រាជធានីភ្នំពេញ ៖ កិច្ចប្រជុំលើកទី៣នៃគណៈកម្មការដឹកនាំគម្រោងបញ្ជរតែមួយជាតិ កាលពីវេលាម៉ោង៨ និង៣០ព្រឹកថ្ងៃទី១០ មេសា ២០១៤ នៅសណ្ឋាគារសូហ្វីតែល ភ្នំពេញ ភូគីត្រា មានបើកកិច្ចប្រជុំលើកទី៣ នៃគណៈកម្មការដឹកនាំគម្រោងបញ្ជរតែមួយជាតិ ក្រោមអធិបតីភាពដ៏ខ្ពង់ខ្ពស់របស់លោកមបណ្ឌិតប៉ែន ស៊ីម៉ន ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករ
រាជធានីភ្នំពេញ ៖ កិច្ចប្រជុំលើកទី៣នៃគណៈកម្មការដឹកនាំគម្រោងបញ្ជរតែមួយជាតិ កាលពីវេលាម៉ោង៨ និង៣០ព្រឹកថ្ងៃទី១០ មេសា ២០១៤ នៅសណ្ឋាគារសូហ្វីតែល ភ្នំពេញ ភូគីត្រា មានបើកកិច្ចប្រជុំលើកទី៣ នៃគណៈកម្មការដឹកនាំគម្រោងបញ្ជរតែមួយជាតិ ក្រោមអធិបតីភាពដ៏ខ្ពង់ខ្ពស់របស់លោកមបណ្ឌិតប៉ែន ស៊ីម៉ន ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជា និងជាប្រធានគណៈកម្មការដឹកនាំគម្រោងបញ្ជរតែមួយជាតិ ដោយមានសមាសភាពចូលរួមពីតំណាងក្រសួងស្ថាប័នពាក់ព័ន្ធ និងតំណាងវិស័យឯកជន ដែលជាសមាជិកសមាជិកានៃគណៈកម្មការដឹកនាំគម្រោងបញ្ជរតែមួយជាតិ និងតំណាងដៃគូអភិវឌ្ឍន៍ ។
លោកបណ្ឌិតប៉ែន ស៊ីម៉ន បានមានប្រសាសន៍ថា គោលបំណងសំខាន់នៃកិច្ចប្រជុំនេះ គឺរួមគ្នាពិនិត្យពិភាក្សានូវលទ្ធផលនៃការអនុវត្តគម្រោងរៀបចំឯកសាងឯកសារគោល (Blueprint) ក្រោមកម្មវិធីជំនួយ Trade Facilitation Facility ដែលឧបត្ថម្ភមូលនិធិដោយធនាគារពិភពលោក មានរយៈពេលអនុវត្តគម្រោង៥ខែ គិតចាប់ពីខែវិច្ឆិកា ២០១៣ មក ។ ឯកសារគោលដែលមានចង្កោមសកម្មភាពការងារពាក់ព័ន្ធចំនួន៧នេះ នឹងប្រើជាមូលដ្ឋានគ្រឹះ សម្រាប់ការអភិវឌ្ឍ និងអនុវត្តប្រព័ន្ធបញ្ជរតែមួយជាតិពេញលេញ (Full Electronic CNSW) ឱ្យដំណើរការបានតាមបញ្ញត្តិច្បាប់ជាធរមាន និងស្របតាមការអនុវត្តន៍ល្អជាអន្តរជាតិ និងមានអនុលោមភាពទៅនឹងគោលនយោបាយរបស់រាជរដ្ឋាភិបាលសំដៅធ្វើឱ្យប្រសើរឡើងបន្ថែមទៀតនូវបរិយាកាសវិនិយោគ និងកិច្ចសម្រួលពាណិជ្ជកម្មបន្ថែមទៀតនៅកម្ពុជា ព្រមទាំងធានាឱ្យបានការតភ្ជាប់ជាមួយប្រព័ន្ធបញ្ជរតែមួយអាស៊ាន ស្របតាមទស្សនវិស័យសមាហរណកម្មសេដ្ឋកិច្ចអាស៊ាន២០១៥ ។
លោកបានគូសបញ្ជាក់ថា តាមទស្សនទានពាក់ព័ន្ធនឹងប្រព័ន្ធបញ្ជរតែមួយជាតិកម្ពុជា អគ្គនាយកដ្ឋានគយ និងរដ្ឋាករកម្ពុជា ត្រូវបានរាជរដ្ឋាភិបាលសម្រេចប្រគល់ភារកិច្ចជាអង្គភាពនាំមុខ ក្នុងការដឹកនាំអភិវឌ្ឍ និងជាប្រតិបត្តិករប្រព័ន្ធបញ្ជរតែមួយជាតិ ក៏ការអភិវឌ្ឍ និងអនុវត្តប្រព័ន្ធបញ្ជរតែមួយជាតិឱ្យទទួលជោគជ័យ មិនមែនជាការងារទទួលខុសត្រូវរបស់ក្រសួង-ស្ថាប័នណាមួយតែឯងទេ តម្រូវឱ្យមានការចូលរួម និងកិច្ចសហប្រតិបត្តិការល្អពីក្រសួង/ស្ថាប័នជំនាញពាក់ព័ន្ធជាការចាំបាច់ ។
លោកបានសំណូមពរឱ្យពីក្រសួង-ស្ថាប័នជំនាញពាក់ព័ន្ធបន្តកិច្ចសហប្រតិបត្តិការល្អអនុវត្តការងារដែលនូវសេសសល់សម្រាប់ឈានទៅអនុវត្តប្រព័ន្ធបញ្ជរតែមួយជាតិ ជាពិសេសការសិក្សាវិភាគពីគម្លាតផ្នែកច្បាប់សម្រាប់គាំទ្រការអនុវត្តន៍ប្រព័ន្ធបញ្ជរតែមួយជាតិ ។ លោកបានថ្លែងអំណរគុណចំពោះធនាគារពិភពលោក ដែលបានឧបត្ថម្ភមូលនិធិគម្រោងរៀបចំឯកសារគោលនេះ និងបានកោតសរសើរដល់កិច្ចសហប្រតិបត្តិការល្អជាប្រពៃណីរវាងមន្ត្រីនៃក្រសួង-ស្ថាប័នជំនាញពាក់ព័ន្ធចូលរួមបង្កើតឯកសារគោលនេះឡើង ។
ចែករំលែកព័តមាននេះ