រាជធានីភ្នំពេញ ៖ តារាសម្តែងនាង ពេជ្រ ចរណៃ បានស្នើឱ្យមហាជនជួយឈឺឆ្អាលរឿងវប្បធម៌ឱ្យបានច្រើន ជាជាងការចាប់អារម្មណ៍តារាដែលហែកហួរគ្នាតាមហ្វេសប៊ុក។ ក្នុងនាមជាសមាជិកមួយដែលបានចូលរួមចំណែកស្វែងរកមូលនិធិ១០០រៀល សម្រាប់រៀបចំការសម្តែងល្ខោនខោលដ៏ធំនៅឆ្នាំ២០២០ ខាងមុខ…
រាជធានីភ្នំពេញ ៖ តារាសម្តែងនាង ពេជ្រ ចរណៃ បានស្នើឱ្យមហាជនជួយឈឺឆ្អាលរឿងវប្បធម៌ឱ្យបានច្រើន ជាជាងការចាប់អារម្មណ៍តារាដែលហែកហួរគ្នាតាមហ្វេសប៊ុក។ ក្នុងនាមជាសមាជិកមួយដែលបានចូលរួមចំណែកស្វែងរកមូលនិធិ១០០រៀល សម្រាប់រៀបចំការសម្តែងល្ខោនខោលដ៏ធំនៅឆ្នាំ២០២០ ខាងមុខ ពេជ្រ ចរណៃ តែងតែផ្សព្វផ្សាយនូវសិល្បៈវប្បធម៌ និងក្បាច់គុនល្បុកត្តោផងដែរ។
ជាថ្មីម្តងទៀតតារារូបនេះ បានស្នើឱ្យមហាជនគួរតែចាប់អារម្មណ៍វប្បធម៌ខ្មែរឱ្យបានច្រើន និងស្នើឱ្យចូលរួមជាមូនិធិសម្រាប់ការទ្រទ្រង់សម្តែងល្ខោនខោលឆ្នាំ២០២០។ ពេជ្រ ចរណៃ ក៏បានបង្ហោះសារយ៉ាងវែងមួយនៅលើគណនេយ្យហ្វេសប៊ុករបស់ខ្លួនថា សូមជួយខ្វាយខ្វល់ ឈឺឆ្អាលរឿងនេះផង បើរឿងវប្បធម៌ល្បីដូចរឿងប្រលែងក្រពើ រឿងតារាជេរហែកហួរគ្នាតាមហ្វេសប៊ុកនោះ វប្បធម៌មួយនេះនឹងឧដុង្គឧត្ដម..។
នាងបន្ថែមថា កូនខ្មែរគ្រប់រូបគួរតែមានកាចូលរួមឈឺឆ្អាលរឿង ថែរក្សា ការពារ លើកស្ទួយ នឹងកែច្នៃ វប្បធម៌ខ្មែរទាំងអស់គ្នា.. មិនមែនជារបស់ខ្ញុំតែម្នាក់ ហើយក៏មិនមែនជារបស់ក្រុមណាដាច់មុខដែរ តែជារបស់ខ្មែរមួយ(នគរ)..។ ដឹងទេ? ថា គេទៅមុខកាន់តែឆ្ងាយហើយ? ថៃជាប្រទេសដែលមិនមាន អរិយធម៌ វប្បធម៌ ច្បាស់លាស់ ក្លាយជាប្រទេសដែលបានប្រឹងតុបតែង ចងក្រង កែច្នៃ មិនយូរគេនឹងក្លាយជាម្ចាស់ យើងច្បាស់ក្លាយជាអ្នកចំម្លងពីគេទៅវិញ..។
បងប្អូនដឹងទេ? ក្រុមការងារ ទិវាបេតិកភណ្ឌ កំពុងធ្វើការយ៉ាងសស្រាក់សស្រាំដើម្បី ព្រឹត្តិការណ៍ការសម្តែងល្ខោនខោល នាឆ្នាំ២០២០ខាងមុខ ក្នុងការលើកមុខមាត់សិល្បៈ និងសម្បត្តិវប្បធម៌ជាតិខ្មែរយើង ..តែ! ក្រុមកាងានៅខ្វះថវិកាសម្រាប់ឈុតតួរមេទ័ពស្វា10ឈុតទៀត ដូចនេះក្រុមការងារបានឌឺសាញអាវយឺតដែលមាននៅក្នុងរូបនេះ លក់ ដើម្បីទ្រងទ្រង់ អាវមួយតំម្លៃតែ 10000រៀលទេ.. ។
នាងបញ្ជាក់ថា ពួកយើងកំពុងខិតខំហើយ នៅចាំតែការចូលរួមឧបត្ថមគាំទ្រពីររបងប្អូនមហាគ្រួសារខ្មែរប៉ុណ្ណោះ ! ។ នាងខ្ញុំ ពេជ្រចរណៃ លើកទឹកចិត្តឱ្យបងប្អូនទាំងអស់គ្នាចូលរួមទិញអាវនេះម្នាក់មួយ ដូចបានចូលរួមផ្សព្វផ្សាយនឹងលើកស្ទួយល្ខោនខោលខ្មែរ តោះៗចូលរួមក្នុងនាមជាម្ចាស់កេរមរតកដូនតាយើង !។
ដំណើរឆ្ពោះទៅកាន់ ព្រឹត្តិការណ៍ប្រវត្តិសាស្ត្រល្ខោនខោលខ្មែរ ក្នុងកម្មវិធីទិវាបេតិកភណ្ឌលើកទី៥ ក្រោមប្រធានបទ «ល្ខោនខោលមរតកជាតិខ្មែរធ្វើឡើងក្នុងគោលបំណង ដើម្បីអបអរសាទរខួប២ឆ្នាំល្ខោនខោលខ្មែរអបអរសាទរខួប៤ឆ្នាំចាប៉ីដងវែងខ្មែរ អបអរសាទរខួប១៥ឆ្នាំល្ខោនស្រមោលស្បែកធំ អបអរសាទរខួប១៧ឆ្នាំរបាំព្រះរាជទ្រព្យ ចូលជាសម្បត្តិបេតិកភណ្ឌអរូបី នៃមនុស្សជាតិដោយអង្គការ UNESCO ។ ដែលព្រឹត្តិការណ៍សម្ដែងល្ខោនខោលដ៏អស្ចារ្យនាថ្ងៃទី ២៨-២៩ ខែ វិច្ឆិកា ឆ្នាំ ២០២០ ខាងមុខនេះ។ (កែសម្រួលដោយ ៖ បុប្ផា)
ចែករំលែកព័តមាននេះ