រាជធានីភ្នំពេញ ៖ តារាកំប្លែកចាស់វស្សាលោកជួង ជី ហៅកុយ បានផ្តើមបន្តធ្វើបុណ្យដ៏ធំប្រចាំឆ្នាំ ដើម្បីជាការរំលឹកខួបលោកយាយម៉ៅ នៅពេជ្រនិល ខេត្តព្រះសីហនុ បន្ទាប់ពីពិធីបុណ្យដ៏ធំមួយត្រូវបានតារាកំប្លែករូបនេះ ប្រារព្ធធ្វើជារៀងរាល់ឆ្នាំ ។
តាមការគ្រោងទុកពិធីបុណ្យដ៏ធំមួយនេះ នឹងប្រារព្ធធ្វើនៅថ្ងៃទី៧ មេសា ២០១៤ ខាងមុខនេះ ដោយមានការចូលរួមពីសិល្បករ សិល្បការិនីជាច្រើនរូប
រាជធានីភ្នំពេញ ៖ តារាកំប្លែកចាស់វស្សាលោកជួង ជី ហៅកុយ បានផ្តើមបន្តធ្វើបុណ្យដ៏ធំប្រចាំឆ្នាំ ដើម្បីជាការរំលឹកខួបលោកយាយម៉ៅ នៅពេជ្រនិល ខេត្តព្រះសីហនុ បន្ទាប់ពីពិធីបុណ្យដ៏ធំមួយត្រូវបានតារាកំប្លែករូបនេះ ប្រារព្ធធ្វើជារៀងរាល់ឆ្នាំ ។
តាមការគ្រោងទុកពិធីបុណ្យដ៏ធំមួយនេះ នឹងប្រារព្ធធ្វើនៅថ្ងៃទី៧ មេសា ២០១៤ ខាងមុខនេះ ដោយមានការចូលរួមពីសិល្បករ សិល្បការិនីជាច្រើនរូប ក្នុងនោះក៏មានការចូលរួមសម្តែងពីក្រុមកំប្លែងរបស់នាយកុយផងដែរ ។
តាមការអះអាងរបស់នាយកុយ ពិធីបុណ្យនេះ គឺធ្វើឡើងក្នុងគោលបំណងរំលឹក និងដឹងគុណរបស់លោកយាយម៉ៅ ដែលបានតាមថែរក្សាក្រុមគ្រួសាររបស់លោកឱ្យមានសេចក្តីសុខ និងប្រជាពលរដ្ឋគ្រប់រូបដែលបានធ្វើដំណើរឆ្លងកាត់កន្លែងលោកយាយគង់នៅ ហើយជារៀងរាល់ឆ្នាំភ្ជាប់ជាមួយពិធីបុណ្យនេះ លោកក៏មានការដាក់ទានដល់អ្នកក្រខ្សត់ដែលជួបទុក្ខលំបាកផងដែរ ។
លោកបញ្ជាក់ថា ពិធីបុណ្យខាងលើនេះ លោកបានប្រារព្ធធ្វើមួយឆ្នាំម្តង និងជារៀងរាល់ឆ្នាំ រហូតមកដល់ពេលនេះលោកបានប្រារព្ធធ្វើប្រហែលជាង១០ឆ្នាំមកហើយ ខណៈពេលដែលពិធីបុណ្យនេះ តែងតែមានការចូលរួមឧបត្ថម្ភគាំទ្រពីមន្ត្រីជាន់ខ្ពស់មួយចំនួន ប្រជាពលរដ្ឋ និងជាពិសេសពីអ្នកសិល្បៈដូចគ្នាផងដែរ ។ លោកបន្ថែមថា ចំពោះការចូលរួមពីសិល្បករ សិល្បការិនីក្នុងការសម្តែងនៅក្នុងពិធីនេះ គឺជាការស្ម័គ្រចិត្តទាំងស្រុង ដោយគ្មានការបង្ខិតបង្ខំ និងយកកម្រៃពីការសម្តែងនោះឡើយ ។ ការចូលរួមរបស់អ្នកសិល្បៈ គឺជាទឹកចិត្តដ៏ជ្រះថ្លារបស់ពួកគេ ហើយពួកគេក៏ទទួលបាននូវផលបុណ្យដែលគេបានធ្វើនាពេលនេះផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ