ឥរិយាបថ និងទម្លាប់មិនត្រឹមត្រូវជាច្រើន ដូចជាការបរិភោគ គឺជាកត្ដាសំខាន់ដែលកំណត់សុខភាពរបស់អ្នកក្នុងពេលអនាគត ។ រឹតតែសំខាន់ ក្នុងសម័យនេះការពិសារគ្រឿងស្រវឹងមានការកើនឡើង ក្នុងក្រុមអាយុស្ទើរតែគ្រប់វ័យ និងគ្រប់ភេទទាំងអស់ ។…
ឥរិយាបថ និងទម្លាប់មិនត្រឹមត្រូវជាច្រើន ដូចជាការបរិភោគ គឺជាកត្ដាសំខាន់ដែលកំណត់សុខភាពរបស់អ្នកក្នុងពេលអនាគត ។ រឹតតែសំខាន់ ក្នុងសម័យនេះការពិសារគ្រឿងស្រវឹងមានការកើនឡើង ក្នុងក្រុមអាយុស្ទើរតែគ្រប់វ័យ និងគ្រប់ភេទទាំងអស់ ។ ចំពោះផលវិបាកដែលប៉ះពាល់នឹងបញ្ហាសុខភាពដែលកើតមានឡើងដោយមិនដឹងខ្លួនមានដូចជាជំងឺទាក់ទងដោយផ្ទាល់ទៅនឹងថ្លើម ។ រោគសញ្ញានៃជំងឺទាំងនេះ បង្ហាញខ្លួនយ៉ាងយឺតៗ រីករាលដាលរុំាំរ៉ៃ និងរហូតដល់ក្លាយជាមហារីក ។
ទោះជាយ៉ាងណា លោកវេជ្ជបណ្ឌិតផ្នែកជំងឺក្រពះ ពោះវៀន និងជំងឺថ្លើមនៃមន្ទីរពេទ្យវេជ្ជថានី បានពន្យល់ថា រោគសញ្ញានៃជំងឺមហារីកថ្លើមដែលបង្កឡើងដោយជំងឺរលាកថ្លើមរ៉ាំរ៉ៃ រហូតក្លាយជាជំងឺមហារីកថ្លើម តាមលំដាប់កត្តាហានិភ័យនៃការកើតជំងឺនេះ គឺការដែលមានជំងឺរលាកថ្លើមគ្រប់ប្រភេទចំពោះប្រទេសនៅអាស៊ីអាគ្នេយ៍ ករណីដែលជួបច្រើនគឺបណ្តាលមកពីការឆ្លងមេរោគរលាកថ្លើមប្រភេទ B និង C ការពិសារគ្រឿងស្រវឹងមានខ្លាញ់កកក្នុងថ្លើមរួមទាំងការរលាកថ្លើម ។
ជំងឺទាំងនេះមិនបានបង្ហាញរោគសញ្ញាឱ្យអ្នកជំងឺដឹងខ្លួនទេថា ពួកគេកំពុងប្រឈមមុខនឹងការកើតជំងឺមហារីកថ្លើម បើសិនជាគេមិនបានទៅពិភាក្សាជាមួយគ្រូពេទ្យយ៉ាងទៀងទាត់។ អ្នកជំងឺភាគច្រើនតែងតែមកជួបគ្រូពេទ្យនៅពេលដែលមានរោគសញ្ញាដូចជាខ្លួនលឿង ភ្នែកលឿង ពោះរីកធំ ថ្លើមរីក ក្អួតមានឈាម ដែលវាហាក់ដូចជាយឺតពេលបន្តិតទៅហើយសម្រាប់គ្រូពេទ្យក្នុងការជួយព្យាបាលឱ្យជាដាច់បាន ។
ចំពោះមនុស្សទូទៅនៅមានការយល់ច្រឡំខ្លះៗទាក់ទងនឹងបញ្ហាជំងឺមហារីកថ្លើម និងលំពែង ព្រោះគិតថា ជាសរីរាង្គដូចគ្នា តែការពិតវាជាសិរីរាង្គផ្សេងគ្នា គ្រាន់តែមានរូបរាងស្រដៀងគ្នាប៉ុននោះ ។ ទោះជាយ៉ាងណា លំពែងក៏ជាសរីរាង្គដែលអាចកើតមហារីកផងដែរ ។ លោកវេជ្ជបណ្ឌិតបានប្រាប់បន្ថែមទៀតថា ជំងឺមហារីកលំពែង ជាជំងឺដែលជួបប្រទះតិចជាងជំងឺមហារីកថ្លើម ។ តែការដែលសំខាន់ គឺវាមិនមានរោគសញ្ញាច្បាស់ឡាស់ដែលពិបាកក្នុងការធ្វើការវិនិច្ឆ័យ ។ តែបើអ្នកមានអាការៈឈឺពោះត្រង់ចុងដង្ហើមបែបឈឺបាត់ៗ ហើយនៅពេលជំងឺកាន់តែធ្ងន់ធ្ងរអាចមានអាការៈខ្លួនលឿងភ្នែកលឿង និងឈឺពោះខ្លាំង និងគ្រប់ពេល អ្នកអាចប្រឈមមុខក្នុងការកើតជំងឺមហារីកថ្លើមហើយ ត្រូវប្រញាប់មកពិភាក្សាជាមួយគ្រូពេទ្យជំនាញ ។ តែក្នុងដំណាក់កាលនេះការព្យាបាលឱ្យជាដាច់ក៏លំបាកដូចគ្នា ។
កត្តាគ្រោះថ្នាក់ដែលនាំឱ្យកើតជំងឺមហារីកលំពែងគឺការមានការរលាកលំពែងរ៉ាំរ៉ៃ។ ភាគច្រើនបណ្តាលមកពីការពិសារសុរា ជក់បារី មានសមាជិកគ្រួសារធ្លាប់មានជំងឺមហារីកលំពែង ។ ចំពោះការការពារគឺត្រូវជៀសវាងរាល់កត្តាគ្រោះថ្នាក់ទាំងនោះ រួមទាំងការមកពិភាក្សាពិគ្រោះជាមួយគ្រូពេទ្យពេលមានអាការៈខុសប្រក្រតីត្រង់ពោះដើម្បីត្រួតពិនិត្យដោយកាំរស្មី X-ray តាមប្រព័ន្ធកុំព្យូទ័រក្នុងករណីមានការសង្ស័យ ។
ដូចនេះមហារីកថ្លើម និងមហារីកលំពែងអាចការពារបានដោយការពិនិត្យសុខភាពយ៉ាងលម្អិតទៀងទាត់ និងត្រួតពិនិត្យថា មានកត្តាគ្រោះថ្នាក់ផ្សេងៗទៀតដែលមានផលប៉ះពាល់ដល់ការកើតមហារីកថ្លើមដូចជា ការឆ្លងមេរោគរលាកថ្លើម B គួរត្រួតពិនិត្យ ១ដងជារៀងរាល់ឆ្នាំ ។ សម្រាប់អ្នកធាត់អ្នកមានជំងឺទឹកនោមផ្អែមលើសឈាមលើសជាតិខ្លាញ់ក្នុងឈាមគួរពិនិត្យបន្ថែមថា តើខ្លាញ់ដែលកកក្នុងថ្លើមរួមជាមួយការរលាកថ្លើម ឬអត់? ហើយអ្នកដែលមានជំងឺថ្លើមគួរបញ្ឈប់ការទទួលទានសុរាជាបន្ទាន់ ។
ដូច្នេះការពិនិត្យសុខភាពពិតជាសំខាន់ណាស់ ដោយសារតែវាគឺដូចជាការពិនិត្យដំបូងដើម្បីមើលឃើញស្ថានភាពនៃសុខភាពរាងកាយ រកភាពខុសធម្មតាមុនពេលវារាលដាល រហូតដល់បង្ហាញរោគសញ្ញា និងការបញ្ជូនសញ្ញាព្រមានដើម្បីតាមដាន រក្សា និងទទួលការព្យាបាលទាន់ពេលវេលា ។ ការត្រួតពិនិត្យសុខភាពជាប្រចាំជារៀងរាល់ឆ្នាំ ត្រូវបានចាត់ទុកថាជាវិធីងាយស្រួលបំផុតដើម្បីរក្សាសុខភាពល្អជារៀងរហូត ។
មជ្ឈមណ្ឌលពិនិត្យសុខភាពនៃមន្ទីរពេទ្យវេជ្ជថានី មានការផ្តល់ជូនពិសេសចំពោះការពិនិត្យសុខភាពជាកញ្ចប់ ទិញ ១ ថែម ១ (Buy1 Get1 Free) ចាប់ពីថ្ងៃទី 1 ខែវិច្ឆិកា ឆ្នាំ 2019 ដល់ ថ្ងៃទី 31 ខែធ្នូ ឆ្នាំ 2019 ប៉ុណ្ណោះ ៕
ព័ត៌មានបន្ថែម៖ https://bit.ly/2JpYgxw
ឬទំនាក់ទំនង ៖ (+66) 89 201 9000
អាស័យដ្ឋាន ៖ លេខ 1 ផ្លូវឡាតផ្រាវ 111 តំបន់ខ្លងចាន់
បាងកាពិ ទីក្រុងបាងកក 10240
អ៊ីម៉ែល ៖ Cambodia@vejthani.com
Facebook: Vejthani Hospital-មន្ទីរពេទ្យវេជ្ជថានី
ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ