រាជធានីភ្នំពេញ ៖ ជនសង្ស័យស្រីប្រុស៣នាក់រួមទាំងវត្ថុតាងថ្នាំញៀន៦កញ្ចប់ត្រូវបានកម្លាំងអន្តរាគមន៍ខណ្ឌពោធិ៍សែនជ័យសហការជាមួយកម្លាំងនគរបាលប៉ុស្តិ៍ឃាត់បានភ្លាមៗនៅបន្ទប់ជួល ក.៣ ខាងក្រោយសាលាបឋមសិក្សាជម្ពូវ័ន ដែលស្ថិតនៅភូមិជម្ពូវ័ន សង្កាត់ចោមចៅទី៣ខណ្ឌពោធិ៍សែនជ័យ ។ ជនសង្ស័យទី១-ឈ្មោះ មុំ…
រាជធានីភ្នំពេញ ៖ ជនសង្ស័យស្រីប្រុស៣នាក់រួមទាំងវត្ថុតាងថ្នាំញៀន៦កញ្ចប់ត្រូវបានកម្លាំងអន្តរាគមន៍ខណ្ឌពោធិ៍សែនជ័យសហការជាមួយកម្លាំងនគរបាលប៉ុស្តិ៍ឃាត់បានភ្លាមៗនៅបន្ទប់ជួល ក.៣ ខាងក្រោយសាលាបឋមសិក្សាជម្ពូវ័ន ដែលស្ថិតនៅភូមិជម្ពូវ័ន សង្កាត់ចោមចៅទី៣ខណ្ឌពោធិ៍សែនជ័យ ។
ជនសង្ស័យទី១-ឈ្មោះ មុំ ភេទស្រី អាយុ៣៤ឆ្នាំ មុខរបរជួញដូរគ្រឿងញៀន ស្នាក់នៅបន្ទប់ជិតកន្លែងកើតហេតុជាអ្នករក្សាទុកថ្នាំញៀនខាងលើ, ទី២-ឈ្មោះ មុំ អាយុ៣៩ឆ្នាំ មុខរបរនៅផ្ទះជាម្ចាស់ទីតាំង និងទី៣-ឈ្មោះ ចាន់ នី ភេទប្រុស អាយុ២៩ឆ្នាំ ជនសង្ស័យទាំង៣នាក់ខាងលើរស់នៅជិតកន្លែងកើតហេតុ ។
តាមប្រភពព័ត៌មានពីសមត្ថកិច្ចអន្តរាគមន៍ខណ្ឌពោធិ៍សែនជ័យបានឱ្យដឹងថា នៅមុនពេលកើតហេតុដោយប្រជាពលរដ្ឋបានរាយការណ៍ប្រាប់ថា ទីកន្លែងខាងលើជាកន្លែងជក់ថ្នាំ និងចែកចាយ ហើយមានជនសង្ស័យមួយចំនួនមកពពាក់ពពូននៅកន្លែងខាងលើយ៉ាងអនាធិបតេយ្យ ។
លោកអធិការខណ្ឌពោធិ៍សែនជ័យបានបញ្ជាកម្លាំងឱ្យចុះឆែកឆេរនៅទីតាំងខាងលើភ្លាមៗផងដែរ ដំបូងឡើយកម្លាំងអន្តរាគមន៍ខណ្ឌ និងកម្លាំងនគរបាលប៉ុស្តិ៍បានចុះទៅទីតាំងខាងលើដោយមានស្រី២នាក់ និងប្រុសម្នាក់នៅទីតាំងខាងលើដោយមិនមានថ្នាំញៀនទេ តែឃើញមានសម្ភារជក់នៅទីកន្លែងខាងលើ និងមានការសង្ស័យលាក់ថ្នាំញៀននៅក្នុងអាវក្នុងក៏បានពឹងស្ត្រីម្នាក់ឆែកឆេរក៏ប្រទះឃើញមានថ្នាំញៀនមួយដុំធំដែលចងផ្អោបគ្នានៅក្នុងអាវក្នុង និងបានស្រាយចំណងមើលឃើញមានចំនួន៦កញ្ចប់ធំល្មមផងដែរ ។
បន្ទាប់មកកម្លាំងអន្តរាគមន៍ខណ្ឌ និងកម្លាំងនគរបាលប៉ុស្តិ៍បាននាំជនសង្ស័យខាងលើយកទៅសួរនាំនៅជំនាញព្រហ្មទណ្ឌខណ្ឌ ។ បច្ចុប្បន្នជនសង្ស័យទាំង៣នាក់ខាងលើត្រូវបានកម្លាំងនគរបាលជំនាញព្រហ្មទណ្ឌខណ្ឌពោធិ៍សែនជ័យកសាងសំណុំរឿងដើម្បីបញ្ជូនទៅតុលាការដើម្បីចាត់ការតាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ