ជាទូទៅមនុស្សតែងតែភ្លេចតការកោតសរសើរ ដែលខ្លួនឮពីអ្នកនៅជុំវិញខ្លួន និងចងចាំជានិច្ចនូវការរិះគន់ ពីមិត្តភក្តិ ឬមិត្តរួមការងារជាដើមមិនថា វាកន្លងផុតជាច្រើនឆ្នាំប៉ុណ្ណាក៏ដោយខួរក្បាល មនុស្សតែងតែ មានសមត្ថភាពចងចាំពាក្យពេចន៍ឬគំនិតដែលអវិជ្ជមានបានល្អជាងអ្វីដែលវិជ្ជមានព្រោះមនុស្សតែងតែចង់ឲ្យអ្នកដទៃទទួលយក និងទទួលស្គាល់សមត្ថភាពរបស់ខ្លួន ។…
ជាទូទៅមនុស្សតែងតែភ្លេចតការកោតសរសើរ ដែលខ្លួនឮពីអ្នកនៅជុំវិញខ្លួន និងចងចាំជានិច្ចនូវការរិះគន់ ពីមិត្តភក្តិ ឬមិត្តរួមការងារជាដើមមិនថា វាកន្លងផុតជាច្រើនឆ្នាំប៉ុណ្ណាក៏ដោយខួរក្បាល មនុស្សតែងតែ មានសមត្ថភាពចងចាំពាក្យពេចន៍ឬគំនិតដែលអវិជ្ជមានបានល្អជាងអ្វីដែលវិជ្ជមានព្រោះមនុស្សតែងតែចង់ឲ្យអ្នកដទៃទទួលយក និងទទួលស្គាល់សមត្ថភាពរបស់ខ្លួន ។
ដូច្នេះការឆ្លើយតបដូច្នេះមិនមានអ្វីខុសពីប្រក្រតីទេ ប៉ុន្តែអ្វីដែលមនុស្សម្នាក់ៗត្រូវធ្វើគឺឆ្លើយតបទៅនឹងការរិះគន់ដោយប្រើភាពសមហេតុសមផល ។
ការផ្តល់មតិយោបល់កើតមានឡើងជុំវិញមនុស្ស មិនថាពីចៅហ្វាយអ្នក មិត្តអ្នក គ្រួសារអ្នកឬពីអ្វីដែលអ្នកមើលឃើញលើប្រព័ន្ធសង្គមឡើយ ។ ដោយហេតុដូចនេះទើបអ្នកត្រូវរៀនពីការឆ្លើយតបនឹងការរិះគន់ទាំងនេះដើម្បីជួយឲ្យអ្នកកាន់តែជោគជ័យទាំងក្នុងការងារ និងការរកលុយ។ ខាងក្រោមនេះគឺជាគន្លឹះសំខាន់ៗដែលអ្នកអាចអនុវត្តពេលដែលស្តាប់លឺការរិះគន់៖
១-ធានាអ្នកត្រៀមក្នុងការទទួលការរិះគន់៖
ខួរក្បាលមនុស្សមានពីរប្រព័ន្ធមួយគឺស្វ័យប្រវត្តិនិងលឿនដែលអនុញ្ញាតឲ្យមនុស្សធ្វើការសម្រេចចិត្តបានលឿន ខណៈដែលមួយទៀតគឺយឺត ។ ដូច្នេះអ្នកត្រូវតែត្រៀមខ្លួន និងបង្រៀនខ្លួនឲ្យស្តាប់ការរិះគន់រហូតដល់ខួរក្បាលរបស់អ្នកអាចឆ្លើយតបនឹងវាដោយស្វ័យប្រវត្តិបាន ។ ការធ្វើដូច្នេះតម្រូវឲ្យអ្នកចំណាយពេលយូរ និងតម្រូវការភាពអត់ធ្មត់ខ្ពស់ផងដែរ ។
២-រកមនុស្សដែលអ្នកជឿជាក់ និងអាចពឹងពាក់បាន៖
មិនថាជាមិត្តភក្តិ ដៃគូជីវិត ចៅហ្វាយ ឬបុគ្គលិករបស់អ្នកទេ ។ អ្នកគួរបកស្រាយប្រាប់ពួកគេថាអ្នកមានគោលបំណងពិតប្រាកដក្នុងការធ្វើឲ្យខ្លួនកាន់តែប្រសើរឡើងក្នុងផ្នែកនេះ និងស្នើសុំឲ្យពួកគេផ្តល់យោបល់ជូនអ្នកដោយស្មោះត្រង់ពីកិច្ចការ ឬអ្វីផ្សេងៗដែលអ្នកចង់ដឹង ។
៣-រៀនផ្តល់យោបល់ដល់អ្នកដទៃ៖
ការបង្រៀនអ្នកដទៃជួយឲ្យអ្នកយល់ដឹងពីអ្វីដែលអ្នកកំពុងតែបង្រៀនកាន់តែល្អប្រសើរឡើង ដូច្នេះការរៀនផ្តល់មតិដល់អ្នកដទៃអាចជួយឲ្យអ្នករៀនទទួលយកមតិយោបល់ពីមនុស្សជុំវិញខ្លួនបានល្អជាងមុន ៕ប្រែសម្រួលដោយ៖ ណៃ ដាលីន
ចែករំលែកព័តមាននេះ