ADផ្ទាំងផ្សព្វផ្សាយពាណិជ្ជកម្ម

Picture

គ្រូបង្វឹក​ក្លិប​អង់គ្លេស Watford ត្រូវ​គេ​បណ្តេញចេញ​ក្រោយ​ដឹកនាំ​បាន​តែ​១០​ប្រកួត

4 ឆ្នាំ មុន

តាម​ប្រភព​ព័ត៌មាន Soccer Laduma បានឱ្យ​ដឹង​ថា ក្លិប​មួយ​ផ្សេង​ទៀត​នៅ Premier League បាន​សម្រេចចិត្ត​ចែកផ្លូវ​គ្នា​ជាមួយ​គ្រូបង្វឹក​របស់​ពួក​គេ ដោយ​ក្លិប Watford…

តាម​ប្រភព​ព័ត៌មាន Soccer Laduma បានឱ្យ​ដឹង​ថា ក្លិប​មួយ​ផ្សេង​ទៀត​នៅ Premier League បាន​សម្រេចចិត្ត​ចែកផ្លូវ​គ្នា​ជាមួយ​គ្រូបង្វឹក​របស់​ពួក​គេ ដោយ​ក្លិប Watford បាន​បណ្តេញ លោក Quique Sánchez Flores ចេញ​បន្ទាប់​ពី​ដឹកនាំ​បាន ១០ ប្រកួត​។

Flores បាន​ចូល​កាន់​តំណែង​នៅ Watford កាលពី​ថ្ងៃ​ទី ៧ ខែកញ្ញា ប៉ុន្តែ​បាន​នាំ​ឱ្យ​ក្លិប​ឈ្នះ​ត្រឹមតែ​មួយ​គត់ ពី​ការ​ប្រកួត​លី​គ​ចំនួន ១០ លើក​នៅ​រដូវ​កាល​នេះ​។ ការ​បរាជ័យ​ក្នុង​ការ​ប្រកួត​ជាមួយនឹង​ក្លិប Southampton កាលពី​ថ្ងៃ​សៅរ៍​បាន ធ្វើ​ឲ្យ​ក្លិប​នេះ​បាន​ឈរ​នៅ​បាតជើង​នៃ​តារាង Premier League ។

សេចក្តីថ្លែងការណ៍​របស់​ក្លិប​បាន​សរសេរ​ថា​៖ «​គួរ​ឱ្យ​សោកស្តាយ ក្លិប​បាល់ទាត់ Watford សុំ​បញ្ជាក់​ពី​ការ​ចាកចេញ​របស់​គ្រូបង្វឹក Quique Sánchez Flores »​។

លោក Scott Duxbury ប្រធាន​និង​ជានា​យក​ប្រតិបត្តិ​របស់​ក្លិប Watford បាន​មាន​ប្រសាសន៍​ថា​៖ «Quique គឺជា​បុរស​ដែល​មាន​ភាព​ស្មោះត្រង់​ខ្លាំង ហើយ​វា​ច្បាស់​ណាស់​ថា​គាត់​ចង់​មាន​ឥទ្ធិពល​វិជ្ជមាន ប៉ុន្ដែ​នៅ​ទីបំផុត​លទ្ធផល​បាន​បង្ហាញ​ពី​ការ​សម្រេចចិត្ត​របស់​យើង​។ ការ​តែងតាំង​គ្រូបង្វឹក​ថ្មី​គឺ​ជិត​ដល់​ហើយ​ហើយ ដែល​អាច​នឹង​ធ្វើ​ឡើង​នៅ​ជិត​ពាក់កណ្តាល​នៃ​រដូវ​កាល​។ យើង​នឹង​ផ្តល់​ការ​គាំទ្រ​ទាំងអស់​ដែល​ចាំបាច់ ដើម្បី​ធ្វើ​ឱ្យ​ខែ​ខាង​មុខ​នេះ​ទទួល​បាន​ជោគជ័យ​»​។

គ្មាន​ការ​អត្ថាធិប្បាយ​ណាមួយ​បន្ថែម​ទៀត​ពី​ក្លិប​បាល់ទាត់ Watford FC នឹង​ត្រូវ​បាន​ធ្វើ​ឡើង​រហូត​ដល់​មានការ​ប្រកាស​ជា​គ្រូបង្វឹក​ថ្មី​៕

អត្ថបទសរសេរ ដោយ

កែសម្រួលដោយ