃណីជាតិនាពេលខាងមុខនេះតែម្តង ។
នៅក្នុង MV បទចម្រៀងថ្មីនេះដែរក្រោយស្តាប់ចប់ គឺអត្ថន័យបានបង្ហាញពីការអាណិតលោក ព្រាប សុវត្ថិ ព្រោះនេះជាការលះបង់របស់កូនចៅចំពោះមេរបស់ខ្លួន ពិតជាធំធេងណាស់ ហើយជាមួយនិងការសម្តែងកាយវិកាបែបក្រមិចក្រមើមរបស់តារាប្រុស-ស្រីល្បីឈ្មោះទាំងពីរដួងនេះផងនោះ បទ «គ្រប់យ៉ាងក៏ព្រោះតែមេ» ពិតជាមើលទៅមានភាពរស់រវើក មើលហើយចង់មើលទៀត និងថែមទាំងគួរឱ្យចង់រាំកម្សាន្តតាមថែមទៀតផង ។
ពិតជាមិនធម្មតាទេបទចម្រៀងរបស់លោក ព្រាប សុវត្ថិ និង តន់ ច័ន្ទសីម៉ា ចេញមកមួយណាក៏ផ្ទុះការគាំទ្រដែរ ហើយក្រៅពីបទ «គ្រប់យ៉ាងក៏ព្រោះតែមេ» ដែលត្រៀមសម្រាប់រីករាយក្នុងឱកាសចូលឆ្នាំខ្មែរខាងមុខនេះហើយនោះ គេបានសង្កេតឃើញថា ផលិតកម្ម Galaxy Navatra បានសម្រុកចេញបទចម្រៀងយ៉ាងច្រើនដើម្បីអបអរក្នុងពិធីបុណ្យចូលឆ្នាំខ្មែរនាពេលខាងមុខនេះផងដែរ ។
ការចេញបទចម្រៀងថ្មីស្ទើរតែរាល់ថ្ងៃបែបនេះអាចចាត់ទុកថា ផលិតកម្ម Galaxy Navatra គឺជាផលិតកម្មតែមួយគត់ដែលបានចេញបទចម្រៀងថ្មីច្រើនជាងគេនៅក្នុងប្រទេសកម្ពុជានាពេលបច្ចុប្បន្ន ៕ ដោយសហការ
ចង់ដឹងច្បាស់ សូមទស្សនា MV បទ «គ្រប់យ៉ាងក៏ព្រោះតែមេ» ទាំងអស់គ្នា ៖
ចែករំលែកព័តមាននេះ