ខេត្តកណ្តាល ៖ ប្រជាពលរដ្ឋដែលត្រូវធ្វើប្លង់ដីទូទាំងស្រុកកណ្តាលស្ទឹងបាននិយាយត្អូញត្អែរឲ្យដឹងថា ពួកគាត់ទៅធ្វើប័ណ្ណកម្មសិទ្ធិដីធ្លី (ប្លង់ដី) នៅការិយាល័យរៀបចំដែនដីនគរូបនីយកម្ម សំណង់ និងសុរិយោដី ស្រុកកណ្តាលស្ទឹងដែលមានលោក នៅ សាត ជាប្រធានការិយាល័យនោះ មានការពិបាកខ្លាំងណាស់« ដូចទៅសុំភ្លើងយក្សអញ្ចឹងដែរ » ព្រោះថា លោកនៅ សាត មិនដែលឃើញមុខនៅក្នុងបន្ទប់ធ្វើការរបស់លោកទេ ការិយាល័យសុរិយោដីស្រុកកណ្តាលស្ទឹង បិតទ្វារជិតរហូត ហើយបើចង់ជួបលោកនៅ សាត ដើម្បីចុះហត្ថលេខាលើឯកសារធ្វើប្លង់ដី ទាល់តែទូរស័ព្ទ បើមិនដូច្នោះទេ មិនងាយបានជួបឡើយ ហើយលោកនិយាយប្រាប់ប្រជាពលរដ្ឋ និងមន្រ្តីថ្នាក់ក្រោមថា លោកជាប់រវល់ខ្លាំងណាស់ក្នុងមួយថ្ងៃៗ ។
ប្រភពលើកឡើងបន្តថា រាល់ឯកសារធ្វើប្លង់ដីរបស់ពួកគាត់ដែលមានជំនាញចុះត្រួតពិនិត្យត្រឹមត្រូវហើយនោះ ក៏លំបាកក្នុងការធ្វើប័ណ្ណកម្មសិទ្ធិ ហើយគេយកឯកសារកាក់ទុកជាច្រើនខែ ដោយសារលោក នៅ សាត មិនព្រមចុះហត្ថលេខាបំពេញបែបបទតាមលក្ខណៈបច្ចេកទេសដោយលើកហេតុផលថា ខុសនេះ ខុសនោះរហូត ទុកឲ្យឯកសារធ្វើប្លង់ដីរបស់ប្រជាពលរដ្ឋកកស្ទះជាបន្តបន្ទាប់ ប៉ុន្តែបើម្ចាស់ប្លង់ដីមួយណាមានស្រោមសំបុត្រជូនលោកនៅ សាត នោះលោកនឹងចុះហត្ថលេខាភ្លាម បើគ្មានស្រោមសំបុត្រទេ កុំសង្ឃឺមបានប្លង់កម្មសិទ្ធិមកកាន់កាប់ឲ្យសោះ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ