រាជធានីភ្នំពេញ ៖ តារាចម្រៀង មាស សុខសោភា បានបង្ហាញនូវរូបថតចំនួនប៉ុន្មានសន្លឹកតុបតែងនូវឈុតសម្លៀកបំពាក់បែបឥណ្ឌា ជាមួយបុរសម្នាក់ដែលកៀកគ្នា ហើយត្រូវបានគេស្គាល់ថា ជាស្វាមីនាង។ ការបង្ហាញរូបភាពទាំងនេះ…
រាជធានីភ្នំពេញ ៖ តារាចម្រៀង មាស សុខសោភា បានបង្ហាញនូវរូបថតចំនួនប៉ុន្មានសន្លឹកតុបតែងនូវឈុតសម្លៀកបំពាក់បែបឥណ្ឌា ជាមួយបុរសម្នាក់ដែលកៀកគ្នា ហើយត្រូវបានគេស្គាល់ថា ជាស្វាមីនាង។ ការបង្ហាញរូបភាពទាំងនេះ បានធ្វើឲ្យហ្រ្វេនៗរបស់នាងភ្ញាក់ផ្អើល រហូតសរសើរថា ស្នេហារបស់ប្តីប្រពន្ធនេះសមគ្នាណាស់។
មាស សុខសោភា បានសម្រេចចិត្តបើកចំហរឲ្យគេស្គាល់មុខមាត់ពិតរបស់ស្វាមីនាងដែលជាអាណិកជនរស់នៅប្រទេសកាណាដាប៉ុន្មានឆ្នាំនេះ ក្រោយក្លាយជាប្តីប្រពន្ធគ្នាជិត១០ឆ្នាំមកហើយ។ មាស សុខសោភា បន្ទាប់ពីបង្ហាញមុខស្វាមីឲ្យគេឃើញរួចមក ទស្សនិកជនជាច្រើនអបអរ ហើយមិនគិតថា ធ្លាក់ប្រជាប្រិយភាពអ្វីទេ តារាល្បីមានគូស្នេហ៍នោះ។ ទាំងនោះជាជំនួយជួយឲ្យតារាលំដាប់ជួរមុខ មាស សុខសោភា កាន់តែលេចធ្លោថែម។
ហើយមាស សុខសោភា បានសម្រចចិត្តវិលមកកម្ពុជាវិញ បន្ទាប់ពីសម្ងំរស់នៅប្រទេសកាណាដា ប៉ុន្មានខែមកនេះ។ ពេលនេះនាងស្រវេស្រវាការងារពេញដៃដោយមិនបន្ធូរដៃឡើយ។ បើនិយាយពីសម្រស់វិញ មាស សុខសោភា តុបតែងកាយស្អាត ហើយមុខវិញមើលទៅនៅក្មេងមិនចាស់តាមវ័យ ។
មិនត្រឹមតែជាតារាស្រីល្បីឈ្មោះជួរមុខលំដាប់កំពូលដែលមានទឹកដមសំឡេងពីរោះក្រអួនក្រអៅបែបបំពេរប៉ុណ្ណោះទេ ប៉ុន្តែនាងក៏ជាតារាស្រីដែលតែងតែបង្ហាញវត្តមានរបស់ខ្លួនជាមួយម៉ូដសម្លៀកបំពាក់ស្រស់ស្អាតប្លែកៗ និងស័ក្ដិសមឥតខ្ចោះជាមួយនឹងរាងកាយដ៏ខ្ពស់ស្រឡូនរបស់នាង រហូតដល់ទស្សិកជនលាន់មាត់សរសើរ ។
ទោះបីជា មាស សុខសោភា មានវ័យជ្រេបន្ដិចទៅហើយក្ដី តែសម្រាប់សម្រស់ និងការតុបតែងខ្លួនរបស់នាងតែងតែទទួលបានការចាប់អារម្មណ៍ពីហ្វ៊េនៗរបស់នាង។ មិនថា នៅក្នុងស្រុក ឬក្រៅស្រុក មាស សុខសោភា ទទួលបានភាពពេញនិយមលំដាប់ជួរមុខមិនធម្មតាដោយចេញសម្តែងម្តងៗមានគេចូលចិត្តច្រើន។
បន្ទាប់ពីមកដល់ខ្មែរវិញ មាស សុខសោភា ប្រមូលយកកម្មវិធីច្រើនតាមក្លិប តាមក្រុមហ៊ុនច្រៀងសម្តែង ដោយទទួលបានតម្លៃការងារមិនតិចនោះទេ។ ជាពិសេសឱកាសពិធីបុណ្យអុំទូក មាស សុខសោភា ត្រូវគេទម្លាយថា រត់សម្តែងពីឆាកមួយទៅឆាកមួយ ដោយសំខាន់នាងខំសន្សំតែកម្លាំង ដើម្បីប្រយុទ្ធនឹងការងារតែប៉ុណ្ណោះ។ ម្ល៉ោះហើយគេថា មាស សុខសោភា មកវិញ ខាប់ជាងមុនណាស់ ក្រោយទទួលបានការងារយ៉ាងសន្ធឹក។ (កែសម្រួលដោយ ៖ បុប្ផា)
ចែករំលែកព័តមាននេះ