ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ត្រូវគេកាប់រយះស្មារងរបួសធ្ងន់ ចំណែកជនបង្កត្រូវសមត្ថកិច្ចដេញចាប់ភ័យរត់ទៅបុកគោយន្តបែកក្បាលសន្លប់និងរបួសធ្ងន់ដូចគ្នា ដែលហេតុការណ៍នេះបានកើតកាលពីវេលាម៉ោង១៥និង១០នាទីរសៀល ថ្ងៃទី០៣ ខែតុលានេះ នៅភូមិថ្មី ឃុំស្រើង…
ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ត្រូវគេកាប់រយះស្មារងរបួសធ្ងន់ ចំណែកជនបង្កត្រូវសមត្ថកិច្ចដេញចាប់ភ័យរត់ទៅបុកគោយន្តបែកក្បាលសន្លប់និងរបួសធ្ងន់ដូចគ្នា ដែលហេតុការណ៍នេះបានកើតកាលពីវេលាម៉ោង១៥និង១០នាទីរសៀល ថ្ងៃទី០៣ ខែតុលានេះ នៅភូមិថ្មី ឃុំស្រើង ស្រុកប្រាសាទសំបូរ ខេត្តកំពង់ធំ ។
សេចក្តីរាយការណ៍បានបន្តថា ជនសង្ស័យមានឈ្មោះ ព្រឹម ព្រិន អាយុ៣៨ឆ្នាំ នៅភូមិកើតហេតុ បានយកកាំបិតខ្វែវកាប់ទៅលើឈ្មោះ តឹប តី ភេទប្រុស អាយុ៥០ឆ្នាំ នៅភូមិជាមួយគ្នា ចំស្មាខាងស្តាំរងរបួសជាទម្ងន់យកទៅព្យាបាលនៅមន្ទីរពេទ្យ ខេត្តកំពង់ធំ ។ មូលហេតុជនសង្ស័យឈ្មោះ ព្រឹម ព្រិន ស្រវឹងស្រា បន្ទាប់ពីបង្កហេតុរួច ជនសង្ស័យបានព្យាយាមរត់គេចខ្លួន តែត្រូវបានកម្លាំងផ្នែកជំនាញ និងប៉ុស្តិ៍នគរបាលរដ្ឋបាលស្រើង និងប្រជាការពារភូមិស្រើងចុះទៅបង្ក្រាបតាមចាប់ខ្លួនជនសង្ស័យធ្វើឲ្យជនសង្ស័យភ័យបានព្យាយាមរត់គេចទៅបុក និងគោយន្តកន្ត្រៃ ដែលគេចតទុកនៅនឹងចិញ្ចើមផ្លូវ បណ្ដាលឲ្យរងរបួសចំក្បាលជាទម្ងន់សន្លប់ធំ ហើយត្រូវបានដឹកមកព្យាបាលនៅពេទ្យឯកជន ភូមិទំនប់ ពេលឃើញសភាពជនសង្ស័យធ្ងន់ធ្ងរកម្លាំងយើងបានយកបន្តមកមណ្ឌលសុខភាពសំបូរ ហើយក៏យកបន្តទៅព្យាបាលនៅមន្ទីរពេទ្យខេត្តកំពង់ធំ ។
យោងតាមការបំភ្លឺរបស់ប្រពន្ធជនសង្ស័យឈ្មោះ ឡាំ អៀក អាយុ៤០ឆ្នាំ បានឲ្យដឹងថា ប្តីខ្លួនមួយរយៈនេះ ចេះតែប្រកាច់៣ទៅ៤ ដងមកហើយ និងចេះតែភ័យខ្លាចមមើ មមាយ ដោយមិនដឹងមូលហេតុ កាលពីថ្ងៃទី០២ ខែតុលា នេះ វេលាម៉ោង១៧និង០០នាទីល្ងាច ដោយប្តីរបស់គាត់បានចងទ្វាផ្ទះមិនឲ្យរូបគាត់ចុះដីនោះឡើយ ដោយកាន់កាំបិតខ្វែងជាប់ និងដៃជានិច្ច លុះដល់ព្រឹកថ្ងៃទី០៣ ខែតុលានេះ ម្តាយក្មេករបស់គាត់បានមកជួយគាស់ចិញ្ចាំងផ្ទះគាត់ ហើយគាត់ក៏បានលោតពីលើផ្ទះមកដី ហើយរត់ទៅពួននៅព្រៃខាងត្បូងផ្ទះ រហូតដល់ម៉ោង១៧និង២០នាទីល្ងាច ពេលគាត់ត្រឡប់មកដលផ្ទះវិញ ទើបដឹងថា ប្តីគាត់បានកាប់ទៅលើឈ្មោះ តិប តី ឲ្យរងរបួសធ្ងន់ ហើយត្រូវបានសមត្ថកិច្ចចាប់ខ្លួនបានហើយ ៕ កែសម្រួលដោយ ៖សុឃាក់
ចែករំលែកព័តមាននេះ