រាជធានីភ្នំពេញ ៖ នៅអគ្គនាយកដ្ឋានពន្ធដារ នារសៀលថ្ងៃទី០៩ ខែមេសា ឆ្នាំ២០១៤ បានរៀបចំពិធីសូត្រមន្ត ចំរើនព្រះបរិត្ត លើករាសី ក្នុងឱកាស បុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ពុទ្ធសករាជ ២៥៥៨ ក្រោមវត្តមាន លោក គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារនិងមានការចូលរួមពីអគ្គនាយករង ប្រធាន អនុប្រធាន
រាជធានីភ្នំពេញ ៖ នៅអគ្គនាយកដ្ឋានពន្ធដារ នារសៀលថ្ងៃទី០៩ ខែមេសា ឆ្នាំ២០១៤ បានរៀបចំពិធីសូត្រមន្ត ចំរើនព្រះបរិត្ត លើករាសី ក្នុងឱកាស បុណ្យចូលឆ្នាំថ្មី ប្រពៃណីជាតិ ឆ្នាំមមី ឆស័ក ពុទ្ធសករាជ ២៥៥៨ ក្រោមវត្តមាន លោក គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារនិងមានការចូលរួមពីអគ្គនាយករង ប្រធាន អនុប្រធាននាយកដ្ឋាន ប្រធានសាខាពន្ធដារទាំង៧នៅរាជធានីភ្នំពេញព្រមទាំងមន្ត្រីបុគ្គលិកនៃអគ្គនាយកដ្ឋានពន្ធដារ។
ក្នុងពិធីសូត្រមន្ត នៅឆ្នាំនេះ មន្ត្រីពន្ធដារ ទាំងអស់ ក៏បានបួងសួងដល់វត្ថុស័ក្កសិទ្ធក្នុងលោក មាន ទេវតារក្សាឆ្នាំថ្មី ឆ្នាំមមី ជាដើមនោះ សូមជួយប្រោះព្រហ្ម សេរីសួស្តី ជ័យមង្គល អាយុយឺនយូរ ឈ្នះរោគាទាំងឡាយ និងបួងសួងសុំសេចក្តីសុខ ថ្វាយព្រះមហាក្សត្រ សម្តេចម៉ែ សម្តេចអគ្គមហាទាំងបី និងជាសេសជូនដល់សម្តេច កិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទ ក្រហម កម្ពុជាព្រមទាំងដល់ប្រជាពលរដ្ឋក្នុងមូលដ្ឋាន នៅក្នុងឱកាស បុណ្យចូលឆ្នាំថ្មីប្រពៃណីជាតិនេះ។
បន្ទាប់ពីពិធីសូត្រមន្ត ចំរើនព្រះបរិត្ត លោកគង់វិបុល ព្រមទាំងមន្ត្រី ទាំងអស់បានអញ្ជើញ ប្រគេនទ័យវត្ថុ និងបច្ច័យដល់ព្រះសង្ឃចំនួន៧អង្គ ទៅតាមគន្លងប្រពៃណីព្រះពុទ្ធសាសនា ។
គួររំលឹកផងដែរថា ជារៀងរាល់ឆ្នាំ អគ្គនាយកដ្ឋានពន្ធដារ តែងរៀបចំពិធីសូត្រមន្ត ចំរើនព្រះបរិត្ត និងរាប់បាត្រប្រគេនព្រះសង្ឈ ទៅតាមគន្លងប្រពៃណី ព្រះពុទ្ធសាសនា និងទំនៀមទម្លាប់ខ្មែរបុរាណ នៅមុនពេលពិធីបុណ្យចូលឆ្នាំមកដល់ ដើម្បីឧទ្ទិស មគ្គផល និងកុសលផលបុណ្យ ជូនដល់ដួងវិញ្ញាណក្ខន្ធ បុព្វការីជនមាន៖ មាតា បិតា ជីដូនជីតា និងញាតិកាទាំង៧សន្តាន ព្រមទាំងវីរយុទ្ធជន យុទ្ធនារី អ្នកស្នេហាជាតិទាំងអស់ ដែលបានធ្វើមរណកាលទៅកាន់លោកខាងមុខ ក្នុងបុព្វហេតុជាតិទឹកដី សូមឲ្យទទួលបាននូវសុខគតិភព កុំបីឃ្លៀងឃ្លាតឡើយ។
ចែករំលែកព័តមាននេះ