ខេត្តកំពង់ស្ពឺ ៖ បុរសម្នាក់ទើបរៀបការបាន៧ខែតូចចិត្តប្រពន្ធពោលពាក្យថា «យកឯងធ្វើប្តីខុសមួយជីវិត» បានយកថ្នាំទឹកនោមផ្អែមរបស់ម្តាយលេបអស់៤០គ្រាប់ធ្វើអត្តឃាត។ ហេតុការណ៍នេះកើតឡើងកាលពីវេលាម៉ោង១០ព្រឹក ថ្ងៃទី៩ មេសា ២០១៤ នៅភូមិស្វាយ ឃុំព្រៃងៀត ស្រុកគងពិសី ខេត្តកំពង់ស្ពឺ។
ខេត្តកំពង់ស្ពឺ ៖ បុរសម្នាក់ទើបរៀបការបាន៧ខែតូចចិត្តប្រពន្ធពោលពាក្យថា «យកឯងធ្វើប្តីខុសមួយជីវិត» បានយកថ្នាំទឹកនោមផ្អែមរបស់ម្តាយលេបអស់៤០គ្រាប់ធ្វើអត្តឃាត។ ហេតុការណ៍នេះកើតឡើងកាលពីវេលាម៉ោង១០ព្រឹក ថ្ងៃទី៩ មេសា ២០១៤ នៅភូមិស្វាយ ឃុំព្រៃងៀត ស្រុកគងពិសី ខេត្តកំពង់ស្ពឺ។
បុរសដែលលេបថ្នាំធ្វើអត្តឃាតឈ្មោះសឿន ថន ភេទប្រុស អាយុ២២ឆ្នាំ ជាកម្មកររោងចក្រ មានទីលំនៅភូមិកើតហេតុខាងលើ ប្រពន្ធឈ្មោះសុខ លីម អាយុ២៤ឆ្នាំ ជាកម្មការិនីរោងចក្រធ្វើការជាមួយគ្នា ។
សាច់ញាតិជនរងគ្រោះបានឱ្យដឹងថា ពេលរៀបការហើយប្តីប្រពន្ធនេះរស់នៅផ្ទះម្តាយខាងប្រុសនៅធ្វើការរោងចក្រទាំង២នាក់ ប៉ុន្តែដោយសារប្រពន្ធឃើញថា ធ្វើការទាំង២នាក់អត់សល់លុយកាក់ ម្យ៉ាងទៀតប្រចណ្ឌប្តីមិនចង់ឱ្យធ្វើការជាមួយស្រីច្រើនផងបានឱ្យប្តីឈប់ធ្វើការរោងចក្រទៅរស់នៅខាងស្រីវិញ ហើយឱ្យប្តីជិះម៉ូតូឌុបខ្នើយ កន្ទេលដើរលក់វិញម្តង។
សាច់ញាតិបានឱ្យដឹងទៀតថា ដោយសារតែប្តីមិនមានជំនាញខាងរកស៊ីជិះម៉ូតូដើរលក់អត់បានប្រាក់ចូលផ្ទះធ្វើឱ្យពួកគេឈ្លោះប្រកែកគ្នា ហើយប្រពន្ធបានស្តីបន្ទោសប្តីថា បើដឹងថា ឯងអត់ចេះរកស៊ីចឹង ខ្ញុំមិនយកធ្វើប្តីទេ យកឯងធ្វើប្តីខុសមួយជីវិត។ បុរសជាប្តី ខណៈឮប្រពន្ធពោលពាក្យបែបនេះតូចចិត្តក្នុងជីវិតក៏រត់ទៅផ្ទះរបស់ម្តាយយកថ្នាំទឹកនោមផ្អែមរបស់ម្តាយលេបអស់៤០គ្រាប់ធ្វើអត្តឃាត ។ ពេលលេបអស់ហើយទើបម្តាយដឹងបានបញ្ជូនទៅព្យាបាលនៅមន្ទីរពេទ្យបង្អែកស្រុកគងពិសី តែមិនបានធូរស្រាលក៏បញ្ជូនបន្តមកមន្ទីរពេទ្យព្រះកុសុមៈ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ