ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា ខណៈភ្លៀងធ្លាក់យ៉ាងខ្លាំងលាយឡំទៅដោយខ្យល់កន្ត្រាក់បោកបក់ជាខ្លាំង បានបណ្តាលឱ្យប៉ះពាល់ដល់សាលាឃុំ និងផ្ទះប្រជាពលរដ្ឋមួយចំនួនជាបន្តបន្ទាប់ ព្រមទាំងមនុស្ស៥នាក់បានរងរបួសធ្ងន់-ស្រាលផងដែរ ហេតុការណ៍នេះបានកើតឡើងកាលពីយប់ថ្ងៃទី២៨ ខែកញ្ញា ឆ្នាំ២០១៩…
ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា ខណៈភ្លៀងធ្លាក់យ៉ាងខ្លាំងលាយឡំទៅដោយខ្យល់កន្ត្រាក់បោកបក់ជាខ្លាំង បានបណ្តាលឱ្យប៉ះពាល់ដល់សាលាឃុំ និងផ្ទះប្រជាពលរដ្ឋមួយចំនួនជាបន្តបន្ទាប់ ព្រមទាំងមនុស្ស៥នាក់បានរងរបួសធ្ងន់-ស្រាលផងដែរ ហេតុការណ៍នេះបានកើតឡើងកាលពីយប់ថ្ងៃទី២៨ ខែកញ្ញា ឆ្នាំ២០១៩ នៅស្ថិតនៅស្រុកលើកដែក ខេត្តកណ្តាល ។
សេចក្តីរាយការណ៍បន្តថា ផ្ទះប្រជាពលរដ្ឋដែលរងការខូចខាតខាងលើនេះមាន ១-ផ្ទះឈ្មោះ ម៉ូវ អែម ភេទស្រី អាយុ៨១ឆ្នាំ នៅភូមិតាហ៊ីង ឃុំព្រែកដាច់ រប៉ើកដំបូលផ្ទះ ២-សាលាឃុំមួយកន្លែងរប៉ើកដំបូលក្រឿងប្រហែល៣០សន្លឹក ៣-ផ្ទះឈ្មោះយាន សុពុធ ផ្ទះទំហំ៥x៦ រលំទាំងស្រុងដល់ដី នៅភូមិព្រែកដាច់ ឃុំព្រែកដាច់ ៤-ផ្ទះឈ្មោះរិន ញ៉េប រប៉ើកដំបូលតាកខាងមុខ នៅភូមិព្រែកដាច់ ឃុំព្រែកដាច់ ៥-ផ្ទះឈ្មោះង្វៀង យ៉ាំងវ៉ា(វៀតណាម) រប៉ើកដំបូលទាំង ស្រុងនៅភូមិព្រែកដាច់ ឃុំព្រែកដាច់ ៦-ផ្ទះឈ្មោះប្រុស សុខុម រប៉ើកដំបូលតាកខាងមុខបន្តិច ភូមិព្រែកដាច់ ឃុំព្រែកដាច់។ ៧-ផ្ទះឈ្មោះម៉ៃ សំអុន រប៉ើកដំបូលផ្ទះបាយបន្តិច នៅភូមិព្រែកដាច់ ឃុំព្រែកដាច់ ៨-ផ្ទះឈ្មោះប្រាជ្ញ យ៉ាន រលំក្រោលគោទាំងស្រុង ភូមិព្រែកដាច់ ឃុំព្រែកដាច់ ៩-ផ្ទះឈ្មោះឡុង ភត្រា រលំផ្ទះបាយ ទាំងស្រុង នៅភូមិព្រែកដាច់ ឃុំព្រែកដាច់ និង១០-ស្លាកសញ្ញាគណបក្សប្រជាជនកម្ពុជាដួល ២កន្លែង(ដាច់ជើង១ និងវៀច១)។
បើយោងតាមរបាយការណ៍របស់រដ្ធបាលស្រុកលើកដែក បានបញ្ជាក់ថា នៅម៉ោង៦និង៣០នាទីយប់ថ្ងៃទី២៨ កញ្ញានេះ នៅភូមិពាមរាំង ឃុំពាមរាំង ស្រុកលើកដែក មានខ្យល់កន្ទ្រាក់បោកបក់យ៉ាងខ្លាំងបង្កឱ្យផ្ទះប្រជាពលរដ្ធចំនួន៧ខ្នងរងការខូចខាត និងមនុស្សចំនួន៥នាក់រងរបួសធ្ងន់-ស្រាលផងដែរ ។ ក្រោយពេលកើតហេតុនោះ ម្ចាស់ផ្ទះរងគ្រោះកំពុងសម្រាកព្យាបាលនៅមន្ទីរពេទ្យ ហើយក្រៅពីនោះនៅមានផលដំណាំជាច្រើនទៀត ដូចជាដើមឈើ ចេក ស្វាយ ល្ហុង។ល។ រងការខូចខាតផងដែរ។
បើតាមលោក ចាប ចន្ទ័វិទ្យា អភិបាលនៃគណៈអភិបាលស្រុកលើកដែក បានឱ្យដឹងថា បន្ទាប់ពីទទួលបានព័ត៌មានពីករណីគ្រោះធម្មជាតិនេះភ្លាម លោកក៏បានចាត់ឱ្យអាជ្ញាធរ និងកម្លាំងសមត្ថកិច្ចមូលឋានចុះទៅជួយបងប្អូនប្រជាពលរដ្ធទាំងយប់។ ហើយឥឡូវលោកអភិបាលស្រុក កំពុងឱ្យមន្ត្រីចុះពិនិត្យ និងធ្វើរបាយការណ៍លំអិត ដើម្បីត្រៀមនាំយកអំណោយទៅចែកជូនដល់ពលរដ្ធរងគ្រោះទាំងនោះផងដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ