ខេត្តក្រចេះ ៖ អាជ្ញាធរក្រុងក្រចេះបានបញ្ចេញសាច់ដុំក្តៅចុះរុះរើសំណង់ និងសំយ៉ាបផ្ទះផ្សារអូប្ញស្សីក្នុងសង្កាត់អូប្ញស្សី ក្រុងក្រចេះ ក្រោយពីទីតាំងផ្សារមួយនេះបានក្លាយទៅជាផ្ទះផ្សារអនាធិបតេយ្យមានរយៈពេលជារាប់សិបឆ្នាំមកហើយនោះ។
ខេត្តក្រចេះ ៖ អាជ្ញាធរក្រុងក្រចេះបានបញ្ចេញសាច់ដុំក្តៅចុះរុះរើសំណង់ និងសំយ៉ាបផ្ទះផ្សារអូប្ញស្សីក្នុងសង្កាត់អូប្ញស្សី ក្រុងក្រចេះ ក្រោយពីទីតាំងផ្សារមួយនេះបានក្លាយទៅជាផ្ទះផ្សារអនាធិបតេយ្យមានរយៈពេលជារាប់សិបឆ្នាំមកហើយនោះ។
ការចុះរុះរើរបស់សមត្ថកិច្ចបានធ្វើឡើងពីរថ្ងៃជាប់ៗគ្នារហូតដល់ព្រឹក ថ្ងៃទី៩ មេសា ២០១៤ នេះទើបបញ្ចប់ ដោយអាជ្ញាធរបានសម្រេចរុះរើដំបូលសំយ៉ាបផ្ទះ និងតូបផ្សារជាច្រើនកន្លែងដែលបានលួចសាងសង់ថ្មីៗខុសពីគោលការណ៍របស់អាជ្ញាធរដែលហាមឃាត់។
ទោះបីជាយ៉ាងណា ក្នុងសកម្មភាពនៃការចុះមានវិធានការក្តៅរបស់អាជ្ញាធរនេះបានធ្វើឱ្យពលរដ្ឋជាម្ចាស់តូប និងអាជីវករមួយចំនួនសម្តែងនូវការមិនពេញចិត្តលើសកម្មភាពរបស់អាជ្ញាធរដែលចុះរុះរើ ដោយពលរដ្ឋនិយាយថា ការចុះរុះរើធ្វើឡើងមិនស្មើភាព គឺធ្វើមួយអត់មួយ។
គួរបញ្ជាក់ថា ផ្សារអូប្ញស្សីត្រូវប្រជាពលរដ្ឋចាត់ទុកថា ជាផ្សារធំទី២ បន្ទាប់ពីផ្សារសាមគ្គីក្រុងក្រចេះ ដោយមានអាជីវករជាច្រើនរយនាក់លក់ដូរមុខទំនិញគ្រប់ប្រភេទទាំងក្នុង និងក្រៅផ្សារដូចធម្មតា។ តែអ្វីដែលគួរកត់សម្គាល់ គឺការដាក់លក់របស់អាជីវករ គឺគ្មានសណ្តាប់ធ្នាប់ កើតជាតំបន់អនាធិបតេយ្យផ្ទះផ្សារ គឺប្រជាពលរដ្ឋបានសាងសង់ផ្ទះ ផ្សារសម្រាប់លក់ដូរ និងស្នាក់នៅជុំវិញទាំងក្រៅ និងក្នុងផ្សារ ជាហេតុធ្វើឱ្យមានភាពអនាធិបតេយ្យ ជាពិសេសភក់ជ្រាំនៅក្នុងរដូវវស្សា និងកាកសំណល់សំរាមនារដូវប្រាំង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ