ក្រុមអ្នកស្រាវជ្រាវមកពីសាកលវិទ្យាល័យ Louisiana State University សហរដ្ឋអាមេរិកបានរកឃើញថា ទទួលទានទឹកផ្លែឈើរីមួយកែវក្នុងពេលព្រឹកនិងពេលល្ងាចរយៈពេលពីរសប្តាហ៍ជួយបង្កើនពេលវេលាដំណេកក្នុងចំណោមមនុស្សវ័យចំណាស់ដែលមានបញ្ហាដេកមិនលក់បានប្រហែលជា ៩០នាទី ។
ក្រុមអ្នកស្រាវជ្រាវមកពីសាកលវិទ្យាល័យ Louisiana State University សហរដ្ឋអាមេរិកបានរកឃើញថា ទទួលទានទឹកផ្លែឈើរីមួយកែវក្នុងពេលព្រឹកនិងពេលល្ងាចរយៈពេលពីរសប្តាហ៍ជួយបង្កើនពេលវេលាដំណេកក្នុងចំណោមមនុស្សវ័យចំណាស់ដែលមានបញ្ហាដេកមិនលក់បានប្រហែលជា ៩០នាទី ។
ដេកមិនលក់ (Insomnia) គឺជាបញ្ហាសុខភាពសាមញ្ញមួយដែលតែងកើតមានលើមនុស្សវ័យចាប់ពី៦៥ឆ្នាំឡើងទៅប្រហែលជា ២៣ទៅ៣៤ភាគរយ ។ ជាទូទៅបញ្ហានេះកើតឡើងជាមធ្យម៣យប់ក្នុងមួយសប្តាហ៍ ប៉ុន្តែ ការបណ្តែតបណ្តោយយូរៗទៅ វានឹងអាចបណ្ដាឱ្យប៉ះពាល់ដល់សុខភាពធ្ងន់ធ្ងរ ។ ដេកមិនលក់បានជាប់ពាក់ព័ន្ធនឹងការបង្កើនហានិភ័យកើតមាន ជំងឺលើសឈាម ជំងឺទឹកនោមផ្អែមប្រភេទ២ និងធ្វើឱ្យមុខងារយល់ដឹងរបស់ខួរក្បាលចុះអន់ថយជាដើម ។
ដើម្បីទប់ស្កាត់បញ្ហាដេកមិនលក់ មនុស្សជាច្រើនបានសម្រេចចិត្តដោយឯកឯងប្រើប្រាស់ថ្នាំងុយដេក ប៉ុន្តែតាមលោក Frank, L Greenway ប្រធានក្រុមស្រាវជ្រាវបានអះអាងថា ទង្វើនេះ អាចនាំឱ្យមានបញ្ហាសុខភាពបន្ថែមទៀត ។ លោកបន្តថា ៖«ថ្នាំងុយដេកអាចជាជម្រើសសម្រាប់អ្នកដេកមិនលក់វ័យក្មេង ប៉ុន្តែសម្រាប់អ្នកដេកមិនលក់ជាមនុស្សវ័យចាស់ ប្រើថ្នាំនេះគឺអាចប្រឈមនឹងការដួលបាក់ឆ្អឹងត្រគាកគុណនឹង៤ដង ហើយជាលទ្ធផលអាចនាំទៅរកការស្លាប់មុនអាយុ »។
លោក L Greenway ជឿថា Melatonin និង Tryptophanគឺជាសមាសធាតុដែលជួយឱ្យផ្លែឈើរីមានប្រសិទ្ធភាពលើបញ្ហាដេកមិនលក់ ។លោកពន្យល់ថា ៖«ថ្វីបើ Tryptophanនៅក្នុងទឹកឈើរី មានចំនួនតិចតួចជាងកម្រិតមួយដែលអាចឱ្យមនុស្សដេកលក់បាន ប៉ុន្តែបណ្តាសមាសធាតុផ្សេងៗទៀតក្នុងផ្លែឈើរីអាចទប់ស្កាត់ Tryptophanមិនឱ្យបំបែកខ្លួនដែលធ្វើឱ្យវាអាចបំពេញមុខងារក្នុងរាងកាយបានកាន់តែមានប្រសិទ្ធភាព »៕
ចែករំលែកព័តមាននេះ