ខេត្តកណ្ដាល ៖ មានសេចក្តីរាយការណ៍ឲ្យដឹងថា កាលពីវេលាម៉ោង៤ និង២០នាទីទៀបភ្លឺឈានចូលថ្ងៃទី១៨ តុលា មានករណីចោរចូលក្នុងរោងចក្រគាស់ទូដែក យកប្រាក់អស់ជាង៥ម៉ឺនដុល្លារអាមេរិក ហើយជនសង្ស័យគេចខ្លួនដោយសុវត្ថិភាពទៀត ។…
ខេត្តកណ្ដាល ៖ មានសេចក្តីរាយការណ៍ឲ្យដឹងថា កាលពីវេលាម៉ោង៤ និង២០នាទីទៀបភ្លឺឈានចូលថ្ងៃទី១៨ តុលា មានករណីចោរចូលក្នុងរោងចក្រគាស់ទូដែក យកប្រាក់អស់ជាង៥ម៉ឺនដុល្លារអាមេរិក ហើយជនសង្ស័យគេចខ្លួនដោយសុវត្ថិភាពទៀត ។ ហេតុការណ៍បានកើតឡើង នៅចំណុចរោងចក្រតម្បាញមួនតៃ ភូមិព្រែកហូរលិច១ សង្កាត់ព្រែកហូរលិច១ ក្រុងតាខ្មៅ ខេត្តកណ្តាល ។
ជនរងគ្រោះ (តំណាងរោងចក្រ)ឈ្មោះ លឹម វិញ ភេទប្រុស អាយុ៣៥ឆ្នាំ មានទីលំនៅភូមិដេីមម៉ាក់ខ្លឿ សង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ ជាប្រធានរដ្ឋបាលរោងចក្រ ។ តាមសេចក្តីរាយការឲ្យដឹងទៀតថា ក្រោយកើតហេតុភាគីខាងជនរងគ្រោះ បានឆែកមើលកាមេរ៉ាសុវត្ថិភាពដែលបំពាក់នៅក្នុងរោងចក្រ បានពិនិត្យឃើញ ចោរបានគ្នា២នាក់ ភេទប្រុស មិនស្គាល់អត្តសញ្ញាណ អាយុប្រហែល៣០ជាង ឆ្នាំ ពាក់មួកកន្តឹបពណ៌ស ពាក់ម៉ាស ស្លៀកពាក់ឈុតប៉ារ៉ាទាំងពីរ ។
ប្រភពបន្តថា ចំពោះសម្ភាបាត់បង់មានប្រាក់ចំនួន ៥០.៥២៣,៤៤ដុល្លាអាមេរិក ។ វត្ថុតាងចាប់យក
ទូដែកទំហំ៦០សង់ទីម៉ែត្រគុណ៥០សង់ទីម៉ែត្រចំនួន ១ ។-អាវយឺតមនុស្សស្រីដៃវែង ចំនួន១៨អាវ ។ ម៉ាឡេតចំនួន១ ។ ទួណឺវីសចំនួន១ ។
តំណាងរោងចក្ររៀបរាប់ប្រាប់សមត្ថកិច្ចទៀតថា មុនពេលកេីតហេតុ ខ្លួន(ជាតំណាងរោងចក្រ) និងខាងគណនេយ្យបានទុកទូដែក នៅក្នុងបន្ទប់ហេីយបានចាក់ទ្វារយ៉ាងត្រឹមត្រូវមុនចេញទៅផ្ទះ ។ លុះដល់វេលាម៉ោង០៥ និង៩នាទី ពេលដែលឈ្មោះ យូរ៉ាន់ ជាបុគ្គលិកផ្នែកបេីកបរចូលទៅស្កែនមេដៃ ដេីម្បីយករថយន្តចេញដឹកភ្ញៀវរបស់រោងចក្រ មិនបានឃេីញទូដែក ដែលទុកនៅក្នុងបន្ទប់គណនេយ្យនោះទេ អាចត្រូវចោរលួចយកចេញទៅបាត់ ។
លុះពេលដឹងថា មានចោរចូលលួចទូដែកចេញពីបន្ទប់បាត់ហើយនោះ តំណាងរោងចក្រក៏បានដេីរទៅហៅជនជាតិចិនដែល ស្នាក់នៅខាងក្រោយអគាររោងចក្រឲ្យមកមេីល និងបានរាយការណ៍ ជូនសមត្ថកិច្ចចុះទៅពិនិត្យឆែកមេីលតាមរយ:កាមេរ៉ាសុវត្ថិភាពភ្លាម ទើបឃេីញជនសង្ស័យ២នាក់ដែលមានភិនភាគដូចខាងលេី បានផ្លោះតាមរបងរោងចក្រផ្នែកខាងជេីង ចូលទៅធ្វេីសកម្មភាពគាស់ទ្វារបន្ទប់អូសទូដែក ចេញមកមុខបន្ទប់ហេីយគាស់យកលុយ រួចគេចខ្លួនបាត់តែម្តងទៅ ។
ចែករំលែកព័តមាននេះ