រាជធានីភ្នំពេញ ៖ បន្ទាប់ពីបើកសវនាការជំនុំជម្រះបណ្តឹងសុំនៅក្រៅឃុំជាលើកទី២របស់លោកវ៉ន ពៅ និងសុគន្ធ សម្បត្តិវិសុទ្ធ សាលាដំបូងរាជធានី សម្រេចមិនអនុញ្ញាតឱ្យនៅក្រៅឃុំបណ្តោះអាសន្នឡើយ ។ សវនាការនេះធ្វើឡើងកំបាំងមុខលោក វ៉ន ពៅ ដោយមានតែមេធាវីការពារក្តីប៉ុណ្ណោះ ហើយចៅក្រមសម្រចមានលោក កែវ មុន្នី និងតំណាងអយ្យការលោក លី សុផាន់ណា ។
រាជធានីភ្នំពេញ ៖ បន្ទាប់ពីបើកសវនាការជំនុំជម្រះបណ្តឹងសុំនៅក្រៅឃុំជាលើកទី២របស់លោកវ៉ន ពៅ និងសុគន្ធ សម្បត្តិវិសុទ្ធ សាលាដំបូងរាជធានី សម្រេចមិនអនុញ្ញាតឱ្យនៅក្រៅឃុំបណ្តោះអាសន្នឡើយ ។ សវនាការនេះធ្វើឡើងកំបាំងមុខលោក វ៉ន ពៅ ដោយមានតែមេធាវីការពារក្តីប៉ុណ្ណោះ ហើយចៅក្រមសម្រចមានលោក កែវ មុន្នី និងតំណាងអយ្យការលោក លី សុផាន់ណា ។
កាលពីព្រឹកថ្ងៃទី០៤ មេសា សាលាដំបូងរាជធានី បានបើកសវនាការជំនុំជម្រះបណ្តឹងសុំនៅក្រៅឃុំជាលើកទី២របស់លោក វ៉ន ពៅ និងសុគន្ធ សម្បត្តិវិសុទ្ធ ដោយអះអាងថាមានជំងឺ ។ ការដាក់ពាក្យបណ្តឹងសុំនៅក្រៅឃុំជាលើកទី២នេះ បន្ទាប់ពីសាលាដំបូងរាជធានីជូនដំណឹងពីការជំនុំជម្រះលើអង្គសេចក្តីនៅថ្ងៃទី១៨ មេសា ខាងមុខនេះ ។
បើតាមសេចក្តីរាយការណ៍បានឱ្យដឹងថា ក្រោយពីតុលាការសម្រេចមិនឱ្យលោក វ៉ន ពៅ នៅក្រៅឃុំ អ្នកគាំទ្ររបស់លោកប្រមាណជាង១០០នាក់ ក្នុងនោះមានសកម្មជនបឹងកក់ អ្នកស្រីយោម បុប្ផា និងទេព វណ្ណី ដែលឈរស្រែកតវ៉ានៅម្ខាងផ្លូវ បាននាំគ្នាសម្រុកមកកាន់ច្រកទ្វារសាលាដំបូង ដោយខ្លះស្រែកយំទាមទារដោះលែងលោកវ៉ន ពៅ ឱ្យនៅក្រៅឃុំ ។ ប៉ុន្តែភ្លាមៗកម្លាំងសមត្ថកិច្ចខណ្ឌ៧មករា ប្រដាប់ដោយខែល អាវក្រោះ មួក និងដំបង ដឹកនាំដោយលោក ហួត ចាន់យ៉ារ៉ាន់ អធិការនគរបាលខណ្ឌ បានទៅរុញច្រាន និងកៀរអ្នកគាំទ្រនោះចេញទៅម្ខាងផ្លូវវិញ ហើយពេលនោះអ្នកស្រី យោម បុប្ផា បានក្រាញននៀលមិនព្រមទៅ និងបង្កឱ្យមានការកកស្ទះចរាចរផងដែរ។
សូមបញ្ជាក់ថា លោក វ៉ន ពៅ ប្រធានសមាគមនសេដ្ឋកិច្ចក្រៅប្រព័ន្ធ រួមនឹងបក្ខពួកចំនួន២០នាក់ទៀត ត្រូវបានតុលាការសម្រេចឃុំខ្លួននៅក្នុងពន្ធនាគារត្រពាំងថ្លុង ខេត្តកំពង់ចាម ក្រោមបទចោទប្រកាន់ថា បានបំផ្លិចបំផ្លាញទ្រព្យសម្បត្តិរបស់អ្នកដទៃ មានស្ថានទម្ងន់ទោស ដែលបានប្រព្រឹត្តិក្នុងហេតុការណ៍ប៉ះទង្គិចគ្នា កាលពីខែមករា ឆ្នាំ២០១៤ ។
ចែករំលែកព័តមាននេះ