រាជធានីភ្នំពេញ ៖ ទោះបីជារវល់លើការងារជាច្រើនជំនួសដៃជើង អ្នកឧកញ៉ា ឡេង ណាវ៉ាត្រាក្ដីតារាចម្រៀងពលករ លោក គុយលី មិនបោះបង់ចោលអាជីពសិល្បៈឡើយ ជារឿយៗលោកតែងតែឆ្លៀតនិពន្ធបទចម្រៀងច្រៀងដោយខ្លួនឯង…
រាជធានីភ្នំពេញ ៖ ទោះបីជារវល់លើការងារជាច្រើនជំនួសដៃជើង អ្នកឧកញ៉ា ឡេង ណាវ៉ាត្រាក្ដីតារាចម្រៀងពលករ លោក គុយលី មិនបោះបង់ចោលអាជីពសិល្បៈឡើយ ជារឿយៗលោកតែងតែឆ្លៀតនិពន្ធបទចម្រៀងច្រៀងដោយខ្លួនឯង ជាពិសេសនិពន្ធរឿងអប់រំខ្លីជាដើម ។ តារាចម្រៀងដែលអ្នកឧកញ៉ា ឡេង ណាវ៉ាត្រា ស្រលាញ់ដូចជាប្អូនបង្កើតរូបនេះត្រូវបានលោក យឹម តាស្រង់ ថ្នាក់ដឹកនាំផលិតកម្ម Galaxy Navatra ឲ្យបញ្ចេញស្នាដៃថ្មីនិពន្ធ Melody និងទំនុកច្រៀងឲ្យតារាចម្រៀងច្រៀងថែមទៀតផង ។
បទដំបូងក្នុងផលិតកម្មល្បីឈ្មោះមួយនេះមានចំណងជើងថា «ធ្លាប់បានបងនៅ ?”» ច្រៀងដោយតារាចម្រៀង ខេម ។ ដែលជាបទសម្រាប់រាំលេងកម្សាន្តនារដូវចូលឆ្នាំខ្មែរខាងមុខនេះពីអ្នកនិពន្ធ Melody និងទំនុកច្រៀង គុយលី ចម្រៀងពលករ ។ និពន្ធបទភ្លេង ប្រុសម៉ៅ នឹងដឹកនាំសម្តែង Jonathan ។ បទ «ធ្លាប់បានបងនៅ ?» ត្រូវការផលិតកម្ម Galaxy Navatra ផុសលើ Channel ផ្លូវការនៅព្រឹកនេះតែម្ដងដោយទទួលបានការគាំទ្រច្រើន ។
តាមការបញ្ជាក់ពីលោក យឹម តាស្រង់ ផលិតកម្ម Galaxy Navatra តែងតែផ្ដល់ឱកាសព្រមទាំងលើកទឹកចិត្តដល់យុវវ័យដែលមានស្នាដៃលើការតែងនិពន្ធ ទាំង Melody ទំនុកច្រៀង និពន្ធបទភ្លេង ក៏ដូចជាអ្នកដឹកនាំសម្ដែង ថត កាត់តជាដើម ។ លោកបានឱ្យដឹងថា ប្រសិនបើបទទី ១ «ធ្លាប់បានបងនៅ ?» ទទួលបានការគាំទ្រច្រើន ផលិតកម្ម Galaxy Navatra នឹងឲ្យលោក គុយលី បញ្ចេញនៅស្នាដៃជាបន្តបន្ទាប់ទៀត ។
តោះ ! ចង់ដឹង «បទធ្លាប់បានបងនៅ ?» ដែលជាស្នាដៃនិពន្ធ Melody និងទំនុកច្រៀង ដោយលោក គុយលី ចម្រៀងពលករ ពីរោះរណ្ដំយ៉ាងណានោះ សូមទស្សនា និងស្ដាប់ទាំងអស់គ្នា ៖ ដោយសហការ
ចែករំលែកព័តមាននេះ