រាជធានីភ្នំពេញ ៖ ពីមួយថ្ងៃទៅមួយថ្ងៃបច្ចេកវិទ្យាកាន់តែធ្វើឱ្យមនុស្សមានភាពងាយស្រួលឡើងៗ ជាពិសេសភាពងាយស្រួលនៅក្នុងវិស័យធនាគារដែលប្រើប្រាស់ Mobile App តែម្តង ដែលបច្ចុប្បន្នបាននិងកំពុងដំណើរលើការដាក់ និងដកប្រាក់បញ្ញើជូនដល់អតិថិជនរបស់ខ្លួន ហើយក្នុងនោះធនាគារ…
រាជធានីភ្នំពេញ ៖ ពីមួយថ្ងៃទៅមួយថ្ងៃបច្ចេកវិទ្យាកាន់តែធ្វើឱ្យមនុស្សមានភាពងាយស្រួលឡើងៗ ជាពិសេសភាពងាយស្រួលនៅក្នុងវិស័យធនាគារដែលប្រើប្រាស់ Mobile App តែម្តង ដែលបច្ចុប្បន្នបាននិងកំពុងដំណើរលើការដាក់ និងដកប្រាក់បញ្ញើជូនដល់អតិថិជនរបស់ខ្លួន ហើយក្នុងនោះធនាគារ អេស៊ីលីដា ក៏បានផ្តល់ជូនអតិថិជនរបស់ខ្លួនហើយដែរ ដោយមិនចាំបាច់ទៅដាក់ប្រាក់នៅតាមបញ្ជរ ឬតាមម៉ាស៊ីនដាក់ប្រាក់នោះទេ ។
លោកស្រី សុខ សោភា នាយិកាប្រតិបត្តិទីផ្សារ ធនាគារ អេស៊ីលីដា បានឱ្យដឹងថា ការដាក់ប្រាក់បញ្ញើមានកាលកំណត់ (Term Deposit) តាមរយៈអេស៊ីលីដាម៉ូបាល (ACLEDA Mobile) គឺជាផ្នែកមួយនៃការវិនិយោគដែលទទួលបានអត្រាការប្រាក់ខ្ពស់ជាងការដាក់ប្រាក់នៅតាមបញ្ជរទៅទៀត ដោយសារធនាគារលើកទឹកចិត្តឱ្យអតិថិជនធ្វើប្រតិបត្តិការនៅលើអេស៊ីលីដាម៉ូបាល (ACLEDA Mobile) ។ អត្ថប្រយោជន៍នៃការវិនិយោគទឹកប្រាក់ មិនទាន់ប្រើប្រាស់ក្នុងរយៈពេលណាមួយដែលចង់បាន គឺធ្វើតាម Mobile App មានភាពងាយស្រួលជាងការទៅដល់បញ្ជរទៅទៀត ។
លោកស្រីបញ្ជាក់ថា បើអតិថិជនដាក់ប្រាក់បញ្ញើតាមអេស៊ីលីដាម៉ូបាល (ACLEDA Mobile) នឹងទទួលបានការប្រាក់ភ្លាមៗតែម្តង ហើយអត្រាការប្រាក់ខ្ពស់ជាងការដាក់ប្រាក់នៅតាមបញ្ជរទៅទៀតនៅលើគណនីមានកាលកំណត់ (Term Deposit) ។ មូលហេតុដែលធនាគារចង់ឱ្យអតិថិជនដាក់ប្រាក់តាមរយៈអេស៊ីលីដាម៉ូបាល (ACLEDA Mobile) គឺចង់លើកទឹកចិត្តឱ្យពួកគាត់សន្សំសំចៃពេលវេលា ហើយអាចធ្វើការវិនិយោគទៅតាមពេលវេលារបស់ពួកគាត់ផងដែរ ។
សូមបញ្ជាក់ផងដែរថា អេស៊ីលីដាម៉ូបាល (ACLEDA Mobile) ពីមួយថ្ងៃទៅមួយថ្ងៃផ្តល់ជូនកាន់តែអស្ចារ្យ ហើយបន្ទាប់ពីអេស៊ីលីដាម៉ូបាល (ACLEDA Mobile) បានប្តូររូបរាងថ្មីយ៉ាងទាក់ទាញ និងមានការគាំទ្រពីអតិថិជនរាប់លាននាក់ អេស៊ីលីដាម៉ូបាល (ACLEDA Mobile) បានបន្ថែមមុខងារពិសេសមួយទៀត គឺអតិថិជនអាចដាក់ប្រាក់បញ្ញើមានកាលកំណត់ (Term Deposit ) ភ្លាមៗដោយទទួលបានការប្រាក់ខ្ពស់ជាងការដាក់ប្រាក់បញ្ញើនៅតាមបញ្ជររបស់ធនាគារ ។ អតិថិជនគ្រាន់តែចូលទៅប្រើប្រាស់ អេស៊ីលីដាម៉ូបាល រួចជ្រើសរើសយកម៉ឺនុយ «វិនិយោគ» ជ្រើសរើស «ដាក់ប្រាក់បញ្ញើមានកាលកំណត់ថ្មី»។
អេស៊ីលីដាម៉ូបាល (ACLEDA Mobile) បានផ្តល់អត្ថប្រយោជន៍លើសលប់ជូនដល់អតិថិជនទាំងក្នុងជីវភាពរស់នៅប្រចាំថ្ងៃ និងនៅក្នុងដំណើរការអាជីវកម្មដូចជា ៖ ផ្ទេរប្រាក់បានរហូតដល់ ២០០,០០០ ដុល្លារអាមេរិក ក្នុង ១ ថ្ងៃ និងធ្វើការដកប្រាក់ពីម៉ាស៊ីនអេធីអឹម (ATM) រហូតដល់ ៤,០០០ ដុល្លារអាមេរិក ក្នុង ១ ថ្ងៃ ដោយមិនអស់ថ្លៃសេវា បញ្ចូលប្រាក់ទូរស័ព្ទគ្រប់ប្រព័ន្ធ បង់ថ្លៃទឹក ភ្លើង ទូទាត់ទំនិញតាមឃ្យូអរកូដ (QR CODE) នៅតាមដៃគូរាប់ម៉ឺនកន្លែងជាមួយ នឹងការបញ្ចុះតម្លៃពិសេសដែលអត្ថប្រយោជន៍ទាំងអស់នេះអតិថិជនប្រើប្រាស់បានតាមតម្រូវការ ២៤ ម៉ោង និងមិនអស់ថ្លៃសេវាប្រចាំខែទៀតផង ៕
ចែករំលែកព័តមាននេះ