រាជធានីភ្នំពេញ ÷ ឯកឧត្ដម ជា ចាន់តូ បានថ្លែងថា «កាលណាយើងមានការសាមគ្គីភាព ការឯកភាពគ្នាជាធ្លុងមួយនិងមានសុខសន្តិភាពហើយគឺយើងពិតជាមានលទ្ធភាពគ្រប់គ្រាន់សម្រាប់ការអភិវឌ្ឍប្រទេស។ដូចនេះសុខសន្តិភាពនិងការកក្តាសាមគ្គីភាពមានតម្លៃធំធេងណាស់ជាងអ្វីៗទាំងអស់ដែលត្រូវរួមគ្នាថែរក្សាការពារឲ្យគង់វង្ស»។ ការថ្លែងរបស់ ឯកឧត្ដម…
រាជធានីភ្នំពេញ ÷ ឯកឧត្ដម ជា ចាន់តូ បានថ្លែងថា «កាលណាយើងមានការសាមគ្គីភាព ការឯកភាពគ្នាជាធ្លុងមួយនិងមានសុខសន្តិភាពហើយគឺយើងពិតជាមានលទ្ធភាពគ្រប់គ្រាន់សម្រាប់ការអភិវឌ្ឍប្រទេស។ដូចនេះសុខសន្តិភាពនិងការកក្តាសាមគ្គីភាពមានតម្លៃធំធេងណាស់ជាងអ្វីៗទាំងអស់ដែលត្រូវរួមគ្នាថែរក្សាការពារឲ្យគង់វង្ស»។
ការថ្លែងរបស់ ឯកឧត្ដម ជា ចាន់តូ សមាជិកអចិន្ត្រៃយ៍គណៈកម្មាធិ ការកណ្ដាលគណបក្សប្រជាជនកម្ពុជា និងប្រធានក្រុមការងារថ្នាក់ជាតិចុះជួយស្រុកស្ទោង ដូចនេះនៅក្នុងឱកាសដែលឯកឧត្ដមអញ្ជើញជាអធិបតីភាព ក្នុងពិធីផ្សព្វផ្សាយ ខ្លឹមសាររបាយការណ៍របស់គណអចិន្ត្រៃយ៍នៃគណកម្មាធិការ កណ្ដាលស្ដីពីសភាពការណ៍ទូទៅ និងការងារបក្សឆ្នាំ ២០២០ និងទិសដៅភារកិច្ចឆ្នាំ២០២១ដល់ថ្នាក់ដឹកនាំ មន្ត្រីថ្នាក់ស្រុកឃុំ និង ក្រុមយុវជនគណបក្សទូទាំងស្រុកស្ទោង ដែលប្រារព្វធ្វើនៅថ្ងៃទី៦កុម្ភៈឆ្នាំ២០២១។
ឯកឧត្ដម ជា ចាន់តូ បានលើកឡើងបន្តថា ÷ «អ្វីដែលកាន់តែកោតសរសើរទៀតនោះនៅក្នុងស្ថានភាពដែលកម្ពុជាខិតខំការពារទប់ស្កាត់ការរីករាលដាលនៃជម្ងឺកូវីដ១៩ទោះបីកម្ពុជាជួបករណីខ្លះៗពិតមែនប៉ុន្តែចំនួននេះតិចតួចណាស់បើប្រៀបធៀបនឹងប្រទេសជិតខាងនិងពិភពលោកទាំងមូល។ កក្តានេះបានមកដោយសារប្រជា ជនយើងម្នាក់ៗសុទ្ធតែមានស្មារតីសាមគ្គីភាពនិងការមានចូលរួមព្រមគ្នាៗព្រមទាំងមានការយល់ដឹងច្បាស់ចេះទទួលយកតាមការអំពាវនាវនាំរបស់ប្រមុខរាជរដ្ឋាភិ បាលនិងការណែនាំរបស់ក្រសួងសុខាភិបាល»។
ហើយនៅក្នុងឆ្នាំ ២០២០ កន្លងទៅនេះទោះបីកម្ពុជាទទួលរងនូវវិបត្តិសកលនេះយ៉ាងណាក៏ដោយក៏កម្ពុជានៅតែ សម្រេចបាននូវសមិទ្ធផលជាផ្លែផ្កាច្រើនដដែលដូចជាការរក្សាបានស្ថេរភាពនយោបាយសុខសន្តិភាព ការរក្សាបានស្ថេរភាពម៉ាក្រូសេដ្ឋកិច្ចនិងអតផណា, ការរក្សាតម្លៃ ប្រាក់រៀលនិងតម្លែទំនិញជាដើម។ជារួមរាល់សមិទ្ធផលដែលកម្ពុជាសម្រេចបានកន្លងមកពិសេសក្នុងឆ្នាំ ២០២០ ដែលជាឆ្នាំដ៏លំបាកដោយការរីករាលដាលនៃជម្ងឺកូវីដ១៩ តែកម្ពុជានៅតែរក្សាបានល្អ។ ដូចនេះយើងជាប្រជាជាតិខ្មែរត្រូវនាំគ្នាថែរក្សា ការពារសុខសន្តិភាពនិង ស្ថេរនយោបាយឱ្យបានស្ថិតស្ថេរ និងគង់វង្សដើម្បីរួមគ្នាបន្តអភិវឌ្ឍន៍ប្រទេសជាតិឲ្យយើងទទួលបានការរីកចម្រើនថ្មីៗបន្ថែមទៀត។
ទោះជាយ៉ាងនេះក៏ដោយនៅក្នុងឱកាសនោះដែរឯកឧត្ដមបានអំពាវនាវឲ្យមន្ត្រីថ្នាក់មូលដ្ឋានគ្រប់លំដាប់ថ្នាក់ត្រូវបន្តការខិតខំបម្រើនិងផ្ដល់សេវាសាធារណៈជូនប្រជាជនឲ្យបានល្អសក្តិសមជាអ្នកបម្រើប្រជាជនពិតៗហើយត្រូវលះបង់ភាពឆ្មើងឆ្មៃនៅក្នុងការបំពេញការងារ។ជាមួយនេះដែរឯកឧត្ថម ជា ចាន់តូក៏បានជម្រុញដល់ថ្នាក់ដឹកនាំស្រុក ឃុំ យកចិត្តទុកដាក់លើកការពង្រីកនិងកសាងកម្លាំងយុវជនដែលជាអ្នកបន្តវេនផងដែរក្នុងនោះត្រូវផ្ដល់អាទិភាពដល់កម្លាំងយុវជនជាស្ត្រីឲ្យបានច្រើន៕ ដោយសហការ
ចែករំលែកព័តមាននេះ