ការសិក្សាថ្មីមួយរបស់សហរដ្ឋអាមេរិកទៅលើមនុស្សវ័យពី៦០ឆ្នាំឡើងទៅចំនួន២២៨៦នាក់បានរកឃើញថា ការចំណាយពេលអង្គុយច្រើនពេកគឺអាចផ្តល់ផលគ្រោះថ្នាក់ចំពោះសុខភាព ជាពិសេសសម្រាប់មនុស្សដែលមានអាយុពី៦០ឆ្នាំឡើងទៅ ។ មួយវិញទៀត អត្រាគ្រោះថ្នាក់នេះនឹងមិនថមថយចុះជាដាច់ខាត បើទោះណាបុគ្គលវ័យចំណាស់ទាំងនោះបានព្យាយាមហាត់ប្រាណច្រើនយ៉ាង
ការសិក្សាថ្មីមួយរបស់សហរដ្ឋអាមេរិកទៅលើមនុស្សវ័យពី៦០ឆ្នាំឡើងទៅចំនួន២២៨៦នាក់បានរកឃើញថា ការចំណាយពេលអង្គុយច្រើនពេកគឺអាចផ្តល់ផលគ្រោះថ្នាក់ចំពោះសុខភាព ជាពិសេសសម្រាប់មនុស្សដែលមានអាយុពី៦០ឆ្នាំឡើងទៅ ។ មួយវិញទៀត អត្រាគ្រោះថ្នាក់នេះនឹងមិនថមថយចុះជាដាច់ខាត បើទោះណាបុគ្គលវ័យចំណាស់ទាំងនោះបានព្យាយាមហាត់ប្រាណច្រើនយ៉ាងណាក្តី ។
ការសិក្សាបានអះអាងទៀតថា រៀងរាល់ការនៅទំនេរ៤ម៉ោងបន្ថែមគឺនាំឱ្យមនុស្សវ័យចំណាស់ប្រឈមនឹងពិការភាពទ្វេដង ។
តាមរយៈព្រឹត្តិប័ត្រ Journal of Physical Activity& Health ក្រុមអ្នកស្រាវជ្រាវរបស់សាកលវិទ្យាល័យ Northwestern Universityបានថ្លែងថា៖«ប្រសិនមានស្រ្តីវ័យ៦៥ឆ្នាំពីរនាក់ ដោយក្នុងនោះ ស្ត្រីទី១ទំនេរ១២ម៉ោងក្នុងមួយថ្ងៃខណៈម្នាក់ទៀតទំនេរដល់ទៅ១៣ម៉ោងក្នុងមួយថ្ងៃ ដូច្នេះស្ត្រីទី២នេះគឺប្រឈមនឹងពិការភាពដល់ទៅ៥០ភាគរយ »។
អ្នកដឹកនាំការស្រាវជ្រាវ លោកស្រីDorothy Dunlopសាស្ត្រាចារ្យ ផ្នែកវេជ្ជសាស្ត្រនៅសាកលវិទ្យាល័យ Northwestern University Feinbergបានសម្តែងការភ្ញាក់ផ្អើលជាខ្លាំងដែលមើលឃើញថា បែបបទជីវិតទំនេរច្រើនបានផ្សារភ្ជាប់គ្នាយ៉ាងស្អិតរមួតជាមួយនឹងពិការភាព ។
លោកស្រីបានបន្តថា ៖ «នេះមានន័យថា មនុស្សវ័យចំណាស់ចាំបាច់ត្រូវកាត់បន្ថយចំនួនពេលវេលាដែលពួកគេប្រើដើម្បីអង្គុយដោយមិនគិតពីការចូលរួមរបស់ពួកគេនៅក្នុងសកម្មភាពកម្រិតមធ្យមឬខ្លាំងណាមួយនោះទេ »៕
ចែករំលែកព័តមាននេះ