រាជធានីភ្នំពេញ ៖ ការថែទាំខ្លួនឯងជួយឪពុកម្តាយឱ្យមានតុល្យភាព មានវត្តមាន និងធ្វើជាគំរូវិជ្ជមានសម្រាប់កូន ។ ការធ្វើជាឪពុកម្តាយអាចផ្តល់រង្វាន់ និងភាពរីករាយមិនគួរឱ្យជឿ ហើយធ្វើឱ្យអ្នកភ្លេចមើលថែខ្លួនឯង ។…
រាជធានីភ្នំពេញ ៖ ការថែទាំខ្លួនឯងជួយឪពុកម្តាយឱ្យមានតុល្យភាព មានវត្តមាន និងធ្វើជាគំរូវិជ្ជមានសម្រាប់កូន ។ ការធ្វើជាឪពុកម្តាយអាចផ្តល់រង្វាន់ និងភាពរីករាយមិនគួរឱ្យជឿ ហើយធ្វើឱ្យអ្នកភ្លេចមើលថែខ្លួនឯង ។ ទោះជាយ៉ាងណាក៏ដោយ ការថែទាំខ្លួនឯងសម្រាប់ឪពុកម្តាយ គឺចាំបាច់ណាស់ ។ វាជួយអ្នកឱ្យមានសុខភាពល្អ ផ្លូវចិត្តរឹងមាំ អារម្មណ៍ស្រស់ថ្លា ដូច្នេះអ្នកអាចក្លាយជាឪពុកម្តាយដ៏ល្អបំផុតដែលអាចធ្វើទៅបាន ។ នៅពេលអ្នកមើលថែខ្លួនឯងបានល្អ អ្នកកាន់តែអាចចិញ្ចឹមកូនដោយភាពអត់ធ្មត់ ភាពរីករាយ និងវិជ្ជមាន ។ អ្នកក៏នឹងធ្វើជាគំរូល្អសម្រាប់កូនរបស់អ្នកផងដែរ ដោយបង្ហាញថាវាមានសារៈសំខាន់ និងមានសុខភាពល្អក្នុងការថែរក្សាខ្លួនអ្នក ។
១. ទទួលស្គាល់ថា ការចិញ្ចឹមកូនជាការលំបាក ៖ សូមចំណាយពេលបន្តិចដើម្បីទទួលស្គាល់ថា ការចិញ្ចឹមកូន គឺជាការងារដ៏លំបាកបំផុតមួយ ដូច្នេះចូរកោតសរសើរ និងអរគុណដល់ខ្លួនអ្នក ហើយត្រូវចាំថា អ្នកកំពុងធ្វើអស់ពីសមត្ថភាព ។
២. បំពេញតម្រូវការរបស់អ្នក ៖ នៅក្នុងភាពវឹកវរនៃការថែទាំកុមារ វាជាការងាយស្រួលក្នុងការភ្លេចតម្រូវការផ្ទាល់ខ្លួនរបស់អ្នក ។ រំលឹកខ្លួនអ្នកឱ្យគេងឱ្យបានគ្រប់គ្រាន់ ញ៉ាំទឹកឱ្យបានច្រើន និងទទួលទានអាហារដែលមានសុខភាពល្អជាប្រចាំ ។
៣. ការថែទាំខ្លួនឯងមានច្រើនទម្រង់ ៖ ការថែរក្សាខ្លួនឯង មិនចាំបាច់ចំណាយលុយ ឬពេលវេលាច្រើននោះទេ ។ ចាប់ផ្តើមពីរឿងតូចតាចដូចជាការងូតទឹកបន្ទាប់ពីក្មេងៗគេងលក់ ឬធ្វើសមាធិរយៈពេលប្រាំនាទី ។ ការថែទាំខ្លួនឯងសម្រាប់ឪពុកម្តាយអាចជាអ្វីដែលអ្នកធ្វើសម្រាប់ខ្លួនអ្នក ហើយធ្វើឱ្យអ្នកមានអារម្មណ៍ល្អ ។
៤. សាកសួរ និងស្នើរសុំ ៖ មិត្តភ័ក្តិ និងសមាជិកគ្រួសារអាចជាជំនួយការដ៏ល្អ ប៉ុន្តែពួកគេទំនងជាមិនដឹងពីរបៀបជួយអ្នកទេ លុះត្រាតែអ្នកសួរ និងសុំពួកគេដោយផ្ទាល់ សម្រាប់អ្វីដែលអ្នកត្រូវការ ។
៥. ការថែទាំខ្លួនឯងជួយមនុស្សគ្រប់គ្នា ៖ ពិតណាស់ ការថែរក្សាខ្លួនអ្នកឱ្យបានល្អនឹងជួយមនុស្សគ្រប់គ្នាក្នុងក្រុមគ្រួសារ ។ វានឹងបង្រៀនពួកគេឱ្យបង្កើតទម្លាប់ដែលមានសុខភាពល្អ ។ ការថែទាំខ្លួនឯងសម្រាប់ឪពុកម្តាយមានឥទ្ធិពលយ៉ាងខ្លាំងទៅលើគ្រួសារទាំងមូល ។
៦. ទទួលយកដែនកំណត់របស់អ្នក ៖ ផ្នែកមួយនៃការចៀសវាងការហត់នឿយ គឺត្រូវយល់ថា អ្នកមិនអាចធ្វើអ្វីគ្រប់យ៉ាងដោយខ្លួនឯងបានទេ ។ កំណត់កម្រិតភាពតានតឹងរបស់អ្នក ហើយព្យាយាមកុំមានអារម្មណ៍ខ្មាស់អៀននៅពេលដឹងថាអ្នកមានបញ្ហានេះ ។ ស្វែងយល់បន្ថែមអំពីការគ្រប់គ្រងការអស់កម្លាំង និងស្ត្រេសច្រើន ហើយបង្កើតផែនការបង្ការការកើតឡើងវិញ ។
៧. ស្វែងរកឪពុកម្តាយផ្សេងទៀត ៖ មិនថាតាមរយៈប្រព័ន្ធផ្សព្វផ្សាយសង្គម ក្រុមគាំទ្រ ឬសកម្មភាពនានា ការស្តាប់នូវអ្វីដែលគ្រួសារផ្សេងទៀតកំពុងឆ្លងកាត់អាចផ្តល់ការគាំទ្រ ការលើកទឹកចិត្ត និងទស្សនៈល្អជាច្រើន ។
៨. ភ្ជាប់ទំនាក់ទំនងជាមួយមិត្តភក្តិ ៖ វាក៏អាចមានអារម្មណ៍ល្អផងដែរក្នុងការផ្តល់ពេលវេលាសម្រាប់មិត្តភក្តិដែលស្គាល់អ្នកតាមរយៈការហៅទូរសព្ទ ការដើរលេង ឬណាត់កាហ្វេ ។ សូមបន្តការថែទាំខ្លួនឯ ដើម្បីទ្រទ្រង់សុខុមាលភាព និងតុល្យភាពរបស់អ្នក ៕ ប្រភព ៖ childmind
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ