យោងតាមវេជ្ជបណ្ឌិតជំនាញបានឱ្យដឹងថា ករណីថ្មីៗនៃជំងឺក្រួសក្នុងតម្រងនោមដែលកើតមានទៅលើមនុស្សរាប់ពាន់ម៉ឺននាក់ក្នុង១ឆ្នាំៗគឺបង្កឡើងដោយភាពព្រងើយកន្តើយក្នុងការទទួលទានទឹក ។
យោងតាមវេជ្ជបណ្ឌិតជំនាញបានឱ្យដឹងថា ករណីថ្មីៗនៃជំងឺក្រួសក្នុងតម្រងនោមដែលកើតមានទៅលើមនុស្សរាប់ពាន់ម៉ឺននាក់ក្នុង១ឆ្នាំៗគឺបង្កឡើងដោយភាពព្រងើយកន្តើយក្នុងការទទួលទានទឹក ។
Bhaskar Somani វេជ្ជបណ្ឌិតឯកទេសខាងវះកាត់នៅមន្ទីរពេទ្យ Southampton General Hospital បានថ្លែងថា កង្វះខាតការយល់ដឹងអំពីគ្រោះថ្នាក់ទាំងឡាយដែលបណ្តាលមកពីការខ្វះជាតិទឹក គឺជាផ្នែកមួយយ៉ាងសំខាន់ដែលទទួលខុសត្រូវលើកំណើនអ្នកកើតជំងឺក្រួសក្នុងតម្រងនោមប្រចាំឆ្នាំ ដោយក្នុងនោះរាប់ទាំងមនុស្សវ័យក្មេងផងដែរ ។ លោកបន្តថា ៖« ចំនួនអ្នកទៅកាន់មន្ទីរពេទ្យ ដោយសារក្រួសក្នុងតម្រងនោមបានកើនឡើងជារៀងរាល់ឆ្នាំរវាងពី៥%ទៅ១០% ។ មធ្យោបាយល្អបំផុតដើម្បីទប់ស្កាត់បញ្ហាក្រួសក្នុងតម្រងនោមគឺផ្លាស់ប្តូរបែបបទរស់នៅ របបអាហារ និងបន្ថែមការទទួលទានវត្ថុរាវ » ។
ក្រួសក្នុងតម្រងនោមកើតមាននៅពេលគ្រីស្តាល់របស់អំបិលប្រមូលផ្តុំគ្នាបានទៅជាដុំហើយមិនអាចបញ្ចេញមកក្រៅបានដោយការខ្វះជាតិទឹក ហើយជារឿយៗដុំទាំងនេះស្ថិតនៅក្នុងបំពង់ប្រព័ន្ធទឹកនោម ។ វាអាចបណ្តាលឱ្យឈឺចាប់ក្រលៀន និងក្នុងពោះយ៉ាងខ្លាំង ។ ស្ទើរគ្រប់ករណីបញ្ហានេះអាចដោះស្រាយបានតាមរយៈតែការវះកាត់តែមួយមុខប៉ុណ្ណោះ ។ ក្រួសក្នុងតម្រងនោមភាគច្រើនកើតលើមនុស្សវ័យ៣០ទៅ៦០ឆ្នាំ ។ បុរសមានអត្រាកើតពី១០ទៅ
២០% ខណៈស្ត្រីអត្រាកើតមានពី៣%ទៅ៥%ប៉ុណ្ណោះ ។ ដូច្នេះ ដើម្បីកាត់បន្ថយហានិភ័យនេះ វេជ្ជបណ្ឌិត Bhaskar Somani បានផ្តល់ជាដំបូន្មានឱ្យមនុស្សចាស់ក្មេងបង្កើនការទទួលទានទឹកប្រចាំថ្ងៃ ជាពិសេសមនុស្សពេញវ័យ គួរផឹកឱ្យបាន៣លីត្រក្នុងមួយថ្ងៃ ៕
ចែករំលែកព័តមាននេះ