ក្រុមលោក សម រង្ស៊ី ជាអ្នកនយោបាយមិនអៀនខ្មាស
- ភ្នំពេញ
រាជធានីភ្នំពេញ ៖ មនុស្សជំនិតលោក កឹម សុខា គឺលោក មុត ចន្ថា បានហៅក្រុមលោកសម រង្ស៊ី…
រាជធានីភ្នំពេញ ៖ មនុស្សជំនិតលោក កឹម សុខា គឺលោក មុត ចន្ថា បានហៅក្រុមលោកសម រង្ស៊ី…
រាជធានីភ្នំពេញ ៖ មនុស្សជំនិតលោក កឹម សុខា គឺលោក មុត ចន្ថា បានហៅក្រុមលោកសម រង្ស៊ី ថា ជាអ្នកនយោបាយមិនចេះអៀនខ្មាស និងជាអ្នកនយោបាយដើម្បីមហិច្ឆតាហិង្សារបស់ខ្លួនតែប៉ុណ្ណោះ ។ លោក មុត ចន្ថា បានលើកឡើងបែបនេះ បន្ទាប់ពីក្រុមលោក សម រង្ស៊ី យករូបលោក កឹម សុខា ចាប់ដៃជាមួយលោក សម រង្ស៊ី ដើម្បីបង្ហាញអ្នកគាំទ្រខ្លួនពីការវិលចូលស្រុក របស់ក្រុមលោក សម រង្ស៊ី នៅថ្ងៃទី៩ វិច្ឆិកា ឆ្នាំ២០១៩ ខាងមុខនេះ ។
គិតមកដល់ថ្ងៃទី៤ ខែវិច្ឆិកា គឺនៅសល់តែ៥ថ្ងៃទៀតប៉ុណ្ណោះដល់ថ្ងៃដែលលោក សម រង្ស៊ី សន្យាចូលស្រុកវិញ ហើយថានឹងមានអ្នកគាំទ្រ ជាច្រើននាក់អមមកជាមួយ និងទទួលលោក ។ ទោះជាយ៉ាងណាក្តី លោក មុត ចន្ថា បានហៅការយករូបថតលោក កឹម សុខា នេះថាជាការបង្កើតរឿងអយុត្តិធម៌សម្រាប់លោក កឹម សុខា ដែលកំពុងជាប់ឃុំ គ្មានសិទ្ធិសេរីភាព ។
លោក មុត ចន្ថា បានបញ្ជាក់កាលពីថ្ងៃទី២ ខែ វិច្ឆិកាថា ៖ «ហេតុអ្វីលោកស្រី មូរ សុខហួរ បង្ហោះរូបចាប់ដៃរវាងលោក កឹម សុខា និង លោក សម រង្ស៊ី ដោយភ្ជាប់ជាមួយផែនការ មាតុភូមិនិវត្តន៍ ៩ វិច្ឆិកា ? នេះជាទង្វើបង្កើតឡើងនូវអំពើអយុត្តិធម៌ដល់លោក កឹម សុខា ដែលកំពុងជាប់ឃុំ និងជាប់បម្រាមតុលាការ ពុំមានសិទ្ធិនយោបាយនិងសេរីភាព» ។
លោកបន្តថា ៖ «លោក កឹម សុខា ពុំបានដឹងឮ ឬបង្ហាញការគាំទ្រចំពោះសកម្មភាពរបស់អ្នកនយោបាយនិរទេសឡើយ ។ យើងមិនចង់បង្ខំអ្នកមិនឲ្យនិយាយអ្វីដែលអ្នកចង់និយាយនោះទេ តែបើអ្នកជាអ្នកនយោបាយ ឬតាំងខ្លួនជាអ្នកដឹកនាំនោះ អ្នកមិនគួរនិយាយអ្វីភ្ជាប់ជាមួយអ្នកដទៃដែល គេមិនគាំទ្រជំហរខ្លួននោះទេ» ។
ជាមួយគ្នានេះ លោក មុត ចន្ថា ក៏បានចំអកទៅកាន់ក្រុមលោក សម រង្ស៊ី ថា សូមធ្វើជាអ្នកដឹកនាំនយោបាយឲ្យថ្លៃថ្នូរផង ។ បើដឹងថាខ្លួនអស់តម្លៃហើយ ឈប់ទៅ កុំឥតអៀនខ្មាស ចរិតថោកយកឈ្មោះគេ រូបគេ ទៅប្រើដើម្បីតែមហិច្ឆតាហិង្សារបស់ខ្លួន ។ចំណែកលោក អ៊ូ ច័ន្ទរ័ត្ន អតីតមន្ត្រីជាន់ ខ្ពស់គណបក្សសង្គ្រោះជាតិ ហើយជាអ្នក កឹមសុខា និយមក៏បានលើកឡើងដែរថា មិនគួរណា ក្រុមលោក សម រង្ស៊ី យករូបភាពរបស់លោកកឹម សុខា ប្រាប់ទៅកាន់អ្នកគាំទ្របែបនេះព្រោះថាលោក កឹម សុខា តាមរយៈមេធាវី បានបដិសេធជាច្រើនដងមកហើយ ក្នុងការមិនទទួលក្រុមលោក សម រង្ស៊ី ពិសេសនោះចលនានានា ដែលលោក សម រង្ស៊ី បង្កើតនៅក្រៅប្រទេស តាំងពីគណបក្សត្រូវបានរំលាយ ។
លោកបានបញ្ជាក់ថា ៖ «មានប្រតិបត្តិការជាច្រើនហើយ យើងអត់គាំទ្រទេ ហើយបើសិនគាត់នៅតែអីុចឹងនោះ ដោយយករូបលោក កឹមសុខា ភ្ជាប់ជាមួយនោះ គឺជារឿងមិនត្រឹមត្រូវ ។ខ្ញុំមិនចង់និយាយថារឿងហ្នឹងអសីលធម៌ទេ តែវាមិនត្រឹមត្រូវ សម្រាប់អ្នកនយោបាយ» ៕
ចែករំលែកព័តមាននេះ