រាជធានីភ្នំពេញ ៖ កម្លាំងគណៈបញ្ជាការឯកភាពខណ្ឌពោធិ៍សែនជ័យ ដឹកនាំដោយលោកអភិបាលខណ្ឌ ហែម ដារិទ្ធិ បានចុះបង្ក្រាបទីតាំងចិញ្ចឹមមាន់គកត្រៀមបញ្ជល់នៅថ្ងៃចូលឆ្នាំចំនួន២កន្លែង កាលពីវេលាម៉ោង១២និង២០នាទីថ្ងៃត្រង់ ថ្ងៃទី១០ មេសា នៅក្នុងភូមិសាមគ្គីទី៦ សង្កាត់ត្រពាំងក្រសាំង ខណ្ឌពោធិ៍សែនជ័យ ។
រាជធានីភ្នំពេញ ៖ កម្លាំងគណៈបញ្ជាការឯកភាពខណ្ឌពោធិ៍សែនជ័យ ដឹកនាំដោយលោកអភិបាលខណ្ឌ ហែម ដារិទ្ធិ បានចុះបង្ក្រាបទីតាំងចិញ្ចឹមមាន់គកត្រៀមបញ្ជល់នៅថ្ងៃចូលឆ្នាំចំនួន២កន្លែង កាលពីវេលាម៉ោង១២និង២០នាទីថ្ងៃត្រង់ ថ្ងៃទី១០ មេសា នៅក្នុងភូមិសាមគ្គីទី៦ សង្កាត់ត្រពាំងក្រសាំង ខណ្ឌពោធិ៍សែនជ័យ ។
នៅក្នុងប្រតិបត្តិការខាងលើ កម្លាំងសមត្ថកិច្ចដកហូតបានអាគកចំនួន១២ក្បាល ដោយទ្បែកម្ចាស់របស់វាបានរត់គេចខ្លួនបាត់អស់ ។ តាមប្រភពព័ត៌មានពីសមត្ថកិច្ចបានឱ្យដឹងថា រយៈពេលប៉ុន្មានថ្ងៃកន្លងមកនេះ ប្រជាពលរដ្ឋបានរាយការណ៍ឱ្យដឹងថា មានសង្វៀនបញ្ជល់មាន់ធំមួយស្ថិតនៅក្នុងភូមិខាងលើ និងមានទីតាំងចិញ្ចឹមមាន់គកចំនួន២កន្លែងដែលគេត្រៀមបញ្ជល់ក្នុងសង្វៀននាថ្ងៃចូលឆ្នាំខ្មែរ ។ ដោយសារតែទទួលបានព័ត៌មាននេះ លោកអភិបាលខណ្ឌ បានរៀបចំកម្លាំងគណៈបញ្ជាការឯកភាពខណ្ឌចុះទៅចំណុចខាងលើ ហើយបានឃើញមាន់គកជាច្រើនក្បាល ដែលគេត្រៀមទុកសម្រាប់បញ្ជល់មែន ទើបធ្វើការដកហូតយកប្រគល់ទៅឱ្យអាជ្ញាធរត្រពាំងក្រសាំង ដើម្បីរក្សាទុកបណ្តោះអាសន្ន ។ ដោយទ្បែកម្ចាស់មាន់ទាំងនោះ ហាក់ដូចជាដឹងខ្លួនមុនក៏បានគេចខ្លួនបាត់ មុនពេលដែលកម្លាំងសមត្ថកិច្ចចម្រុះចុះទៅដល់ ។
អ្នកស្រុកនៅទីនោះនិយាយថា ទីតាំងចិញ្ចឹមមាន់គកខាងលើ បានកើតទ្បើងយូរដែរហើយ ដែលអ្នកលេងតែងតែទៅទិញមាន់គកនៅទីនោះ ដើម្បីយកទៅបញ្ជល់ជាបន្តបន្ទាប់ ។ នៅទីនោះ ក៏មានសង្វៀនបញ្ជល់មាន់ធំមួយ ដែលតែងតែបញ្ជល់លួចលាក់ស្ទើរតែរាល់ថ្ងៃ ។ ពេលនេះអ្នកស្រុកសំណូមពរដល់អាជ្ញាធរ និងសមត្ថកិច្ចជួយបិទសង្វៀនមួយនេះចោលតែម្តងទៅ ឈប់ឱ្យដំណើរការតទៅទៀត ព្រោះកន្លងមកមានអ្នកចាញ់អស់គូទខោ ដោយសារល្បែងភ្នាល់មួយនេះ ហើយក៏កើតមានអំពើហិង្សា និងអំពើចោរកម្មជាបន្តបន្ទាប់ផងដែរ ៕
ចែករំលែកព័តមាននេះ