រាជធានីភ្នំពេញ ៖ មនុស្សម្នាក់បានស្លា.ប់ពេលបញ្ជូនទៅដល់មន្ទីរពេទ្យ និង០២នាក់ទៀតរបួសស្រាល ដោយសារជញ្ជាំងរបងផ្ទះបាក់សង្កត់ខណះ ចងអង្រឹងគេង ។ ហេតុការណ៏នេះកើតឡើងនៅ វេលាម៉ោង៧និង៣០នាទី យប់ថ្ងៃ ទី ០៣ មេសា ២០១៤ នៅផ្ទះល្វែងមួយកន្លែងដែលកំពុងសាងសង់ ស្ថិតនៅក្នុងភូមិបុរីកម្មករ
រាជធានីភ្នំពេញ ៖ មនុស្សម្នាក់បានស្លាប់ពេលបញ្ជូនទៅដល់មន្ទីរពេទ្យ និង០២នាក់ទៀតរបួសស្រាល ដោយសារជញ្ជាំងរបងផ្ទះបាក់សង្កត់ខណះ ចងអង្រឹងគេង ។ ហេតុការណ៏នេះកើតឡើងនៅ វេលាម៉ោង៧និង៣០នាទី យប់ថ្ងៃ ទី ០៣ មេសា ២០១៤ នៅផ្ទះល្វែងមួយកន្លែងដែលកំពុងសាងសង់ ស្ថិតនៅក្នុងភូមិបុរីកម្មករ សង្កាត់ជើងឯក ខណ្ឌដង្កោ ។
ប្រភពព័ត៌មានពីកន្លែងកើតហេតុបានឱ្យដឹងថា ជនរងគ្រោះ មានឈ្មោះ សេង មករា អាយុ ១៦ឆ្នាំ ភេទប្រុស ជាកម្មករ សំណង់ ស្នាក់នៅកន្លែងកើតហេតុ និងមានស្រុកកំណើត នៅភូមិវត្តអង្គខាងត្បូង ស្រុកបន្ទាយមាស ខេត្តកំពត ចំណែកឯជនរងគ្រោះ របួសស្រាលទាំង ០២នាក់មានស្រុក កំណើតជាមួយជនរងគ្រោះដែលស្លាប់ដែរ ។ ម្ចាស់ផ្ទះល្វែង ដែលជនរងគ្រោះ ស្នាក់នៅសាងសង់នោះ មានឈ្មោះ វង្ស ដារ៉ាវុធ ភេទ ប្រុស អាយុ៥១ឆ្នាំ មុខរបរ រត់រឺម៉កកង់បី ។
ប្រភពព័ត៌មានបន្តថា នៅមុនពេលកើតហេតុ ជនរងគ្រោះ ទាំង ០៣នាក់ និងគ្នា គេម្នាក់ទៀតបានអង្គុយជជែក គ្នាលែង មួយសន្ទុះក្រោយ ក៏នាំគ្នាចងអង្រឹងភ្ជាប់ទៅនិងរបងជញ្ជាំងផ្ទះ ដើម្បីគេង ស្រាប់តែរបងជញ្ជាំងផ្ទះនោះបាក់ សង្កត់លើ បណ្តាលឱ្យបាក់ ថ្មសង្កត់មកលើទ្រូងជនរងគ្រោះដែលស្លាប់ ឯជនរងគ្រោះ០២នាក់ដែលរបួសស្រាល គ្រាន់តែប៉ះតិចតួច ។
ក្រោយពេលកើតហេតុ ជនរងគ្រោះដែលរបួសធ្ងន់ បានស្លាប់ពេលបញ្ជូនដល់មន្ទីរពេទ្យចំណែកជនរងគ្រោះដែលរបួសស្រាល ត្រូវបានសមត្ថកិច្ចហៅទៅសួរនាំពីហេតុការណ៏នេះ ។
ចែករំលែកព័តមាននេះ