រាជធានីភ្នំពេញ ៖ ទីបំផុតគណបក្សហ្វ៊ុនស៊ិនប៉ិច សម្រេចតែងតាំងព្រះអង្គម្ចាស់ក្សត្រី នរោត្តម ម៉ារី ជានាយិកាព្រះខុទ្ទកាល័យសម្តេចក្រុមព្រះនរោត្តមរណឬទ្ធិ ។ យោងតាមសេចក្តីសម្រេចរបស់គណបក្សហ្វ៊ុនស៊ិនប៉ិច ចេញផ្សាយនៅថ្ងៃទី២៧…
រាជធានីភ្នំពេញ ៖ ទីបំផុតគណបក្សហ្វ៊ុនស៊ិនប៉ិច សម្រេចតែងតាំងព្រះអង្គម្ចាស់ក្សត្រី នរោត្តម ម៉ារី ជានាយិកាព្រះខុទ្ទកាល័យសម្តេចក្រុមព្រះនរោត្តមរណឬទ្ធិ ។ យោងតាមសេចក្តីសម្រេចរបស់គណបក្សហ្វ៊ុនស៊ិនប៉ិច ចេញផ្សាយនៅថ្ងៃទី២៧ វិច្ឆិកានេះបានសម្រេច ការតែងតាំងនាយិកាព្រះខុទ្ទកាល័យសម្តេចក្រុមព្រះនរោត្តមរណឫទ្ធិ ព្រះប្រធានគណបក្សហ្វ៊ុនស៊ិនប៉ិច ។
ប្រភពបន្តថា គណបក្សហ្វ៊ុនស៊ិនប៉ិចបានទ្រង់យល់លក្ខន្តិករបស់គណបក្សហ្វ៊ុនស៊ិនប៉ិចបានទ្រង់យល់បទបញ្ជាផ្ទៃក្នុងរបស់គណបក្ស និងយោងតម្រូវការចាំបាច់របស់គណបក្សហ្វ៊ុនស៊ិនប៉ិចដោយសម្រេចប្រការ១- តែងតាំងព្រះអង្គម្ចាស់ក្សត្រីនរោត្តមម៉ារី ជានាយិកាព្រះខុទ្ទកាល័យ សម្តេចក្រុមព្រះនរោត្តមរណឫទ្ធិ ព្រះប្រធានគណបក្សហ្វ៊ុនស៊ិនប៉ិច ។ ប្រការ២- សាមីខ្លួនដូចមានចែងក្នុងប្រការ១ ត្រូវអនុវត្តសេចក្តីសម្រេចនេះឲ្យមានប្រសិទ្ធភាពខ្ពស់ ។ ប្រការ៣- សេចក្តីសម្រេចណាដែលផ្ទុយនឹងសេចក្តីសម្រេចនេះត្រូវទុកជានិរាករណ៍ ។ ប្រការ៤- សេចក្តីសម្រេចនេះចូលជាធរមានចាប់ពីថ្ងៃឡាយព្រះហស្តលេខានេះតទៅ ។
សូមជម្រាបថា ការតែងតាំងនេះ បន្ទាប់ពីមានការតវ៉ាពីសមាជិសមាជិកាគណគណបក្សសម្រេចបញ្ចប់សមាជិកភាពគណបក្ស៤រូប និងប្រកាសបិទស្នាក់ការបក្សបណ្តោះអាសន្ន ។ បន្ទាប់ពីមានបញ្ហាផ្ទៃក្នុងគណបក្សព្រះអង្គម្ចាស់នរោត្តមចក្រាវុឌ្ឍ ប្រធានស្តីទីគណបក្សហ្វ៊ុនស៊ិនប៉ិចបានចេញសេចក្តីសម្រេចបញ្ចប់សមាជិកភាពរបស់សមាជិកបក្ស៤រូប ។
សេចក្តីជូនដំណឹងស្តីពីការបិទជាបណ្តោះអាសន្នទីស្នាក់គណបក្សហ្វ៊ុនស៊ិនប៉ិច មានខ្លឹមសារយ៉ាងដូច្នេះថា គណបក្សហ្វ៊ុនស៊ិនប៉ិច មានកិត្តិយសដ៏ខ្ពង់ខ្ពស់ សូមជម្រាបជូនសមាជិកសមាជិកាគណបក្សទាំងអស់ និងសាធារណៈជនមេត្តាជ្រាបថា ៖ ទីស្នាក់គណបក្សហ្វ៊ុនស៊ិនប៉ិច ដែលមានអាស័យដ្ឋានផ្ទះលេខ៥៩ ផ្លូវលំក្រុមទី១ ភូមិ២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ត្រូវបានផ្អាកសកម្មភាពការងារ និងបិទទ្វារជាបណ្តោះអាសន្ន ចាប់ពីថ្ងៃជូនដំណឹងនេះតទៅ ៕
ចែករំលែកព័តមាននេះ