តោះ! មកដឹងពីជីវិតរបស់មហាសេដ្ឋីនៅតៃប៉ិ ទាំងអស់គ្នា
ពេលដែលអ្នកគិតពីមហាសេដ្ឋីជនជាតិអាស៊ី អ្នកប្រហែលជាគិតដល់ហុងកុង ឬសិង្ហបុរី ប៉ុន្តែយោងទៅតាម Knight Wealth Report ប្រចាំឆ្នាំ២០១៩ បានឲ្យដឹងថា តៃប៉ិ…
ពេលដែលអ្នកគិតពីមហាសេដ្ឋីជនជាតិអាស៊ី អ្នកប្រហែលជាគិតដល់ហុងកុង ឬសិង្ហបុរី ប៉ុន្តែយោងទៅតាម Knight Wealth Report ប្រចាំឆ្នាំ២០១៩ បានឲ្យដឹងថា តៃប៉ិ…
ពេលដែលអ្នកគិតពីមហាសេដ្ឋីជនជាតិអាស៊ី អ្នកប្រហែលជាគិតដល់ហុងកុង ឬសិង្ហបុរី ប៉ុន្តែយោងទៅតាម Knight Wealth Report ប្រចាំឆ្នាំ២០១៩ បានឲ្យដឹងថា តៃប៉ិ ដែលជាទីក្រុងរបស់តៃវ៉ាន់ជាប់ចំណាត់ថ្នាក់លេខ៩ ក្នុងចំណោមទីក្រុងដែលមានចំនួនមហាសេដ្ឋីច្រើនជាងគេលើលោក ។
ប៉ុន្តែមហាសេដ្ឋីក្នុងទីក្រុងនេះ មិនចូលចិត្តអួតអាងទ្រព្យសម្បត្តិរបស់ខ្លួនទេ ផ្ទុយមកវិញពួកគេមានទម្លាប់លាក់ទ្រព្យ តែចូលចិត្តវិនិយោគលើអចលនទ្រព្យ ។ មហាសេដ្ឋីធំៗរបស់ទីក្រុងមានអចលនទ្រព្យប្រមាណ ៥.៤ កន្លែងជាមធ្យមក្នុងម្នាក់ ។ របាយការណ៍ខាងលើបានឲ្យដឹងទៀតថា ប្រជាជនតៃប៉ិប្រមាណ ១,៥១៩ នាក់មានទ្រព្យសម្បត្តិសរុបយ៉ាងតិចក៏៣០លានដុល្លារដែរ ហើយវិស័យបច្ចេកវិទ្យាមើលឃើញមានក្រុមហ៊ុនថ្មីៗត្រូវបានបង្កើតឡើងជាដើម ព្រោះតែកំណើននៃការនាំចេញ ។ ទីផ្សារអចលនទ្រព្យប្រណីតៗក្នុងទីក្រុងនេះមានតម្លៃទាបនៅឡើយ បើធៀបនឹងហុងកុង សិង្ហបុរី និង ញូយ៉ក ហើយអគារខុនដូដែលមានប្រជាប្រិយភាអជាងគេគឺ One Park Taipei ប៉ុន្តែគ្រួសារដែលមានទ្រព្យសម្បត្តិស្តុកស្តម្ភចូលចិត្តស្នាក់នៅផ្ទះវីឡានៅម្តុំ Yangminshan ទៅវិញ ។
លើសពីនេះទៅទៀត សេដ្ឋីតៃវ៉ាន់ចូលចិត្តទិញទំនិញបែបឯកជន ។ យោងទៅតាម អានី លឿង (Annie Leung) ដែលជាប្រធានរបស់ក្រុមហ៊ុន Bellavita ដែលជាផ្សារទំនើបលក់របស់ប្រេនៗបាននិយាយថាផ្សារទំនើបខ្លួនមានបន្ទប់ផ្លាស់សម្លៀកបំពាក់បែប VIP សម្រាប់អ្នកមានទ្រព្យស្តុកស្តម្ភទាំងនេះ ។ លើសពីនេះទៅទៀត ហាងលក់ផលិតផលប្រេនៗធំៗច្រកផលិតផលក្នុងថង់ក្រដាសដែលមិនមានផ្លាកសម្គាល់ដើម្បីជៀសវាងអ្នកដទៃមើលឃើញថាវាជាផលិតផលប្រេនៗ ។ ប៉ុន្តែសេដ្ឋីទាំងនេះចូលចិត្តអាហារដែលតម្រូវឲ្យមានការចាយវាយច្រើន ។
ក្រៅពីរស់នៅដោយសាមញ្ញហើយ សេដ្ឋីខាងលើវក់វីទៅនឹងការខិតខំធ្វើការងារ ហើយពួកគេជាមនុស្សដែលប្រកួតប្រជែងគ្នាយ៉ាងខ្លាំងផងដែរ ។ ពួកគេចូលចិត្តចំណាយពេលវេលា និងកម្លាំងលើការគ្រប់គ្រង និងពង្រីកអាជីវកម្ម មិនមែនរស់នៅបែបស៊ីវីល័យទេ ហើយពួកគេឲ្យតម្លៃទៅលើការអប់រំ និងការចិញ្ចឹមបីបាច់កូនឲ្យបានត្រឹមត្រូវ និងម៉ត់ចត់ជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ