តើឡានថ្លៃជាងគេបំផុតនៅលើពិភពលោក បានមកដល់ស្រុកខ្មែរយើងហើយឬនៅ ព្រោះល្បីថា កូនអ្នកមាន និងកូនអ្នកធំចូលចិត្តអួតឡានថ្លៃៗកក់ពពក ។ នេះ គឺជាជាឡានថ្លៃជាងគេបំផុតចំនួន១០ នៅក្នុងពិភពលោក ។
១- ឡានតម្លៃ៣លានដុល្លារ ម៉ាក Ferrari Pininfarina Sergio ឡាននេះចេញឆ្នាំ២០១៣ ។ វាមានរាងឡូយ ។ គេធ្វើលក់តែ៦គ្រឿងទេ ។ បើខ្មែរយើងមានអ្នកជិះមែន វាពិតជាមិនធម្មតាឡើយ ។
២ – ឡានតម្លៃ៣,២លានដុល្លារ ម៉ាក Aston Martin ValKyrie ឡាននេះល្បីថា លឿនបំផុតនៅលើពិភពលោក ហើយគេផលិតលក់តែ១៥០គ្រឿងទេ ។
៣-ឡានតម្លៃ៣,៣លានដុល្លារ ម៉ាក Bugatti Veyron by Monsory Vivere វាជាឡានស្ព័ររាងស្អាតគួរឲ្យស្រឡាញ់ ។ ក្រៅពីនេះទៀតវា គឺជាឡានដ៏លឿនបំផុតមួយ នៅលើពិភពលោក ដោយអាចបើកបានល្បឿនជាង៦៥០គីឡួម៉ែត្រក្នុងមួយម៉ោង ។
៤- ឡានតម្លៃ៣,៤លានដុល្លារម៉ាក Lykan Hypersport ឡាននេះ គឺជាឡានដំបូងដែលភ្លើងអំពូលមុខមានបំពាក់ដោយគ្រាប់ពេជ្រ ។ វាពិតជាអស្ចារ្យខ្លាំងណាស់ ។ សាកសមបំផុតសម្រាប់អ្នកចូលចិត្តលេងឡាន ។
៥- ឡានតម្លៃ៣,៦លានដុល្លារម៉ាក McLaren P1 LM ឡាននេះគេផលិតតែមួយគ្រឿងដែរ។ ឡានប្រាំគ្រឿងត្រូវបានលក់ឲ្យអ្នកជិះរួចហើយ ។ សល់មួយគ្រឿងគេទុកជាគំរូឡាន ។ ឡាននេះលឿនខ្លាំងដែរ ។
៦- ឡានតម្លៃ៤,៥លានដុល្លារ ម៉ាក Lamborghini Veneno ឡាននេះមានរាងអស់ស្ទះតែម្តង ។ គេផលិតវាឡើង ដើម្បីជាខួបលើកទី៥០ឆ្នាំ របស់Lamborghini ។
៧ ឡានតម្លៃ៤,៨លានដុល្លារ ម៉ាក Koenigsegg CCXR Trevita គេចំណាយយ៉ាងច្រើន ដើម្បីធ្វើឡាននេះឡើង ។ វាបំពាក់ដោយបច្ចេកវិទ្យាទំនើប និងមានល្បឿនលឿនខ្លាំង ។
៨- ឡានតម្លៃ៥,៨លានដុល្លារ ម៉ាក Bugatti Divo ឡាននេះគេផលិត៤០គ្រឿង ។ ឡាននេះលក់អស់តាំងពីថ្ងៃដំបូងដែលវាចេញលក់ ។
៩- ឡានតម្លៃ៨លានដុល្លារម៉ាក Mercedes Benz Maybach Exelero ឡាននេះផលិតដោយក្រុមហ៊ុនអាល្លឺម៉ង់ ។ វា គឺជាឡានថ្លៃខ្ពស់បំផុត ទីពីរនៅលើពិភពលោក ។ ឡាននេះអាចបើកល្បឿនជិតដល់៣០០គីឡូម៉ែត្រក្នុងមួយម៉ោង ។
១០- ឡានតម្លៃ១៣លានដុល្លារ ម៉ាក Rolls Royce Sweptail ឡាននេះមានតម្លៃខ្ពស់បំផុតនៅលើពិភពលោក ។ នៅស្រុកខ្មែរមានឡានម៉ាក Rolls Royce ជាច្រើនគ្រឿងដែរ ។ ប៉ុន្តែប្រហែលជាគ្មានប្រភេទមួយនេះទេ ៕
ចែករំលែកព័តមាននេះ