រាជធានីភ្នំពេញ ៖ អ្នកផលិតរថយន្តអាចផ្សព្វផ្សាយពីលក្ខណៈពិសេសជាច្រើនដែលនឹងធ្វើឱ្យមនុស្សគ្រប់គ្នាពិតជារីករាយនិងមានសុភមង្គលក្នុងគ្រួសារប៉ុន្តែការស្វែងរកនូវរថយន្តដែលមានបច្ចេកវិទ្យាថ្មីទំនើប និងសុវត្ថិភាពខ្ពស់នោះគឺពិតណាស់តម្រូវឱ្យមានការស្រាវជ្រាវច្រើនជាងអ្វីដែលអ្នកគិត ។ ចំណុចនៃតំរូវការរបស់អ្នកអាចរួមបញ្ចូលនូវអ្វីៗជាច្រើនចាប់ពីកៅអីខាងក្រោយដែលប្រកបដោយផាសុកភាពរហូតដល់ទំហំផ្ទុកទំនិញសម្រាប់អ្នករួមដំណើរផងដែរ ។ អ្នកក៏ប្រហែលជាចង់បាននូវរថយន្តដែលបំពាក់ដោយបច្ចេកវិទ្យាទំនើប, ប្រព័ន្ធសុវត្ថិភាពខ្ពស់និងជាពិសេសនោះគឺការបើកបរជាមួយនឹងបទពិសោធន៏ថ្មីសម្រាប់គ្រួសាររបស់អ្នក ។
រថយន្តដែលល្អបំផុតសម្រាប់គ្រួសារអ្នក វាគួរតែជួយអ្នកក្នុងការផ្តល់ជូននូវសុវត្ថិភាពដល់អ្នករួមដំណើរ ។ រថយន្តល្អបំផុតសម្រាប់ក្រុមគ្រួសារនឹងធ្វើឱ្យអ្នកនិងសមាជិកគ្រួសាររបស់អ្នកទទួលបាននូវផាសុកភាព និងមានទំនាក់ទំនងគ្នាកាន់តែស្អិតរមួតដោយមិនគិតពីអ្វីផ្សេងទៀតនៃជីវិតរបស់ពួកគេទេ ។ តោះយើងទៅមើលរថយន្តប្រភេទ MPVទាំងពីរម៉ូឌែលខាងក្រោមនេះដែលមានវត្តមានលើទីផ្សារកម្ពុជា ។
1. រថយន្ត Maxus G50 ជារថយន្តប្រភេទ MPV 8 កៅអី ហើយតម្លៃវិញគឺ $39,800 ។ ម៉ូឌែលនេះបានបំពាក់ដោយម៉ាស៊ីសាំងតួបូចំណុះ 1.5L ដែលវាផ្តល់កម្លាំងពីកង់ផ្នែកខាងមុខរួមនឹងស្តង់ដារនៃប្រអប់លេខ Dual-Clutch Transmission ហើយចំណុចពិសេសនោះគឺការបន្ថែមនូវតួបូដែលមានតួនាទីបង្កើនកម្លាំងធ្វើអោយការធ្វើដំណើរផ្លូវឆ្ងាយកាន់តែមានភាពងាយស្រួលនិងផាសុកភាពដល់អ្នករួមដំណើរ ។ ទំហំរថយន្ត Maxus G50 នេះគឺមានប្រវែងបណ្តោយ 4,825mm, ប្រវែងទទឹង 1,825mm, កំពស់ 1,778mm, ប្រវែងគម្លាតកង់មុខទៅកង់ក្រោយ 2,800mm និងទំហំកង់គឺ 17-inch ។
បើនិយាយពីកៅអីជួរទី៣នៃរថយន្តនេះវិញ វាផ្តល់នូវភាពភ្ញាក់ផ្អើលបន្តិចដោយវាបានរចនាឡើងសម្រាប់មនុស្ស៣នាក់មិនមែន២នាក់នោះទេ ហើយវាផ្តល់នូវទំហំសម្រាប់ដាក់ជើងបានយ៉ាងទូលាយ ជាពិសេសគឺកៅអីជួរទី៣ ។ លើសពីស្តង់ដារនោះគឺ រថយន្តម៉ូឌែលនេះគឺមានផ្តល់នូវទំហំធំទូលាយសម្រាប់កន្លែងផ្ទុកសម្ភារៈដែលមានអត្ថប្រយោជន៏យ៉ាងខ្លាំងសម្រាប់លោកអ្នកក្នុងការដឹកទំនិញផ្សេងៗ នៅផ្នែកខាងក្រោយរថយន្ត។ រថយន្ត Maxus G50 ក៏បានបំពាក់មកជាមួយអេក្រង់កំសាន្ត 12-inch ដំបូលលើបែប panoramic, ឧបករណ៏សាកថ្មទូរស័ព្ទឥតខ្សែ, ចង្កៀងមុខ LED, Automatic Air-Conditioning, កៅអីពូកស្បែកដ៏ប្រណីត, អូតូទ្វារគូទក្រោយ និងកាំមេរ៉ា3600 ។
បើនិយាយពីផ្នែកខាងក្រៅវិញ វារចនារូបរាងស្រដៀងនឹងរថយន្តវ៉ែនខ្នាតតូច (minivan) ប៉ុន្តែវាមិនបានបំពាក់ដោយទ្វារស្លាញនោះទេដែលធ្វើអោយរថយន្ត Maxus G50 មើលទៅកាន់តែប្រណីតនិងអស្ចារ្យ ។
2. រថយន្ត Toyota Rushជាប្រភេទរថយន្ត MPV ដែលមានវត្តមាននៅប្រទេសកម្ពុជាជាមួយនឹងជម្រើស ៧កៅអី ហើយវាពិតជាការប្រកួតប្រជែងខ្លាំងសម្រាប់ជួរនៃរថយន្តប្រភេទ MPVជាមួយតម្លៃ $35,500 ហើយការឌីស្ស៊ាញវិញគឺវាបានបំបែកពីបងប្អូនរបស់វាគឺ Toyota Fortuner ហើយវាបានបំពាក់ដោយតួរថយន្តប្រភេទ ladder-frameរវាងរថយន្ត Innova និង Avanza ដែលមើលទៅស្រដៀងនឹងរថយន្ត SUV ។
ទំហំរថយន្ត Toyota Rushមានប្រវែងបណ្តោយ 4,435mm, ប្រវែងទទឹង 1,695mm, កំពស់ 1,705mm, គម្លាតពីកង់មុខទៅកង់ក្រោយប្រវែង 2,685mm និងទំហំកង់គឺ 16-inch ។ រថយន្ត Toyota Rushគឺបំពាក់ដោយម៉ាស៊ីន 1.5L រួមនឹងប្រអប់លេខអូតូ៤វគ្គ និងប្រអប់លេខដៃ ៥វគ្ គ។ ម៉ូឌែលនេះគឺផ្តល់ជូនយ៉ាងល្អបំផុតពីជ្រុងនៃមុខងារប្រើប្រាស់របស់ប្រព័ន្ធសុវត្ថិភាពរថយន្តដែលធ្វើអោយវាមានភាពគ្រប់គ្រាន់ជារថយន្តប្រភេទ MPV ។ ពីផ្នែករូបរាងខាងក្រៅវិញ រថយន្ត Toyota Rushក៏បានបំពាក់ដោយបង្កៀងកាត់អ័ព្ទមុខ ព្រមទាំងចង្កៀងមុខនិងចង្កៀងក្រោយជាប្រភេទ LED ផងដែរ ។
លោកអ្នកគឺពិតជាមានជម្រើសច្រើនប្រសិនបើលោកអ្នកកំពុងស្វែងរករថយន្តសម្រាប់ក្រុមគ្រួសាររបស់អ្នកដែលមានសមាជិកច្រើន ។ រថយន្តប្រភេទ MPV ផ្តល់ជូននូវទំហំធំទូលាយដែលគ្រប់គ្រាន់សម្រាប់លោកអ្នកក្នុងការដឹកសមាជិកគ្រួសារនិងសម្ភារៈផ្សេងៗទៀតផងដែរ ៕ ដោយសហការ
ចែករំលែកព័តមាននេះ